Hosea 4:1 - Ghari

¹ Na Taovia e ngaoa ke taimataqira na tinoni ara totu i laona na kao iani. Rorongo dou igamu na Israel tana omea God e tsaria: “I laona na kao popono iani na tinoni ara tau dona na tobasai ma na vaigaluvegi, mara tau goto reigadovia laka inau nogo niqira God.

Hosea 4:1 Referans Kwoze

Jeremia 4:22

Ma na Taovia e tsaria, “Igira niqu tinoni ara bule nomoa. Ara tau donaginiau inau. Ara vaga saikesa moa na baka bubulega, mara tau dona na padagadoviana sa omea. Ara dona sosongo moa na nauana na omea e sasi, mara tau dona na nauana sa omea dou.”

Mika 6:2

Igamu na vungavunga, migamu goto na papakana kalavata na qoae taligu, kamu rongomi vatavidoua na omea na Taovia ke adilabatigira tana tinete. Na Taovia e vangaraunogoa na omea ke kateli vanigira nina tinoni. Me sauba nomoa ke taimataqira na Israel.

1 Korint 15:34

Kamu sasaga, ma kamu mololegira nimui sautu sasi. Au tsarimakali vanigamu gamui tsatsaa rongona kamu gini vangamaa: eo, visana i laomui amu tau vati donaginia moa God.

Roma 1:28

Ma na rongona nogoria na tinoni girani ara sove na tutunina na manana tana rongona God, ti aia God e gini tsonilegira kara muria niqira papada seko, ma kara totu matengana moa na nauana na omea e tau ulagaqira kara naua.

Hosea 12:2

Eo, na Taovia e vangaraua ke taimataqira na tinoni ni Juda. Me ke kedegotoa na Israel tana rongona niqira omeomea nina tinoni.

Jeremia 25:31

ma na tatangina nina goko ke ileile bâ tsau tana susuina na barangengo. Na Taovia sauba ke pedegira na puku sui, me ke matesigira sui na vanga tsutsukibo. Na Taovia nogo e tsaria na omea iani.’ ”

Jeremia 5:4

Mi muri mau pada segeniqu, “Na tinoni girani igira na sekona lê moa, mara tau sasaga katsi. Ara tau saikesa donaginia na omea na Taovia niqira God e ngaoa kara naua.

Isaia 34:1

!Kamu mai igamu sui na tinoni pipi tana puku! Kamu saikolumai ma kamu rorongo. Na barangengo popono me pipi sui na tinoni ma na omea amu totu i laona kamu mai ieni ma kamu rorongo.

Isaia 1:18

“Bâ, mi kalina ia, e dou ti ka tinetea na omea iani. Atsa moa ti kara danga nimui sasi, vaga moa na polo sere e liasigabu, minau na Taovia au tsaria laka sauba kau vulimalegamu ma kamu sere maka vaga na snou.

Na Katemai 2:29

“!Me ti vaga kamu tamanina na kulimui, ma kamu rongomia na omea na Tarunga Tabu e tsarivanigira na vera na lotu!

Na Katemai 2:11

“!Me ti vaga amu tamanina na kulimui, ma kamu rongomia na omea na Tarunga Tabu e tsarivanigira na vera na lotu! Me vanigira igira e managaqira, sauba e utu goto kara vatsangisavi tana rukanina na mate.

Ioane 8:55

Migamu amu tau saikesa donaginia, minau moa au donaginia. Me ti inau kau tsaria laka au tau donaginia, mau vangapero inau vaga goto igamu. Minau au donaginia moa na Tamaqu, mau muri sailaginia na gokona.

Amos 7:16

Bâ, mi kalina ia, igoe ko rongomia na omea e tsaria na Taovia. Igoe o tongo vaniau inau na katevulagiana nina goko na Taovia ma na goko parovata vaniaqira na tinoni ni Israel.

Hosea 5:1

“!Igamu na manetabu kamu rongomia na omea iani! !Kamu rongomi vatavidoua igamu na tinoni ni Israel! !Kamu rorongo goto igamu amu totu i laona na puku taovia tsapakae! Igamu nimui aqo kamu naua na pedegoto, mamu tau moa naua. Me vaga ia, me sauba ke gadovigamu na pede. Igamu amu vaga na pidipidi ara sogo na tinoni i konina i Mispa, ma na vugo e tatakatsi tana Vungavunga Tabor,

Jeremia 34:4

A Sedekia igoe, ko rongomia na omea inau au tsaria tana rongomu. Igoe sauba e utu ko mate tana vailabu.

Jeremia 19:3

‘Igamu na taovia tsapakae tana Juda, ma na tinoni ni Jerusalem, kamu rongomia na omea inau na Taovia Susuliga Sosongo, na God ni Israel, sauba kau tsaria vanigamu. Inau sauba kau alomai vanigamu na rota seko loki sosongo tana nauna iani, migira sui na tinoni kara rongomia sauba kara gini novo loki.

Jeremia 9:20

Minau au tsaria vanigira, “Igamu na daki, kamu rongomidoua na omea e tsarivanigamu na Taovia. Kamu sasanigira na dalemui daki ma kara dona na tangitangi, migira na kulamui kara dona na lingena na linge na matemate.

Jeremia 7:28

Sauba ko tsarivanigira, ‘Igamu saikesa nogo na puku na tinoni amu tau rongomangana na Taovia nimui God, mamu tau gini sasani na kede e gadovigamu. Na totukakai i konina God e nanga saikesa nogo i laomui. Mamu tau goto nogo gini goko.’

Jeremia 6:13

Igira sui lakalaka, na tinoni loki ma na tinoni lê, ara dona sosongo na peqo gana kara gini tamani omea danga; me atsa goto moa igira na propete ma na manetabu, migira goto ara peqogira na tinoni.

