Hosea 6:4 - Ghari

⁴ Ma na Taovia e tsaria, “?Igamu na tinoni ni Israel mi Juda, nagua sagata goto inau sauba kau nauvanigamu? Amu vekea laka kamu galuve sailaginiau inau, miava, nimui galuve vaniau e nanga tsaku lê, vaga moa na lavo e nanga tsaku lê tana matsaraka, me vaga goto na kolobu kalina e dato na aso.

Hosea 6:4 Referans Kwoze

Hosea 13:3

Me vaga ia, ma na tinoni girani sauba kara nangaligi lê vaga na lavo tana matsaraka, ma na kolobu kalina e dato na aso tana matsaraka. Igira sauba kara vaga na kekevuna uiti e lovosiligigira na bisi tania na nauna i tana ara labududusi uiti, me vaga na pungu e dato tana na kobalake.

Hosea 11:8

“?Me koegua ti kau mololegamu igamu na Israel? ?Me ke koegua ti kau tsonilegamu? ?Laka kau sekoligamu vaga au nauvaninogoa na vera ni Sodom, se kau nauvanigamu na omea vaga au nauvanigira na Gomora? !E utu! Niqu galuve vanigamu e loki sosongo me gini utugana vaniau kau sekoligamu.

Mateo 13:21

Me tau moa lamuga kalavata i tobaqira. Ara tutunina kesa tana tagu tetelo moa, mi kalina e gadovigira na rota rongona ara tutunina na gokona God, mi tana igira ara tau tukakai, mara pukavisu lee.

Jeremia 34:15

Me visana moa na dani ara putsi, migamu amu olia nimui papada mamu naua na omea e dou i mataqu inau. Igamu sui amu tabea laka kamu mologira gamui verakolu na Israel kara totu tanusi, mamu naua kesa na vaitasogi i mataqu inau, i laona na Vale Tabu i tana amu samasama vaniau.

Jeremia 9:7

Mi tana rongona na omea vaga ia ti na Taovia Susuliga Sosongo e tsaria, “Inau sauba kau tovogira niqu tinoni, vaga moa kalina ara kukia na siliva tana lake gana na malesiana. ?Ma nagua goto kau nauvanigira niqu tinoni rongona igira ara naua moa na omea tabaruga?

Jeremia 5:23

Bâ, migamu amu tinoni tsatsarae mamu petsakoe sosongo; amu piloligi taniau mamu tsonikidaqu nogo.

Jeremia 5:9

?Egua, laka inau sauba kau tau kedegira tana rongona niqira sasi, ma kau tau tangotuguqu i konina na puku na tinoni seko vaga iani?

Jeremia 5:7

Na Taovia e goko me tsaria, “?Rongona gua kau padalegotoa niqira sasi niqu tinoni? Igira ara tsonikidaqu inau na God mana, mara ba samasama vanigira na god peropero. Inau au palagira niqu tinoni poi tsau kara masu dou, migira ara ba kiboga gaqira moa, mara ba totu kolugira na daki rebi.

Jeremia 3:19

Ma na Taovia e tsaria, “Israel, inau au ngaoa kau tabego igoe vaga kesa na dalequ, ma kau sauvanigo kesa na butona kao dou sosongo, aia na kao dou liuliu bâ i laona na barangengo popono. Minau au ngaoa igoe ko soaginiau Mama, mo ko laka goto na piloligi taniaqu.

Jeremia 3:10

Mi murina e laba na omea sui girani, aia Juda, na tasina Israel aia e tau totukakai i koniqu, e malapalu moa laka e visumaitugua i koniqu inau, me tau moa naua tana tobana popono. Inau na Taovia au tsaria na omea iani.”

Hosea 7:1

“Me pipi kalina inau au ngaoa na sangaaqira niqu tinoni ni Israel, ma kau naua ma kara tamani omea danga tugua, mau reia moa niqira tsutsukibo ma na omea seko ara naua. Igira ara vaipeqogi, mara ratsi vale mara komi, mara komigira malemale na tinoni tana sautu na vera.

Tinoni Pede 3:12

Migira na tinoni ni Israel ara sasi tugua i matana na Taovia. Ma na rongona nogo ara nauvaganana ia, ti na Taovia e molovania na taovia tsapakae a Eglon ni Moab ke susuliga liusigira na Israel.