Hosea 2:21 - Ghari

^21-22 Mi tana tagu nogo ia, inau sauba kau rongomia niqira nonginongi igira niqu tinoni ni Israel. Ma kau naua ma na usa ke tumu tugua tana barangengo, me ke dato magobu dou na mutsa tana uta, me ke danga niqira vuana uaeni, ma niqira vuana na olive.

Hosea 2:21 Referans Kwoze

Sekaria 8:12

Igira sauba kara tsukâ niqira uta tana rago. Ma na usa sauba ke malobusia niqira uta me ke gini lakataga dou niqira kao, ma niqira itai na uaeni kara gini tamani vuana dangadanga. Aia nogo sauba kau vangalaka vaga vanigira niqu tinoni igira ara kauvisu.

Mateo 6:33

Migamu, kamu gini boe talu na tamivaniana God ke tagaovia na maurimui, ma kamu padaa moa na nauana na omea dou sui vaga God e kilia kamu naua. Maia nogo sauba ke tusulea vanigamu pipi na omea sui tavosi.

Roma 8:32

!God e tau tongovanigita na Dalena, me saumaia ke gini mate tuguda igita sui! ?Megua, laka sauba ke tau tusule vanigita kolugotoa aia na omea sui tavosi goto?

Isaia 65:24

Idavia kara tau vati nongiau sa omea, minau sauba kau tuguvisunogoa niqira nonginongi.

Isaia 55:10

“Niqu tsaqina goko ara vaga na usa e tsunamai talu i gotu me malobusia na kao, mara gini dato varimauri dou pipi sui na omea tsukatsuka. Ma na tinoni ara dona na ganiana na vuana, ma na tsukavisuana na volana.

Sekaria 13:9

Minau sauba kau tovolea na tolunina turina ara kauvisu, ma kau malesigira vaga na lake e malesia na siliva ma na qolumila. Mi tana migira sauba kara nonginongi vaniau, minau sauba kau rongomia niqira nonginongi. Ma kau tsarivanigira, ‘Igamu niqu tinoni nogo inau,’ migira sauba kara tsaria, ‘Taovia, igoe moa nimami God igami.’ ”

Esekiel 36:29

Minau sauba kau sangagamu ma kamu tau goto naua sa omea kamu gini kaulinaqu i mataqu, ma kau naua ma kara dato dou na mutsa tana nimui uta, ma nimui gai mutsamutsa kara tamani vuaqira dangadanga. Me vaga ia, me utu goto ke laba vanigamu na uvirau, migira na tinoni tavosi kara tau goto tamani rongona kara goko peagamu.

Hosea 14:7

Me sauba kara totudoutugua i vavana niqu reitutugu. Me sauba ke danga dou na mutsa tana niqira uta, ma na daleqira kara danga vaga moa na vuana uaeni tana itaina. Sauba ke tangi gaqira rongo vaga moa na uaeni ni Lebanon.

Joel 2:19

Maia e tsarivanigira: “Bâ, kalina ia inau sauba kau sautugua vanigamu na mutsa, ma na uaeni, ma na oela na olive, migamu sauba kamu gini masu dou. Migira na tinoni tavosi e utu goto kara peagamu.

Malaki 3:10

Kamu adimaigira tana niqu Vale Tabu na vangana popono na sangavulunina turina nimui omea sui, me ke gini danga gaqira mutsa igira ara aqo vaniau i laona na Vale Tabu. Eo, kamu tovoleau inau, me sauba kamu reiginia laka inau sauba kau sangavigira na ovaova na baragata, ma kau qetu tsunamai vanigamu pipi vatana na omea dou sui.

Malaki 3:11

Me sauba kau tau tamivanigira na nive kara gania na rauqira nimui omea tsukatsuka, ma nimui itai na uaeni sauba kara viri tsautsigi na vunguna i konina.

Isaia 62:4

Me sauba e utu goto kara soaginigo “Tsonikidana,” ma nimu butona kao “Na Daki Aia na Savana e Tsonitsunâ.” Ma na asamu vaolu ke vaga iani, “Na Daki Aia God e Reingao Sosongolia.” Ma nimu butona kao kara soaginia, “Na Tauga Magemage,” rongona na Taovia e reingao sosongoligo, me ke lia mala savana nogo nimu butona kao.

Isaia 62:5

Vaga saikesa nogo na mane vaolu e taugâ kesa na daki siama, nimu God aia e aqosigo sauba ke taugago. Me vaga kesa na mane tauga vaolu e magemage kolua na tauna, me sauba nimu God ke magemage kolugo goto igoe.

Sekaria 8:8

ma kau adivisugira tû tabana i longa mi tasi, ma kara mai totutugua i Jerusalem. Migira sauba kara lia niqu tinoni, minau sauba kau lia niqira God, ma kau tagaovigira tana gotolaka ma na mana saviliu.