Hosea 11:10 - Ghari

¹⁰ “Sauba igira niqu tinoni kara muriau inau kalina kau kanga loki vaga moa na laeone vanigira gaqira gala. Sauba kara ulomai tsaku i koniqu talu tabana i tasi.

Hosea 11:10 Referans Kwoze

Amos 1:2

Ma Amos e tsaria, “Na Taovia e gû loki tû tana Vungavunga Sion; ma na tatangina na liona e qululu tû i Jerusalem. Me tavongani mamatsa lê na kao lakataga, me dula lê na buruburu tana Vungavunga Karmel.”

Joel 3:16

Na Taovia e totu i Jerusalem tana Vungavunga Sion, me maququ nina goko, me poda loki vaga moa na quluqulu, mara ka gini gariri na barangengo ma na masaoka. Maia na Taovia sauba nomoa ke dilagira nina tinoni segeni.

Isaia 31:4

Na Taovia e tsarivaniau inau, “E atsa moa kara kanga ma kara gu loki koegua igira na mane pitusipi, me utu saikesa kara tangomana na tsialigiana na laeone tania na sipi e gatimatesinogoa. Me vaga goto, e tagara goto sa omea tangomana ke utusiau inau na Taovia Susuliga Sosongo, na reitutuguana na Vungavunga Sion.

Jeremia 25:30

“Migoe a Jeremia, nimu aqo ko katevulagigira na omea sui inau au tsarivanigo. Nimu aqo ko tsarivanigira na tinoni girani na goko vaga iani, ‘Na Taovia sauba ke qululu tû i gotu i baragata, me ke poda vaga na vivisa tû i kelana na baragata. Aia sauba ke kangalaginigira nina tinoni, me ke gudato vaga na mane e tsogori rapasia na vuana uaeni. Migira sui lakalaka na tinoni tana barangengo popono sauba kara rongomia,

Jeremia 31:9

Migira niqu tinoni sauba kara ngangai ma kara nonginongi vaniau, kalina inau kau tudumivisugira tugua. Sauba kau mataligira bâ tana kô tatave, mi tana sautu atsa tana e utu goto kara tubulagi. Inau au vaga na tamaga vania na Israel ma Epraim e vaga nogo na dalequ botsa ida.”

Isaia 64:2

Ma kara galigiri vaga moa na kô kalina e totopo i laona na lake papara. Ko mai mo ko sauvulagia na susuligamu vanigira gamu gala, mo ko naua migira na puku sui kara gagariri i matamu.

2 Petero 2:10

Putsi baa igira ara totu matengana na muriana na kilinauseko e totu sailagi i tobaqira, mara gini tau kuti na peana na mangana God niqira Taovia. Migira na tarai peropero girani, ara kaekae sosongo mara padaloki segeniqira moa. Ara tau goto kukuni tanigira na angelo ni gotu, mara koetsiri gaqira moa.

Roma 8:1

E tagara nogo sa kede kalina eni ke totu pitugira ara mauripata kolunogoa a Iesu Kristo.

Aqoaqo 24:25

Mi kalina a Paulo e gini goko babaa moa tana rongona na mauri laka, ma na berengiti segenida taniaqira na sasi sui, ma na rongona goto na dani tana ke gado na Pede Loki, mi tana a Piliks e gini matagu me tsarivania a Paulo, “E dou moa ti ko vano kalina ia. Sauba inau kau soago tugua kalina ti ke tau utu vaniau.”

Ioane 8:12

Me kesa dani segeni ma Iesu e goko tugua vanigira na Parisii me tsaria, “Inau na mararana na barangengo. Asei ti ke tsarimuriqu, aia sauba ke tamanina na mararana na mauri, me utu goto ke liu tana rodo.”

Sekaria 10:12

Minau sauba nomoa kau susuligasigra niqu tinoni, migira sauba kara totukakai i koniqu, ma kara rongomangaqu. Inau nogo na Taovia au tsaria na omea iani.”

Sekaria 8:7

Inau sauba kau laumaurisigira niqu tinoni tanigira na butona momoru i tana ara aditsekagira bâ nogo,

Habakuk 3:16

Inau au rongomia na omea sui girani, mau gagariri; me gini dodokeke na tutubena mangaqu. Ma na koniqu popono e labelabeaga lê, ma na tuaqu ara tau nogo tsotso kakai. Minau sauba nomoa kau totudodo ma kau pitua moa ke mai na tagu i tana God sauba ke kedegira igira ara sekoligita.

Mika 4:5

Pipi tatasa na puku ara samasama vania mara rongomangana nina god segeni nogo, migita na tinoni ni Israel, sauba ka samasama ma ka rongomangana moa na Taovia nida God na dani ma na dani.

Amos 3:8

?Mi kalina e kanga loki kesa na laeone, masei sauba ke tau gini matagu? ?Mi kalina na Taovia God e goko, masei ke baribari me ke tau katevulagia nina goko?

Amos 3:4

?Laka kesa na laeone e dona ke tavongani kanga loki tana goana, ti vaga ke tau vati tsodotalua sa gana lamuta? ?Se laka kesa na dalena laeone ke tavongani ngeo i laona babana, ti ke tau tangolitalua kesa na omea ke gania?

Hosea 3:5

Me sauba ke labamai na tagu i tana igira na tinoni ni Israel kara pilovisutugua i konina na Taovia niqira God, mi konina kesa niqira taovia tsapakae aia na kukuana a David. Mi muri ti igira kara kukuni tania na Taovia, maia ke vangalaka vanigira tugua.

