Hosea 5:14 - Ghari

¹⁴ Eo, minau segeniqu nogo sauba kau baginigira na tinoni ni Israel mi Juda vaga moa kesa na laeone. Sauba kau ngotsigira, ma kau mololegira i tana. Mi kalina inau kau raqaligigira, me sauba ke tagara goto ke kesa tangomana ke laumaurisigira.

Hosea 5:14 Referans Kwoze

Mika 5:8

Migira na tinoni ni Israel ara kauvisu i laoqira na puku tavosi, sauba kara vaga moa kesa na laeone e rurugu bamai na lave gana mutsa i laona na legai atsi, se tana poiatsa i tana ara mutsamutsa na sipi. Me ke tsipusage i laoqira na sipi, me ke gati ngotsingotsigira, me tagara goto kesa tangomana ke laumaurisigira.

Linge 7:2

Kara tau mai vaga na laeone ma kara tangoliau ma kara kalagaiau vano kesa tana nauna i tana ke tau totu kesa ke isutuguqu. Mi tana kara qoru rapasiau.

Linge 50:22

“Kamu rorongomai igamu amu peâ na mangaqu inau, se kau tau tû ma kau matesigamu sui, me ke tau goto tangomana ke kesa ke laumaurisigamu.

Amos 2:14

Me atsa moa ti igira ara dona na ulo tsaku sosongo, sauba kara tau goto tangomana na tsogo; migira na mane susuliga sauba kara tavongani labe lê, migira na mane vaumate sauba kara tau goto tangomana na maurisi segeniqira.

Isaia 5:29

Migira na mane vaumate ara kanga loki vaga moa kalina na laeone e matesia kesa gana omea tuavati, me kalagaivanoa kesa tana nauna i tana e tau tangomana ke kesa ke ba lauligia i konina.

Tangitangi 3:10

Aia e totupituau vaga moa kesa na bea, me tsipuliau vaga moa ti na laeone.

Nina Papi A Job 10:16

Me ti vaga inau kau tangomana kesa tana omea, migoe o tsoni lalavequ vaga moa na laeone kalina aia e lalavea kesa gana omea ke gania, mo dona goto na gini aqo na valatsatsa na mani sekoliginiaqu inau.

Nina Papi A Job 10:7

Migoe o donagininogoa laka au tau tsukia sa sasi, me laka e tagara goto sa tinoni tangomana ke laumaurisiau tania na limamu igoe.

Na Vaolusi Ketsa 28:31

Me sauba kara labumatesigira nimui buluka i matamui nogo igamu, me utu kamu sangâ na ganiana na velesina. Sauba kara raqaligigira nimui asi i matamui igamu, me utu goto kara tusuvisugira vanigamu. Me sauba kara tusugira nimui sipi vanigira gamui gala, me ke tau goto totu ke kesa ke sangagamu.

Jeremia 25:38

Na Taovia e mololegamu igamu nina tinoni vaga moa na laeone kalina e mololea na babana. Nina momosatoba loki na Taovia, ma niqira isi igira na gala, sauba kara naua ma nimui kao ke lia vaga saikesa moa na kaomate.

Hosea 6:1

Migira na tinoni ara tsaria, “!Ida gita ma ka visutugua i konina na Taovia! Aia nogo e gati ngotsingotsigita; me sauba nomoa ke taligita; aia e bokaligita, me sauba nomoa ke veqoa na bokada.

Na Vaolusi Ketsa 32:39

“ ‘Inau, inau segeni au God; me tagara goto sa god tavosi ke mana. Inau nogo au matesi tinoni, mau maurisi tinoni, mau bokali tinoni mau tali tinoni, me tagara goto ke kesa tangomana ke utusia na omea inau au naua.

Hosea 2:12

Inau sauba kau toroutsanigira nina itai na uaeni ma nina gai mutsamutsa, igira aia e tsaria laka igira nogo aia e ngaogira ara tusuvania ngiti vovolina. Minau sauba kau olia nina uta na uaeni, ma nina uta na gai mutsamutsa, ma kara lia na legai atsi. Migira na omea tuavati atsi sauba kara mai ma kara toroutsanigira.

Hosea 13:6

Mi kalina igamu amu sage bâ tana kao dou, mamu mutsa masu dou, mi tana amu kaekae mamu padaleau inau.