Hosea 5:15 - Ghari

¹⁵ “Inau sauba kau tsonikidaqira niqu tinoni poi tsau kalina ke tugunogoa niqira rota tana rongona niqira sasi, ma kara visumaitugua na laveaqu inau. Me tau utu ti i laona nogo niqira rota kara tovoa na laveaqu inau.”

Hosea 5:15 Referans Kwoze

Isaia 26:16

Taovia igoe nogo o kedegira nimu tinoni, mi laona niqira rota loki igira ara nonginongi vanigo.

Linge 78:34

Me pipi kalina God e matesigira visana vidaqira, mi tana migira na toga ara pilovisumaitugua i konina, mara padasavigira niqira sasi mara nonginongi kakai vania God.

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

Jeremia 3:13

Ko tsaridoua laka igoe o tsutsukibo mo sove tania na Taovia nimu God. Ko koevulagia laka igoe o ba saua nimu galuve vanigira na god peropero i vavaqira pipi na auauna gai, mo tau goto murigira niqu ketsa. Inau nogo na Taovia au tsaria na omea iani.

Jeremia 2:27

Igamu amu goko vania na gai mamu tsaria, ‘Igoe nogo na tamaqu.’ Me vania na vatu, ‘Igoe nogo na tinaqu o vasuau.’ Me sauba ke paluvangamamui tana rongona igamu amu piloligi taniau inau, mamu tau ngaoa na pilovisutugua i koniqu. Bâ, mi kalina e gadovigamu na rota, migamu amu ngangaidato vaniau mamu tsaria, ‘!Taovia ko mai mo ko maurisigami!’

Luka 13:25

Na tamanina na vale sauba ke tuu me ke ravea na bani, mi tana igamu kamu tuu moa i tano, ma kamu kidikidi tana bani ma kamu tsaria, ‘!Taovia, ko sangavi vanigami na matsapa!’ Ma na tamanina na vale ke tsarivanigamu, ‘!Au tau donaginigamu iava amu talumai igamu!’

Hosea 3:5

Me sauba ke labamai na tagu i tana igira na tinoni ni Israel kara pilovisutugua i konina na Taovia niqira God, mi konina kesa niqira taovia tsapakae aia na kukuana a David. Mi muri ti igira kara kukuni tania na Taovia, maia ke vangalaka vanigira tugua.

Esekiel 36:31

Mi tana tagu ia, sauba kamu padavisugira pipi sui nimui sasaga tabaru ma na omea seko amu naugira, ma kamu sibi tanigamu segeni tana vangamâ.

Esekiel 6:9

i tana kara totu tsinogo. Mi tana nogo sauba kara padavisuginiau inau, ma kara donaginia laka inau nogo au kedegira mau paluvangamaqira, rongona ara tau totukakai i koniqu mara piloligi taniau inau, mara reingaoa bâ niqira god peropero liusiau inau. Sauba kara gini vangamâ loki na padavisuaqira na omea seko marasibiga ara naugira.

Isaia 26:9

Tana bongi inau au lalavego igoe tana kosuqu popono; mi kalina igoe ko tû na pedeana na barangengo kolugira na tinoni i laona, mi tana ti igira sui sauba kara donaginia e koegua vaga na pede gotolaka.

Mika 1:3

Na Taovia sauba ke mololea na valena tabu, me ke tsunamai me ke liu bamai i kelaqira na vungavunga.

Hosea 5:6

Igira ara adiragoa niqira sipi ma niqira buluka gana kara gini savori-kodoputsa vania na Taovia, me tau lelê pelugira. E utu saikesa kara tsodoa na Taovia, rongona na Taovia e mololegira nogo.

Esekiel 20:43

Mi tana tagu goto ia, migamu sauba kamu padavisugira pipi sui na omea marasibiga amu naugira mamu gini kaulinaqu i mataqu inau. Ma kamu sibi tanigamu segeni tana rongona pipi sui na omea seko amu naugira.

Esekiel 11:23

Ma na mararana angaanga God e mololea na verabau, me ba totu tana vungavunga tabana i longa.

Esekiel 10:4

Ma na mararana angaanga na Taovia e datoligi tanitugira na angelo, me ba totu tana matsapana na Vale Tabu. Mi tana, ma na parako ia e dangali poponoa na Vale Tabu, ma na mararana God e toravi poponoa na pakokana.