Jeremia 33:9

Ma na Jerusalem sauba ke molomage vaniau tugua, migira na tinonina kara gini padalokiau ma kara tsonikaeau. Migira na puku sui tana barangengo sauba kara matagu, ma kara gariri, kalina kara rongomia na turupatuna na omea dou sui inau au nauvanigira na tinoni ni Jerusalem.”

Jeremia 7:9

Igamu amu komi, mamu labumate, mamu kiboga, mamu gini pero tana asana na Taovia, mamu savori-kodoputsa vania Baal, mamu samasama vanigira na god peropero igira amu tau vati donaginigira tana idana.

Jeremia 7:6

ma kamu mololea na bingi sekoliaqira na tinoni ni veratavosi, migira goto na baka ma na daki tinamate, ma kamu mololegotoa na matesiaqira na tinoni dou ara tau tsukia sa sasi tana kao iani, ma kamu mololegotoa na samasama vaniaqira na god peropero ara dona moa na sekoliamui,

Jeremia 5:22

Inau nogo na Taovia. ?Egua igamu ti amu tau mataguniau inau? ?Megua ti amu tau gagariri i mataqu? Inau nogo au moloa na one i tana ke vosa mai na tasi, aia na vovotana kalavata, me utu goto ke liusia. Na tasi atsa moa ti ke karara loki, me tau moa tangomana ke liusia, ma na panu kara kukutu loki, me tau goto tangomana kara liusia.

Jeremia 2:2

kau ba katevulagia na goko iani vania na vera ni Jerusalem. “Inau au padatugua kalina igoe o vavaolu moa, mo totukakai i koniqu. Mi tana tagu ia, igoe o galuveau vaga moa na daki e galuve sosongolia na savana kalina ara ka tauga vaolu. Igoe o tsarimuriqu tana kaomate, tana kao i tana ara tau vati tsukâ sa omea.

Isaia 49:10

e utu goto kara dona na vitoa ma na marou. Na paparana na aso ma na kaomate e utu goto ke sekoligira, rongona aia e galuvegira sauba ke idagana sautu vanigira, me ke tudumigira bâ tana ko vuravura.

Isaia 42:13

Na Taovia e aligiri na vano na vailabu vaga moa kesa na malagai susuliga, me totu vangarau sui nogo, me laona sosongo na vano na vailabu. Maia e tû, me naua na gû na vailabu, me sauvulagia na susuligana tana tuliusiaqira gana gala.

Isaia 2:5

!Me vaga ia, migita na kukuana a Jakob, ida gita ma ka liu i laona na marara aia na Taovia e tusuvanigita nogo!

Linge 119:120

Au matagunigo igoe; mau mataguni sosongoligira goto nimu pedelaka.

Linge 2:11

Kamu aqo vania moa na Taovia tana kukuni loki.

Nina Papi A Job 37:1

Ma Elihu e tsarigotoa, “Mi kalina au morosia e mai na tulonga loki ma na kosuqu e butubutu anguangu sosongo.

Na Katemai 10:3

me kanga gu loki, ma na tatangina na liona e vaga moa kalina e nguru na laeone. Mi kalina aia e gu loki sui vaga ia, mi tugira vitu na vivisa ara tu podavisu vania.

Isaia 66:2

Inau segeniqu nogo au vusagira na omea sui. Minau au reingaogira bâ igira ara totu palatsuna, mara padasavia niqira sasi, mara kukuni taniau, mara rongomangaqu.

Isaia 66:5

Igamu sui amu kukuni tania na Taovia mamu rongomangana, kamu rongomia na omea aia e tsaria: “Tana rongona nogo igamu amu totukakai i koniqu inau, ti igira visana nimui tinoni ara reisavigamu mara sove tanigamu. Igira ara tsirigamu mara tsaria, ‘Molovania na Taovia ke sauvulagia na susuligana me ke laumaurisigamu, mi tana ti igami kami reiginia nimui magemage.’ !Bâ, minau au tsarivanigamu laka igira nogo sauba kara paluvangamaqira!

Esekiel 26:16

Migira sui na taovia tsapakae tana puku ara totu i tasi taligu sauba kara gini matagu loki sosongo bâ na reiana na omea e laba vanigo, me sauba kara tû ma kara tsunaligi tania niqira sasana na totukae, ma kara tsoraligigira na poloqira sagesage katsi ara tula mamaregasia, ma kara totu tsuna tana kao lê ma kara gagariri.

Isaia 11:11

Mi kalina ke labamai na tagu ia, maia na Taovia sauba ke gini aqo tugua na susuligana loki, me ke adivisumaigira nina tinoni, igira ara totuvisu moa i Asiria, mi Ejipt, mi Patros, mi Sudan, mi Elam, mi Babilonia, mi Hamat, mi tana vera sui i tasi taligu, ma na momoru i tasi.

Jeremia 50:4

Na Taovia e tsaria, “Mi kalina ke labamai na tagu ia, migira sui na toga ni Israel mi Juda sauba kara ngangai, ma kara laveau inau niqira God.

Sekaria 10:10

Inau sauba kau adivisugira tania na Ejipt ma na Asiria, ma kau ba mologira tana niqira kao segeni. Ma kau mologira goto tana Gilead mi Lebanon, ma na kao popono ia sauba ke dangadato moa na tinoni i laona.