Hosea 4:19 - Ghari

¹⁹ Bâ, ma kamu rorongo dou. Minau sauba kau adiligigira vaga moa ti kesa na guguri loki ke puasalagira, migira sauba kara padavisua niqira kodoputsa ara naua vanigira na god peropero ma kara gini vangamâ.

Hosea 4:19 Referans Kwoze

Isaia 1:29

Me sauba ko gini padasavi loki rongona o ba samasama vanigira na gai, mo tsukagira na uta, mo balogira vania na god peropero.

Hosea 13:15

E atsa moa ti igira na Israel ara dangadato vaga moa na buruburu, minau sauba kau molo bâ na guguri papara talu tana kaomate i longa, me ke mamatsaligira niqira vuravura na kô ma niqira tuvu. Me ke salaligigira pipi sui niqira omea loki matena.

Jeremia 51:1

Na Taovia e tsaria, “Inau au alomaia kesa na guguri loki sosongo ke gadovia na Babilon migira nina tinoni.

Hosea 12:1

“E pipi sui lakalaka na omea ara naua igira na tinoni ni Israel, tû tana matsaraka me tsau bâ tana ngulavi, ara tau sui tamani rongona, mara dona moa na sekoli tinoni. Na pero ma na rotasi tinoni ara pabo babâ i laoqira. Ara naua na vekesai kolugira na Asiria, mara naua niqira kavoqolo kolugira na Ejipt.”

Hosea 10:6

Na titinonina na buluka qolumila ia, sauba kara kalagaivano i Asiria ngiti takisi vania na taovia tsapakae loki tana. Epraim sauba ke gini vangamâ, ma kara paluvangamana na Israel rongona aia e norua nina god peropero.

Jeremia 17:13

Taovia, igoe nogo niqira amesi na Israel. Migira sui ara piloligi tanigo igoe sauba kara paluvangamaqira. Igira sauba kara nanga lê, vaga moa na soa ara maregira tana papasa lê, rongona ara tsonikidamu igoe na Taovia na uluna na ko maroga.

Isaia 42:17

Migira ara norugira moa na titinonina na god peropero, mara soaginigira laka niqira god na nununa na omea lê girani, sauba manana nomoa ke paluvangamaqira.”

Hosea 10:10

Inau sauba kau baginigira na tinoni vanga nausasi girani ma kau kedegira. Danga na puku tavosi sauba kara sai alaala ma kara vailabu kolugira, migira sauba kara gadovikede tana rongona niqira sasi dangadanga.