Hosea 13:10 - Ghari

¹⁰ Igamu amu nongia kesa nimui taovia tsapakae ma gamui ida. ?Ma kara nau koeguania igira ti kara tangomana na maurisiamui?

Hosea 13:10 Referans Kwoze

Hosea 8:4

“ Niqu tinoni ara vili segeniqira niqira taovia tsapapkae, mara tau nongiau talu inau. Ara molokaegira niqira ida, me tau tana niqu tabe inau. Ara adia niqira siliva, ma niqira qolumila, mara aqosiginia na titinonina na god peropero gana moa gaqira matemate.

Hosea 10:3

Ke tau oka ma na tinoni girani kara tsaria, “Igita a gini tau tamani taovia tsapakae rongona igita a tau kukuni tania na Taovia. ?Ma na omea dou gua nomoa sauba tangomana kesa na taovia tsapakae ke nauvanigita?”

Ioane 1:49

Me novo a Nataniel me tsaria, “!Ei, Taovia, igoe manana na Dalena God! !Igoe nogo nimami Taovia Tsapakae igami na Israel!”

Sekaria 14:9

Mi tana ma na Taovia sauba ke taovia tsapakae kaputia na barangengo popono, migira na tinoni sui sauba kara donaginia laka e kesa moa na God ma kara samasama vania.

Hosea 13:4

Ma na Taovia e goko me tsaria, “Inau nogo na Taovia nimui God au adirutsumigamu tania i Ejipt. Inau segeni moa nimui God, mamu tau goto tamanina sa god tavosi. Inau segeni moa nimui vagamauri.

Jeremia 8:19

!Kamu rorongo! Poli poponoa na kao iani inau au rongomigira niqu tinoni ara viri ngangaidato mara tsaria: “?Laka na Taovia e tau nogo totu i Sion? ?Laka na taovia tsapakae ni Sion e tagara goto i tana?” Maia na Taovia, niqira taovia tsapakae nogo, e gokovisu me tsaria, “?Rongona gua ti amu katsugira na nununa na god peropero ni vera tavosi, mamu ba samasama vanigira? Tana nauvaganana ia, amu tsaiau inau, mau gini kore loki sosongo vanigamu.”

Jeremia 2:28

“?Igamu na Juda, laka iava igira na god peropero igamu amu aqosigira vanigamu segeni? !Igira nogo kara mai ma kara maurisigamu, ti vaga kara tangomana! Ara danga sosongo nimui god peropero, vaga nogo na dangaqira na verabau amu tamanina.

Isaia 43:15

Inau na Taovia nimui God tabu. Inau nogo au vusagamu igamu na Israel, minau nogo nimui taovia tsapakae.”

Isaia 33:22

Ma na itaina niqira vaka ara viri obeobe sui me utu nogo kara tangolikakaia na tuguru, me utu goto ke tavuresi niqira selo. Migita sauba ka ba laugira pipi sui niqira omea levolevo igira gada gala, me ke danga sosongo na omea ma kara mai goto igira na logu ma kara adigotoa niqira turina. Na Taovia segenina nogo sauba ke lia nida taovia tsapakae; maia sauba ke tagaovi kaputigita me ke reitutugugita.

Linge 149:2

!Kamu gini magemage igamu na Israel, rongona God nogo e aqosigamu; kamu gini mage loki igamu na toga ni Sion, tana rongona nimui taovia tsapakae!

Linge 89:18

Igoe nogo Taovia o vilia vanigami aia kesa ke reitutugugami; igoe na God Tabu ni Israel, igoe nogo o tusuvanigami gamami taovia tsapakae.

Linge 74:12

Migoe nogo God o taovia tsapakae vanigami tû mai nogo tana tuturigana tsotsodo, mo sogogamami nogo danga sosongo kalina.

Linge 44:4

Igoe nogo niqu taovia tsapakae mo niqu God; igoe o naua mara gini tangomana nimu toga,

Linge 10:16

Na Taovia aia nogo e taovia tsapakae saviliu na dani ma na dani. Migira sui ara dona na samasama vaniaqira na god tavosi sauba kara tavongani nangaligi lê tania nina kao aia.

2 Taovia Tsapakae 17:4

Me kesa tana ngalitupa ma Hosea e molovanogira visana nina mane adigoko kara ba nongia a So na taovia tsapakae ni Ejipt ke sangâ, me tû tana tagu ia maia Hosea e tau goto volia na takisi vanigira na Asiria vaga e naua pipi ngalitupa. Mi kalina a Salmaneser e rongomi vaganana ia, maia e tû me tangolia a Hosea me molosagea tana vale sosori.

1 Taovia Tsapakae 12:20

Mi kalina igira sui na tinoni ni Israel ara rongomia laka a Jeroboam e visumai talu i Ejipt, migira ara soâ ke mai sanga totu tana niqira sai igira na tinoni, mara molokaea me lia niqira taovia tsapakae igira na Israel. Migira lelê moa na puku konina a Juda ara totu kalavata i vavana niqira tagao igira na kukuana a David.

Hosea 3:4

Me vaga saikesa goto ia, igira na tinoni ni Israel niqira aqo nomoa kara totu lê oka, me ke tagara sa niqira taovia tsapakae, se sa niqira ida, me ke tagara goto na savori-kodoputsa, se na tuguru vatu tabu, tagara na titinonina se na nununa sa god peropero gana na gini aqo tana basutidao.

Hosea 7:7

“Tana paparana niqira tobamomosa igira ara labumatesigira niqira tagaovera. Mara labumatesigira goto niqira taovia tsapakae puka vaitsarimurigi, me tagara goto sa tinoni ke nonginongi vaniau inau gana kau sangagira.”

1 Samuel 8:7

Ma na Taovia e tsarivania, “Ko rongomia moa pipi na omea sui kara tsarivanigo na tinoni girani. Rongona e tau igoe ara sove tanigo, inau nogo ara sove taniau mara tau ngaoa kau taovia tsapakae vanigira.

Tangitangi 4:20

Mara tangolia aia e tagaovigita dou sosongo, aia nogo na taovia tsapakae na Taovia God e vilinogoa, aia igita a norua laka ke dilagita tanigira sui ara ngaoa na bokiana na verada.