Hibru 8:9 - Ghari

⁹ Me sauba ke tau vaga na taso au naunogoa kolugira na mumuaqira i sau, tana dani au tangolia na limaqira, mau tudumigira tania na vera ni Ejipt. Migira ara tau lelee goto manalia niqira tabana na vaitasogi au naukolugira, aia nogoria na rongona ti inau au tau goto gini boeginigira.

Hibru 8:9 Referans Kwoze

Jeremia 31:32

Me sauba ke tau atsa kolua aia na taso ni oka au naua kolugira nogo na mumuaqira i sau, kalina au tudumiligigira tania i Ejipt. Me atsa moa ti inau au vaga na savaqira igira, migira ara tau saikesa manalia niqira tabana na vaitasogi ia.

Galatia 4:24

Na omea vaga ia e laba ngiti papadana moa vanigita sui. Kaira ruka na daki, papadana ruka na taso. Aia ko Hagar na daki tseka e vasua na dalena tseka, papadana na taso aia God e naua tana Vungavunga Sinai.

Marko 8:23

Ma Iesu e tangolia na limana na mane koko, me tudumi baa tania na vera. Me tsuve tana kakauna me peleginia na matana na mane ia me veisua, “?Egua, laka o morosia sa omea?”

Aqoaqo 13:11

Eo, ma na kedena God ke gadovigo kalina eni. Sauba ke koko na matamu, mo ko tau reitalua na marara kesa tana tagu tetelo.” Mi kalina tsotsodo ia, ma Elimas e vatsangia na papasaga rodo e rovosi kapusia na matana. Me tupisasa bamai me lalavea kesa ke tudumia.

Aqoaqo 9:8

Me tuu a Saul, me sangavia na matana, me tau goto reia sa omea. E koko na matana me utu vania na moro. Migira gana duli ara tangolia na limana, mara tudumivanoa i Damaskus.

Malaki 2:13

Miani goto kesa na vatana na omea seko igamu amu naua. Amu porisi poponoginia nina belatabu na Taovia na kô na matamui, mamu ngangai mamu kakanga rongona na Taovia e tau nogo tabegira na savori amu adimai vania.

Amos 5:22

Mi kalina igamu kamu adimai vaniau na savori-kodokodo ma na sausau na uiti, e utu goto kau tabegira; me sauba e utu goto kau tabegira nimui omea tuavati amu pala manogatigira nogo gana kamu savorigira vaniau.

Esekiel 16:59

“Me kesa goto na omea inau na Taovia God au ngaoa kau tsarivanigo igoe Jerusalem. Kalina igoe o daki vaolu moa, mo gini veke laka sauba ko manalidoua nimu tabana na vaitasogi inau au nau kolugo, mi muri migoe o padale saikesalia na omea o vekea, mo tau nogo manalia. Me vaga ia, minau sauba kau tuguvisu vanigo goto na omea e ulagana na omea o naua igoe.

Isaia 63:9

tania niqira totu rota. Me tau goto molo bâ sa nina angelo ke laumaurisigira, tagara, tana nina galuve ma nina tobalaka loki aia segenina nogo na Taovia e tû me laumaurisigira. Maia nogo e reitutugugira tu mai nogo i sau.

Isaia 40:11

Maia sauba ke reitutugudougira nina tinoni, vaga moa na mane reitutugusipi e reitutugugira me palagira nina sipi, me alotisaigira na dalena sipi me tabelegira; me alagigira bâ na tinaqira tana nauna i tana kara mango.

Linge Na Galuve 8:5

?Asei daki vaga ia e maimai talu tana kaomate, me kulakula kolunogoa nina udu? Inau nogo au ba galisigo i vavana na gai na gaviga, i tana nauna nogo igoe o botsa.

Linge 105:43

Ti aia e gini adirutsumigira nina tinoni vivili, migira ara lilinge mara gugû loki tana magemage.

Linge 78:57

mara petsakoe mara tau mana vania, vaga saikesa nogo ara naua igira na tamaqira i sau, niqira omeomea e vaga moa na pipili kekevo, me utu na noruaqira.

Linge 77:20

Migoe o tudumigira nimu tinoni toga vaga nogo e kesa e reitutugudougira nina sipi, mo molokaira a Moses ma Aaron kara ka ida vanigira.

Nina Papi A Job 8:20

“Maia God e utu ke sove tania sa tinoni e totugoto i matana, se ke sangagira na tinoni vanga tsutsukibo.

Na Vaolusi Ketsa 29:25

Ma kara tsarivanigira vaga iani, ‘E laba vaga ia rongona igira nina tinoni na Taovia ara tau manalia niqira tabana na vaitasogi ara naukolua aia niqira God igira na mumuaqira, kalina aia e adirutsumigira tania i Ejipt.

Na Vaolusi Ketsa 29:12

Igamu amu mai ieni i dani eni, gana kamu gini sanga na nauana na vaitasogi iani aia na Taovia nimui God sauba ke naukolugamu, ma kamu tabea na muriana na gokona,

Na Vaolusi Ketsa 29:1

Igirani nogo na gokona na vaitasogi aia na Taovia e ketsalia a Moses ke naukolugira na tinoni ni Israel tana kao ni Moab; migirani sui na papabona na taso aia na Taovia e naukolugira nogo tana Vungavunga Sinai.

Binaboli 34:10

Na Taovia e tsarivania a Moses, “Kalina ia inau sauba kau naua kesa na vaitasogi kolugira na tinoni ni Israel. Mi mataqira igira inau sauba kau naugira na omea loki sosongo, vaga au tau saikesa vati naua sa nauna tana barangengo mi laona goto sa puku na tinoni tavosi. Pipi sui na tinoni sauba kara reigira na omea loki sosongo inau na Taovia au tangomana na nauana, rongona inau sauba kau naua kesa na omea mamataguniga loki vanigamu.

Tuturigana 19:16

Ma Lot e padaruka na vano. Maia na Taovia e galuvea moa; te kaira na mane ara ka tangolia tu limaqira tugira a Lot, ma na tauna mi kaira ruka na dalena daki, mara ka tudumiligigira tania na verabau.

Isaia 41:13

Inau na Taovia nimui God inau nogo au susuligasigamu mau tsarivanigamu, ‘Kamu laka na matagu, inau nogo sauba kau sangagamu.’ ”

Tangitangi 4:16

Ma na Taovia e tau goto boeginigira, maia segenina nogo e sarangasigira. Me tau goto gaegira nida manetabu ma nida tinoni tagaovera.

Isaia 51:18

Me tagara ke kesa ke idagana sautu vanigo, me tagara goto ke kesa i laoqira nimu tinoni ke tangolia na limamu me ke tudumigo.

Binaboli 32:8

Ara mololenogoa na sautu inau au ketsaligira kara muria; mara tû mara aqosi segeniqira kesa na dalena buluka mane qolumila, mara samasama i matana mara kodoputsa vania. Mara tsaria laka aia nogoria niqira god e adirutsumigira tania i Ejipt.

Aqoaqo 7:36

Maia goto nogo e raqagira na tinoni tania na vera ni Ejipt, me naugira danga na valatsatsa ma na omea ganataga i Ejipt mi tana Tasi Tsitsi, mi laona goto vati sangavulu na uvi tana legai mangu.