Hosea 2:15 - Ghari

¹⁵ Me sauba kau tusuvisu vania nina uta na uaeni lakataga, ma kau naua ma na Poi na Rota i tana e totu kalina ia, ke oli me ke lia vaga na matsapana na amesi. Maia sauba ke visutugua i koniqu i tana, vaga nogo e naua kalina e daki vaolu moa, me vasini moa talumai i Ejipt.

Hosea 2:15 Referans Kwoze

Esekiel 28:26

Migira sauba kara totu raviravi dou i tana, ma kara logo valeqira, ma kara tsukagira niqira itai na uaeni. Minau sauba kau kedegira na puku tavosi sui ara totu polipoligira mara reipeagira na Israel i sau, migira moa na Israel sauba kara totu raviravi dou tana rago. Mi tana ti igira kara donaginia laka inau nogo na Taovia niqira God.”

Jeremia 2:2

kau ba katevulagia na goko iani vania na vera ni Jerusalem. “Inau au padatugua kalina igoe o vavaolu moa, mo totukakai i koniqu. Mi tana tagu ia, igoe o galuveau vaga moa na daki e galuve sosongolia na savana kalina ara ka tauga vaolu. Igoe o tsarimuriqu tana kaomate, tana kao i tana ara tau vati tsukâ sa omea.

Hosea 11:1

Na Taovia e tsaria, “Kalina Israel e baka tetelo moa, inau au galuvea, mau soa rutsumia tania na vera ni Ejipt vaga nogo ti na dalequ.

Josua 7:26

Mi muri mara tsupulaginia kesa na tsupu loki na vatu i kelana a Akan, ma na tsupu na vatu ia e totu moa i tana tsau mai i dani eni. Aia nogoria na rongona ti tana nauna ia ara soaginia moa na Qou na Rota. Mi murina na mateana a Akan, ma na Taovia e tau nogo kore loki vanigira na tinoni ni Israel.

Aqoaqo 14:27

Mi kalina ara ka labavisutugua i Antiok, ara ka soasaigira na tinoni tutuni, mara ka turupatuna vanigira pipi na omea God e naua i laoqira, me koegua tana God e votisautuna vanigira goto na tinoni ni veratavosi mara gini tutunina.

Ioane 10:9

Inau nogo na matsapa. Asei ti ke sagemai tana niqu tabe inau, aia sauba ke mauri. Ke tsunasage rago ia, me ke tsodoa gana mutsa.

Amos 9:14

Inau sauba kau adivisugira tugua niqu tinoni tana niqira kao. Me sauba kara logovisugira niqira verabau ma kara totuvigira; sauba kara tsukâ niqira uta na uaeni ma kara inuvia na uaenina, sauba kara aqoa niqira uta ma kara gania na vuana na omea ara tsukâ.

Esekiel 16:60

Minau moa e utu kau padalea niqu tabana na vaitasogi au naua kolugo kalina igoe o daki vaolu moa, me sauba kau nautugua kesa na vaitasogi kolugo, ma na vaitasogi iani sauba ke totu saviliu me utu goto ke sui.

Esekiel 16:22

Mi tana tagu popono igoe o totu matengana moa na nauana na aqo marasibiga vaga na daki rebi, migoe o tau saikesa padavisua tana bakamu kalina igoe o malaiole mo butugete moa i laona na gabumu segeni.

Isaia 65:21

Igira na tinoni sauba kara logo valeqira segeni ma kara totuvigira, me tagara goto sa tinoni tavosi ke totuvi vanigira. Igira sauba kara tsukâ niqira uta na uaeni ma kara gini mage na inuviana na kona na vuana, me tagara goto sa tinoni tavosi ke inuvia vanigira. Migira niqu tinoni sauba kara mauri oka vaga moa na gai kakai e vo na mate tsaku. Me sauba kara gini magemage dou na omea ara aqo matena.

Sekaria 9:12

Igamu amu totu tsinogo amu dona nogo kalina ia laka inau sauba kau sangagamu, me vaga ia, ma kamu visumaitugua tana veramui, mi tana kamu totu raviravi dou. I dani eni nogo au vekea laka sauba kau volivisuginigamu na vangalaka ke ruka kalina liusia na rota loki e gadovigamu.

