Hosea 12:1 - Ghari

¹ “E pipi sui lakalaka na omea ara naua igira na tinoni ni Israel, tû tana matsaraka me tsau bâ tana ngulavi, ara tau sui tamani rongona, mara dona moa na sekoli tinoni. Na pero ma na rotasi tinoni ara pabo babâ i laoqira. Ara naua na vekesai kolugira na Asiria, mara naua niqira kavoqolo kolugira na Ejipt.”

Hosea 12:1 Referans Kwoze

Hosea 11:12

Na Taovia e tsaria, “Igira na tinoni ni Israel ara barapoliginiau niqira goko peropero, migira na tinoni ni Juda ara sove taniau babâ moa inau na God mana saviliu ma na God tabu.

Hosea 8:7

Kalina ti kara tsukâ na guguri, me sauba kara tsurivia moa na legai loki! Mi kalina ti kara tsukâ na uta na uiti, me sauba ke tau molo vuana gana na gini aqosi bredi. Me atsa moa ti vaga ke molo vuana, migira na tinoni ni veratavosi sauba kara ganisuia.

Hosea 5:13

“Mi kalina Israel e reigadovia laka aia e lobogu loki nogo, mi kalina Juda e morosigira na bokana segeni, mi tana migira na Israel ara vano i koniqira na Asiria, gana kara nongi sasanga i konina na taovia tsapakae ni tana, maia e tau tangomana na taliaqira se na mavusiana na bokaqira.

Esekiel 17:10

?Eo, mi kalina aia e ba tsuka segenina kesa tana kao tavosi, me laka sauba ke mauri me ke dato dou i tana? ?Me laka ke tau matsele lê kalina ke puasalâ na guguri votu? ?Me laka sauba ke tau ba mate lê tana kao i tana e ba tsuka segenina?”

Jeremia 22:22

Sauba na guguri ke pualigigira nimu tinoni lokiloki, migira ara sai alaala kolugo sauba kara raqa tsekagira, mi tana, sauba ke ponopala tobamu me ke paluvangamamu lê, tana rongona pipi sui na omea tabaruga igoe o naugira.

Nina Papi A Job 15:2

“!A Job, inau au pada laka igoe nogo kesa o sasaga loki! ?Megua ti o tsonigira na goko kobakoba lê vaga gira ara tau tamani sa rongona?

2 Taovia Tsapakae 15:19

Maia Tiglat Pileser na taovia tsapakae tana Asiria e mai bokia na Israel, me tû a Menahem me sauvania e tolu sangavulu vati toga kilo na siliva gana ke gini tabana kolua me ke sanga na kakaisiana nina aqotagao.

Tuturigana 41:6

Mi muri, mara vitu goto na vunguna sila ara labadato mai, igira ara ruase lê ma na gugurina na kaomate e mai me paragira,

Jeremia 2:36

?Egua ti e olioli sailagi na papadamu me tau totu kalavata i koniqu inau? Me sauba igira na Ejipt kara paluvangamamu lê, vaga ara nauvanigo nogo igira na Asiria.

Jeremia 7:15

Inau sauba kau tsialigigamu tania na mataqu, vaga nogo au tsialigigira na kamamui igira na tinoni ni Israel. Inau nogo na Taovia au tsaria na omea iani.”

Tangitangi 5:6

E kilia kami ba nono gamami mutsa i koniqira na Ejipt ma na Asiria ti kami gini tangomana na mauri.

Hosea 4:19

Bâ, ma kamu rorongo dou. Minau sauba kau adiligigira vaga moa ti kesa na guguri loki ke puasalagira, migira sauba kara padavisua niqira kodoputsa ara naua vanigira na god peropero ma kara gini vangamâ.

Hosea 7:11

Israel e tsipubamai vaga moa kesa na kulukulu bubulega. Igira nina tinoni ara idatalu ara nongi sasanga i koniqira na Ejipt, mi muri mara ulovano goto i Asiria.

2 Turupatu Dato 21:11

Maia e bâ me logogira goto visana na nauna niqira mani samasama igira na ponotoba tana kao vungavungaga tana Juda, me raqa sasiligira na tinoni tana Juda mi Jerusalem mara sasi i matana na Taovia.

Linge 78:36

Me pipi sui niqira tsaqina goko ara tsaria, na perona segeni moa; e tagara kesa lelê na omea igira ara tsaria ke mana.

Hosea 4:15

“Atsa moa ti igamu na Israel amu piloligi taniau mamu ba samasama vanigira na god peropero, ma kamu laka moa na raqa sasiliaqira na Juda ma kara nauvaganana goto ia. Kamu laka na ba samasama i Gilgal, se i Betaven, se na nauana sa veke i tana tana asana na God mamauri.

Hosea 7:1

“Me pipi kalina inau au ngaoa na sangaaqira niqu tinoni ni Israel, ma kau naua ma kara tamani omea danga tugua, mau reia moa niqira tsutsukibo ma na omea seko ara naua. Igira ara vaipeqogi, mara ratsi vale mara komi, mara komigira malemale na tinoni tana sautu na vera.

Hosea 11:9

E utu kau tamivania niqu momosatoba ke kedegamu, me utu kau sekoligotoa na Israel rongona inau au God mau tau tinoni lê. Inau au Tabu Loki, mau mai totu i levugamui. Mau tau ngaoa kau toroutsanigamu tana niqu momosatoba.