Esekiel 8:6

Ma God e veisuaau, “?Dalena tinoni igoe, laka o reigira na omea ara laba? Ko reigira bâ na omea marasibiga igira na tinoni ni Israel ara naua ieni, mara gini tsialigiau babâ moa inau tania niqu nauna tabu. Eo, migoe sauba ko morosigira kara danga goto na omea marasibiga liuliu bâ.”

Isaia 26:21

Na Taovia e maimai nogo talu tana verana i baragata, gana ke kedeginigira na tinoni sui tana barangengo popono tana rongona niqira sasi. Maia sauba nomoa ke adilabatigira i malena pipi sui na labumate popoi ara naua tana barangengo, ma na kao e utu goto ke tsavupoia na gabuqira igira ara labumatesigira.

Linge 132:14

“Ieni nogo na nauna au vilinogoa, mieni nogo sauba kau totu saviliu na dani ma na dani.

Linge 83:16

Taovia ko paluvangamaqira babâ moa, poi tsau kalina kara donaginia na susuligamu igoe.

Nina Papi A Job 33:27

Mi mataqira na toga maia ke tû me ke tsarivaganana, ‘Inau au sasi i matana God. Mau tau naua sa omea ke goto, maia God e gaea nomoa na mauriqu.

2 Turupatu Dato 7:14

me ti vaga igira kara nonginongi vaniau ma kara padasavi matena niqira sasi, ma kara piloligi tanigira niqira nauseko ara lavu na nauana, mi tana ti inau sauba kau rongomigira tû i baragata, ma kau padale vanigira niqira sasi, ma kau naua me ke douvisutugua niqira kao.

Goko Tabana 8:17

Inau au galuvegira igira ara galuveau; masei moa ti vaga ke laveau inau, me tangomana ke tsodoau.

Tinoni Pede 4:3

A Jabin e tamanina e siu sangatu nina terê tapala, me tagaovigira na tinoni ni Israel me rotasi sekoligira sosongo i laona e rukapatu na ngalitupa. Mi tana migira na tinoni ni Israel ara tû mara ngangaidato tugua vania na Taovia ke sangagira.

Tuturigana 42:21

mara vaigokovigi segeniqira mara tsaria, “Eo, i kalina ia igita a gini rota tana rongona na omea igita a nauvania na kulada; igita a reinogoa na rota loki e totu i laona kalina aia e nongigita ka sangâ, migita a tau ngaoa na rongomiana. Aia nogo na rongona ti igita a tsodoa na rota loki iani kalina ia.”

Tsoko Tinoni 21:7

Migira na toga ara mai tugua i konina a Moses mara tsaria, “Igami ami sasi loki sosongo kalina ami sua ka mangamui kagamu igoe ma na Taovia. Mi kalina ia migoe ko nongia na Taovia me ke adiligigira tanigami na muata veveiga girani.” Maia Moses e nonginongi mateqira na toga.

Isaia 18:4

Rongona na Taovia e tsarivaniau inau, “Inau sauba kau totu dodo moa ieni i baragata, ma kau morotsuna mai i koniqira na tinoni vaga moa na kolobu e puka tana bongi tana tagu na pipitsu, ma na aso e sina me papara tana dani.

Jeremia 3:14

“Kamu visumaitugua igamu na tinoni amu tau totukakai i koniqu, rongona igamu niqu tamani nogo inau. Inau sauba kau adia ke kesa vidamui i laona pipi na vera, me ke ruka i laona pipi na duli, ma kau adivisugamu bâ tana Vungavunga Sion.

Linge 107:6

Mi laona niqira rota migira ara tû mara ngangaidato vania na Taovia, maia e maurisigira tania na rota loki e gadovigira.

Linge 107:13

Mi laona niqira rota loki vaga ia, migira ara tû mara ngangaidato vania na Taovia, maia e maurisigira tania na rota loki e gadovigira.

Linge 107:19

Mi laona niqira rota loki vaga ia, migira ara tû mara ngangaidato vania na Taovia, maia e maurisigira tania na rota loki e gadovigira.

Linge 107:28

Mi laona niqira rota loki vaga ia ara ngangaidato vania na Taovia, maia e maurisigira tania na rota loki e gadovigira.

Tangitangi 3:40

Ka vilekedoua nida omeomea, ma ka pilovisu i konina na Taovia.