Tangitangi 3:21

Me atsa moa e vaga ia, ma na amesi e dangaliau tugua kalina au padatugua na omea iani:

Jeremia 32:15

Na Taovia Susuliga na God ni Israel e tsarinogoa laka i muri bâ ti igira na tinoni kara tuturiga tugua na voliaqira na vale ma na kao, ma na uta na uaeni tana butona kao iani.”

Linge 106:12

Mi tana, migira nina tinoni ara gini tutunina nina veke aia e naua vanigira, mara tû, mara linge na tsonikaeana.

Tsoko Tinoni 21:17

Mi tana tagu nogo ia igira na toga ni Israel ara lingena na linge iani: “Igoe na tuvu, ke danga dato na kô i laomu; Migami kami linge vanigo tana mage.

Hosea 12:9

Minau na Taovia nimui God inau nogo au adirutsumigamu tania i Ejipt i sau, mi kalina ia sauba kau tsialigigamu tania na valemui dou, ma kamu totu tugua tana valepolo, vaga nogo amu naua kalina au mai i konimui i laona na kaomate.

Isaia 65:10

Ma niqira sipi ma niqira buluka kara dangadato tana Poiatsa ni Saron tabana i tasi, mi tana nina Poiatsa a Akor tabana i longa. Eo, sauba nomoa kau nauvaganana nogo ia vanigira igira ara laveau manana.

Hosea 2:12

Inau sauba kau toroutsanigira nina itai na uaeni ma nina gai mutsamutsa, igira aia e tsaria laka igira nogo aia e ngaogira ara tusuvania ngiti vovolina. Minau sauba kau olia nina uta na uaeni, ma nina uta na gai mutsamutsa, ma kara lia na legai atsi. Migira na omea tuavati atsi sauba kara mai ma kara toroutsanigira.

Linge 129:1

Igoe Israel, ko tsarivanigami laka e koegua vaga ti igira gamu gala ara rotasigo moa, tuturiga kalina igoe o vavaolu moa.

Jeremia 2:1

Na Taovia e tsarivaniau inau a Jeremia

Jeremia 3:4

“Bâ, mi kalina eni igoe o tsarivaniau inau, ‘Igoe nogo na tamaqu, migoe o galuveau tu mai nogo kalina au baka tetelo inau.

Jeremia 29:11

Inau segeniqu moa au donaginia na omea au vangarau manogatinogoa kau naua vanigamu agana ke gini dou na maurimui, me tau gana ke gini seko, ma kau manali vanigamu na omea sui igamu amu amesia ke laba tana tagu ke mai.

Esekiel 28:25

Ma na Taovia God e tsarigotoa, “Inau sauba kau adivisumaigira tugua na tinoni ni Israel tanigira na vera tavosi i tana au sarangasigira bâ, mi tana ti igira sui na puku na tinoni kara donaginigotoa laka inau au tabu loki. Migira na tinoni ni Israel sauba kara totuvia niqira kao segeni, na kao inau au sauvaninogoa a Jakob niqu maneaqo.

Hosea 12:13

Na Taovia e moloa kesa na propete ke laumaurisigira nina tinoni tania na totu tseka i Ejipt me ke reitutugugira.

Hosea 13:4

Ma na Taovia e goko me tsaria, “Inau nogo na Taovia nimui God au adirutsumigamu tania i Ejipt. Inau segeni moa nimui God, mamu tau goto tamanina sa god tavosi. Inau segeni moa nimui vagamauri.

Tinoni Pede 8:34

mara tau goto nogo aqo vania na Taovia niqira God, aia e laumaurisigira tanigira gaqira gala ara totu poligira.

1 Taovia Tsapakae 16:31

Me tau tugua aia ke reinunu moa na nauana na sasi vaga e naunogoa a Jeroboam na taovia tsapakae; maia e tû me nauliusia bâ me ba taugâ ko Jesebel na dalena daki a Etbaal na taovia tsapakae ni Sidon, me sanga na samasama vania Baal.