Hosea 14:4 - Ghari

⁴ Ma na Taovia e tsaria, “Inau sauba kau adivisumaigira tugua niqu tinoni i koniqu. Sauba kau galuvegira tana tobaqu popono, rongona au tau nogo kore vanigira.

Hosea 14:4 Referans Kwoze

Isaia 57:18

“Inau au reiragoa niqira sasaga tabaruga, me sauba nomoa kau padale vanigira niqira sasi. Inau nogo sauba kau ida vanigira ma kau sangagira, ma kau veregira igira ara ngangai.

Isaia 12:1

Me maimai nogo na tagu i tana igira na tinoni kara linge ma kara tsaria, “!Taovia, inau au tsonikaego! Atsa moa ti igoe o kore vaniau tana idana, mi kalina ia o tau nogo kore vaniau, mo vereau moa.

Sepania 3:17

Na Taovia nimui God e totu i konimui; mi tana susuligana nogo aia igamu amu gini tangomana. Na Taovia sauba ke gini mage loki na reiamui, mi tana nina galuve loki sauba ke vaolusiginia na maurimui. Maia sauba ke linge me ke gini mage loki tana rongomui igamu, vaga nogo kalina igira na tinoni ara magemage tana dani tabu loki.”

Hosea 6:1

Migira na tinoni ara tsaria, “!Ida gita ma ka visutugua i konina na Taovia! Aia nogo e gati ngotsingotsigita; me sauba nomoa ke taligita; aia e bokaligita, me sauba nomoa ke veqoa na bokada.

Jeremia 3:22

Kamu visumaitugua, igamu sui lakalaka amu piloligi taninogoa na Taovia; maia nogo sauba ke maurisigamu me ke naua ma kamu totukakai tugua i konina. Migamu amu tsaria, “Eo, igami ami visumainogoa i konina na Taovia rongona aia nogo nimami God.

Jeremia 14:7

Migira niqu tinoni ara ngangaidato vaniau mara tsaria, ‘Atsa moa ti igira nimami sasi ara tai matamami, ami nongigo moa Taovia ko sangagami moa vaga igoe o vekenogoa. Igami ami piloligi tanigo nogo danga kalina, mami sasi sosongo i matamu.

Titus 3:4

Baa, mi kalina e labavulagia nina vangalaka ma nina galuve God nida Vagamauri, maia nogo e suivisugita.

2 Timoti 1:9

God aia nogo e maurisigita, me viliginigita ka lia nina tinoni segeni. Maia e nauvaganana ia tau laka tana rongona na omea dou igita a naua, mi tana rongona moa aia segenina nogo e ngaoa ke vangalaka vanigita. Idavia God e vusaa na barangengo, maia e vangarau manogatinogoa laka sauba ke tusua na vangalaka iani vanigita tana rongona nina aqo a Iesu Kristo.

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Roma 3:24

Maia God, tana nina vangalaka segeni nogo, e mologotosigira na tinoni sui i konina ginia nina aqo a Iesu Kristo, aia nogo e tsonimatena niqira sasi na tinoni.

Hosea 11:7

Ara padakuti matena kara piloligi taniau inau. Migira sauba kara ngangai rongona e ngoligira na kalagai mamava ara kalagaia tana kokoveqira, me ke tagara goto ke kesa ke tsebaligia i koniqira.

Jeremia 33:6

Me sauba moa kau maurisitugua na verabau iani ma na tinonina, ma kara dou visutugua, ma kau mologira kara totu raviravi dou tana rago.

Jeremia 17:14

Taovia, ko talimaurisiau inau, me sauba kau mauri dou saikesa; ko laumaurisiau, minau kau totu raviravi dou i konimu. !Igoe segeni moa au tsonikaego!

Jeremia 8:22

?Laka e tagara sa sinagore tana Gilead? ?Me laka e tau goto totu sa tinoni tatali i tana? ?Me vaga ia, megua ti ara tau tali maurisigira niqu tinoni?

