Hosea 11:1 - Ghari

¹ Na Taovia e tsaria, “Kalina Israel e baka tetelo moa, inau au galuvea, mau soa rutsumia tania na vera ni Ejipt vaga nogo ti na dalequ.

Hosea 11:1 Referans Kwoze

Mateo 2:15

Mara tu totu i tana poi tsau kalina e mate a Herod. E gini laba na omea vaga ia, rongona ke gini manatovu na omea e tsari idanogoa na Taovia tana mangana na propete, “Au soavisutugua na Dalequ tania i Ejipt.”

Binaboli 4:22

Mi tana migoe nimu aqo ko tsarivania laka inau na Taovia au tsaria, ‘Israel aia na dalequ mane botsaida.

Hosea 13:4

Ma na Taovia e goko me tsaria, “Inau nogo na Taovia nimui God au adirutsumigamu tania i Ejipt. Inau segeni moa nimui God, mamu tau goto tamanina sa god tavosi. Inau segeni moa nimui vagamauri.

Hosea 2:15

Me sauba kau tusuvisu vania nina uta na uaeni lakataga, ma kau naua ma na Poi na Rota i tana e totu kalina ia, ke oli me ke lia vaga na matsapana na amesi. Maia sauba ke visutugua i koniqu i tana, vaga nogo e naua kalina e daki vaolu moa, me vasini moa talumai i Ejipt.

Jeremia 2:2

kau ba katevulagia na goko iani vania na vera ni Jerusalem. “Inau au padatugua kalina igoe o vavaolu moa, mo totukakai i koniqu. Mi tana tagu ia, igoe o galuveau vaga moa na daki e galuve sosongolia na savana kalina ara ka tauga vaolu. Igoe o tsarimuriqu tana kaomate, tana kao i tana ara tau vati tsukâ sa omea.

Malaki 1:2

Ma na Taovia e tsarivaganana iani vanigira nina tinoni, “Inau au galuvegamu sailagi.” Migira ara veisuâ, “?Laka tana gua e gini labavulagi vanigami nimu galuve?” Ma na Taovia e tuguvisua me tsaria, “Kaira a Esau ma Jakob ara ka tamatasi, minau au galuvea a Jakob migira na kukuana,

Hosea 12:13

Na Taovia e moloa kesa na propete ke laumaurisigira nina tinoni tania na totu tseka i Ejipt me ke reitutugugira.

Esekiel 16:6

“Mi kalina inau au liu mai tana, mau reigo o butugete i laona na gabumu segeni, minau au tau moa tamivanigo ko mate.

Na Vaolusi Ketsa 7:7

“Na Taovia e galuvegamu me viligamu tau tana rongona laka igamu amu danga liusigira bâ na tinoni tavosi. Tagara, igamu nogo na puku amu tetelo bâ i laoqira na puku na tinoni sui tana barangengo.

Hosea 12:9

Minau na Taovia nimui God inau nogo au adirutsumigamu tania i Ejipt i sau, mi kalina ia sauba kau tsialigigamu tania na valemui dou, ma kamu totu tugua tana valepolo, vaga nogo amu naua kalina au mai i konimui i laona na kaomate.

Binaboli 4:23

Inau au tsarivanigo nogo ko tamivania na dalequ ke vano rongona aia ke gini samasama vaniau, migoe o tau tamivania. Mi kalina ia inau sauba kau labumatesia na dalemu mane botsaida segeni nogo igoe.’ ”

Linge 129:1

Igoe Israel, ko tsarivanigami laka e koegua vaga ti igira gamu gala ara rotasigo moa, tuturiga kalina igoe o vavaolu moa.

Jeremia 12:7

Na Taovia e tsaria, “Inau au tsonikidaqira nogo na Israel; mau sove saikesa tania na puku na tinoni inau vilinogoa. Inau au livugira nogo na tinoni au galuvegira tana limaqira gaqira gala.

Hosea 10:15

Aia saikesa nogo sauba ke laba vaga vanigamu igamu na tinoni ni Betel, rongona na omea seko loki sosongo igamu amu naua. Mi kalina tsotsodo ke tuturiga na vailabu, ma na taovia tsapakae ni Israel sauba ke mate.”

Binaboli 19:4

“Igamu segenimui nogo amu reilakana na omea loki inau na Taovia au nauvanigira na tinoni ni Ejipt, me koegua kalina inau au tsebakaegamu igamu vaga na manuloki kalina e tsebakaea na dalena tetelo i gotuna na rapona, mau adimaigamu ieni i mataqu inau.

Na Vaolusi Ketsa 33:3

Eo, na Taovia e galuvegira nina tinoni, me reitutugudougira igira aia e tamanigira. Me vaga ia migita ka tsuporu i matana ma ka muridougira pipi sui nina ketsa.

Isaia 43:4

Eo, sauba kau nauvaganana ia, rongona igamu amu tamani rongona loki sosongo bâ i mataqu inau, mau galuvegamu, mau padalokigamu.

Esekiel 16:22

Mi tana tagu popono igoe o totu matengana moa na nauana na aqo marasibiga vaga na daki rebi, migoe o tau saikesa padavisua tana bakamu kalina igoe o malaiole mo butugete moa i laona na gabumu segeni.