Hosea 14:7 - Ghari

⁷ Me sauba kara totudoutugua i vavana niqu reitutugu. Me sauba ke danga dou na mutsa tana niqira uta, ma na daleqira kara danga vaga moa na vuana uaeni tana itaina. Sauba ke tangi gaqira rongo vaga moa na uaeni ni Lebanon.

Hosea 14:7 Referans Kwoze

Linge 91:1

Aia moa e dona na ba toturavi i konina na Taovia, ma na totu kalavata i vavana nina reitutugu aia e Susuliga Sosongo,

Ioane 11:25

Ma Iesu e tsarivania ko Marta, “Inau nogo na pukuna na mauri ma na maurivisu. Asei moa ti ke tutuniqu sauba ke mauri, atsa moa ti vaga ke mate nogo.

Sekaria 8:12

Igira sauba kara tsukâ niqira uta tana rago. Ma na usa sauba ke malobusia niqira uta me ke gini lakataga dou niqira kao, ma niqira itai na uaeni kara gini tamani vuana dangadanga. Aia nogo sauba kau vangalaka vaga vanigira niqu tinoni igira ara kauvisu.

Hosea 14:5

Me sauba kau vaga na usa e tumu tana kao mamatsa vanigira na tinoni ni Israel. Igira sauba kara tavuresi vaga moa na tsitsi, ma kara lamuga kakai vaga moa na gai ni Lebanon.

Hosea 6:2

Mi murina ke ruka se ke tolu na dani, maia sauba ke tatatuugita tugua, migita sauba ka totudoutugua i matana aia.

Esekiel 17:23

aia na vungavunga e dato ao liuliu bâ tana Israel. Me sauba ke kutsu me ke molo arana katsi, me ke vua me ke danga na vatuna, me ke lia na gai na sida dou sosongo bâ. Pipi sui na vatana na manu kara mai logoa na binuqira i tana, ma kara totu raviravi dou tana auauna.

Isaia 61:11

Vaga na kao lakataga e naua me gini dato dou na omea tsukatsuka, ma na uta e gini koli me poko dou, me vaga goto na Taovia God sauba ke suivisugira nina tinoni. Migira na tinoni pipi tana vera sui kara tsonikaeginia.

Linge Na Galuve 6:11

Minau au liu tsunamai i laoqira nogo na gai na gatsoga na reiaqira na omea tsukatsuka vaolu i laona na poi, ma na morosiana na rauqira vaolu na itai na uaeni, ma na latseqira na gai mutsamutsa.

Linge Na Galuve 2:3

Vaga kesa na gai na gaviga i laoqira na gai sui tana goana, bâ, maia saikesa nogo niqu udu galugaluve i laoqira na mane vaolu sui. Mau gini mage sosongo na totu raviravi tana auauna na gai ia, ma na vuana e puisi sosongolia na lioqu.

Linge 138:7

Atsa moa ti e gadoviau na rota danga, migoe o maurisiau. Igoe o sugaria niqira momosatoba gaqu gala, mi tana susuligamu o laumaurisiau.

Linge 85:6

Ko naua migami sauba kami tukakai tugua, migami nimu tinoni sauba kami gini tsonikaeaginigo.

Ioane 12:24

Minau au tsarivanigamu na manana: ti vaga kesa na piuna ke tau puka tana kao me ke tau mate talu, maia e totu atsa lee vaga moa kesa piuna. Me tau lelee pabo. E kilia ke mate talu nomoa. Baa, mi murina me sauba aia ke botsa me ke kutsu me ke dato, mi tana ti ke tamanina ke danga na piuna.

Hosea 2:21

Mi tana tagu nogo ia, inau sauba kau rongomia niqira nonginongi igira niqu tinoni ni Israel. Ma kau naua ma na usa ke tumu tugua tana barangengo, me ke dato magobu dou na mutsa tana uta, me ke danga niqira vuana uaeni, ma niqira vuana na olive.

Linge Na Galuve 4:11

Niqu udu galugaluve, nimu goko e rorongo dou sosongo vaniau, vaga moa na puina na bulumitsua ma na tsetserena na miliki tana mangaqu; ma na polomu ara sigini dou vaga moa na siginina na gai ni Lebanon.