Jeremia 5:6

Aia nogoria na rongona ti sauba igira na laeone kara talu tana goana atsi ma kara mai matesigira, migira na pai atsi kara talu tana kaomate ma kara gati matesigira, migira na kusi atsi kara tuvia na veraqira, rongona ti vaga kesa ke rutsuligi tania na vera, me sauba kara gati ngotsingotsigira, rongona niqira sasi na tinoni girani ara danga seko sosongo, mara piloligi sailagi moa tania God.

Linge 78:38

Ma God aia e galuvegira nomoa nina tinoni. Me padale vanigira niqira sasi me tau kede sekoligira. Me danga sosongo kalina aia e berengiti kolugira me tangolivisutugua na korena me tau kore vanigira.

Tsoko Tinoni 25:11

“Ma na rongona aia Pinehas e nauvaganana ia, ti inau au tau nogo kore vanigira na toga ni Israel. A Pinehas e tau saikesa ngaoa na reiana sa tinoni ni Israel ke samasama vanigotoa sa god peropero, inau segeni moa, maia nogoria na rongona ti inau au tau matesiligigira sui tana niqu momosatoba loki.

Tsoko Tinoni 25:4

me tsarivania a Moses, “Ko adimaigira sui na ida tana Israel, mo ko kuru tsauraginigira i mataqira na toga ma kara mate, mi tana ti sauba ke puka na korequ vanigira na toga ni Israel.”

Binaboli 15:26

Maia e tsaria, “Ti vaga igamu kamu rongomangaqu saikesa inau ma kamu naua na omea inau au pada e goto, ma kamu muridougira sui niqu ketsa, me sauba e utu kau kedeginigamu goto sa vatana lobogu vaga au rotasiginigira nogo na Ejipt. Rongona inau nogo na Taovia au tali maurisigamu.”

Isaia 55:1

Na Taovia e goko me tsaria, “!Kamu mai i koniqu igamu sui amu marou, ieni nogo na kô! !Kamu mai igamu amu tau tamanina sa qolo, ma kamu voligamui ma kamu mutsa masu! !Mai, ma kamu voli uaeni ma na miliki, me utu goto kara kili matena i konimui!

Jeremia 31:20

Ma na Taovia e tsaria, “Israel, igoe nogo na dalequ galugaluve, niqu baka au galuve sosongolia bâ. Me atsa moa au goko korekore vanigo igoe, mau galuve sosongoligo nomoa. Na tobaqu e papadago sailagi moa, me sauba nomoa kau tobadoutugua vanigo.

Esekiel 33:14

Me atsa moa goto ti inau kau tsarivania kesa na tinoni vanga nauseko laka aia sauba nomoa ke mate, me ti aia ke tû, me ke mololea na nausasi, me ke naua moa na omea e goto me dou,

Esekiel 36:36

Mi tana tagu kalina ke laba vaga ia, migira na puku tavosi ara matepitsa tana vailabu mara totu poligamu moa, sauba kara donaginia laka inau nogo na Taovia au tangomana na logo visutuguaqira na verabau ara toroutsa nogo, mau tsuka vaolutugua na uta ara pono seko lê nogo. Inau nogo na Taovia au vekea laka sauba kau naua na omea iani, me sauba nomoa kau naua.

Linge 10:14

Eo, migoe Taovia o morosiragoa na omea vaga aia e naua. Mo donaginigotoa na vatsangisavi ma na rota e gadovigira na tinoni dou, migoe o gini boe sailagi na sangaaqira. Na tinoni e utu vania ke sanga segenina, aia nogoria e molo segenina i limamu igoe; migoe nogo o sangagira sailagi igira e utu kara sanga segeniqira.

Linge 20:8

Na vatana na tinoni vaga igira, sauba kara tubulagi ma kara puka lê, migita sauba ka tukae ma ka tsotsovata kakai.

Hosea 2:19

“Israel, inau sauba kau naua migoe ko lia vaga na tauqu. Sauba kau mana sailagi vanigo, ma kau totu dou kalavata kolugo. Me sauba kau sauvulagi vanigo niqu galuve vo oli, migoe ko lia na tamaniqu sailagi.