Jeremia 4:28

Na barangengo sauba ke tangitangi, ma na masaoka sauba ke rodo taligu. Inau nogo au tsaria na omea iani, me utu goto ke oli niqu papada.”

Jeremia 2:4

Igamu na kukuana a Jakob, migamu sui na puku tana Israel kamu rongomia na omea e tsaria na Taovia.

Isaia 66:5

Igamu sui amu kukuni tania na Taovia mamu rongomangana, kamu rongomia na omea aia e tsaria: “Tana rongona nogo igamu amu totukakai i koniqu inau, ti igira visana nimui tinoni ara reisavigamu mara sove tanigamu. Igira ara tsirigamu mara tsaria, ‘Molovania na Taovia ke sauvulagia na susuligana me ke laumaurisigamu, mi tana ti igami kami reiginia nimui magemage.’ !Bâ, minau au tsarivanigamu laka igira nogo sauba kara paluvangamaqira!

Isaia 34:8

Na Taovia segenina nogo e titia na tagu iani i tana aia ke tangotuguqira nina tinoni me ke laumaurisia na Sion.

Isaia 28:14

Mi kalina ia, igamu na tinoni lokiloki vanga kaekae amu tagaovi kaputigira na tinoni ieni i Jerusalem, kamu rongomidoua na omea na Taovia e tsaria.

Isaia 5:3

Me vaga ia ma na kulaqu e tsaria, “Inau au nongigamu igamu na tinoni amu totu i Jerusalem mi tana Juda, kamu votamai vaniau laka asei e sasi, inau, se aia niqu uta na uaeni.

Isaia 1:10

Eo, igamu na tinoni lokiloki ma na toga ni Jerusalem, amu usuligira saikesa nogo na tinoni ni Sodom mi Gomora. Kamu rongomidoua na omea na Taovia e tsaria vanigamu. Kamu pukudougira na omea e sasaniginigamu nida God.

1 Taovia Tsapakae 22:19

Ma Mikaia e goko babâ me tsarivania a Ahab, “!Kalina ia, igoe ko rongomidoua na omea e tsaria na Taovia! Inau au morosia na Taovia e totu tana nina sasana na totukae i baragata, kolugira nina angelo sui ara tutû i ligisana.

Isaia 59:4

Mi kalina amu vano tana tinete mamu tau saikesa naua na pedegoto. Igamu amu vataragi moa tana nimui goko pero ke gini managamui. Mamu botsangia moa na omea seko mamu sekoliginigira na tinoni tavosi.

Isaia 59:8

Mamu tau dona na liu tana rago, me pipi sui moa na omea amu naugira ara tau goto. Masei moa e tsarimurimui tana nimui sautu sasi e utu goto ke tsodoa na rago me ke totu raviravi dou.

Jeremia 9:3

Ara manogatia na lapiqira na tsoniana moa na goko pero, vaga moa kesa na mane e vangarau manogatia na gini vanavana nina pipili. Ara vô saikesa na goko mana, ma na pero moa e dato susuliga i laona na kao popono. Ma na Taovia e tsaria, “Igira niqu tinoni ara naugira na omea tabaruga ara vaitsarimurigi, mara tau goto boeginiau inau niqira God.”

Jeremia 51:5

Minau na Taovia God Susuliga Sosongo au tau tsonikidaqira na Israel ma na Juda, atsa moa ti igira ara totu i laona na Babilon ara sasi sosongo i mataqu inau na God Tabu Loki ni Israel.

Joel 1:2

Kamu rorongo dou igamu na tinoni ganoga, migamu sui goto tana Juda kamu rorongo mai. ?Laka amu reinogoa e laba sa omea vaga ia tana maurimui igamu, se tana mauriqira igira na mumuamui?

Linge 81:9

Kamu laka saikesa goto na samasama vaniana ke kesa na god segeni.

Jeremia 2:9

“Me vaga ia, minau na Taovia sauba kau taimataqira tugua niqu tinoni, ma kau kedegira goto na kukuaqira.

Jeremia 9:7

Mi tana rongona na omea vaga ia ti na Taovia Susuliga Sosongo e tsaria, “Inau sauba kau tovogira niqu tinoni, vaga moa kalina ara kukia na siliva tana lake gana na malesiana. ?Ma nagua goto kau nauvanigira niqu tinoni rongona igira ara naua moa na omea tabaruga?

Jeremia 11:7

Kalina au adirutsumigira na mumuaqira tania na Ejipt, minau au parovatavigira kakai laka kara rongomangaqu dou, mau tau goto kuti na sau parovata vaniaqira poi tsau mai i dani eni.

Esekiel 16:35

Mi kalina ia, migoe Jerusalem na daki rebi, ko rongomi vatavia na omea na Taovia e tsaria.

Hosea 5:4

Na omea tabaruga ara naua igira na tinoni e utusiginigira na visutugua i konina niqira God. Na aqona na samasama vaniaqira na god peropero e tangolikakaigira, mara gini tau nogo reigadovia na Taovia.

Hosea 12:3

Aia Jakob na mumuaqira e tovoa ke sugutia a Esau na kulana batso kalina kaira ara ka totu moa i laona na tobana ka tinaqira. Mi kalina a Jakob e lokimai, maia e vailabu kolua God. E vailabu kolua kesa na angelo me tuliusia. Mi muri, maia e ngangai me nongia God ke tabua. Mi Betel God e mailaba i konina a Jakob me goko kolua.

Amos 3:1

Igamu na tinoni ni Israel, kamu rongomi vatavia na goko iani aia na Taovia e tsaria tana rongomui igamu, igamu na tinoni popono aia e adirutsumigamu tania na Ejipt.