Hibru 8:13 - Ghari

¹³ Mi kalina God e gini goko matena na taso vaolu, maia e tsaria laka e pura sui nogo na kesanina taso. Me pipi na omea ti ke pura nogo, me sauba ke tau oka me ke nangaligi lee.

Hibru 8:13 Referans Kwoze

2 Korint 5:17

Kalina kesa ke mauripata kolua a Iesu Kristo, maia e lia na tinoni vaolu; na purana e sui nogo, me mai na vaoluna.

Hibru 9:15

Aia nogoria te a Iesu Kristo e mai rongona aia ke tuturigaa kesa na taso vaolu, ti igira na tinoni God e viligira kara adia na peluna na mauri saliu aia e vekenogoa vanigira. Tana mateana aia, e nusiligia niqira sasi ara naua kalina ara mauri muria moa na kesanina taso.

1 Korint 13:8

Na galuve e totu saviliu, me voo ke sui. Ara totu rago igira ara gini turupatuna na gokona God, me sauba moa ke sui niqira aqo. Ara totu rago na vangalaka gana na tavongani dona na gini goko na goko e tau nogo sasania, me sauba moa kara nanga lee. E totu goto na vangalaka gana na dona levo na omea, maia goto sauba ke sui lee.

Isaia 51:6

Kamu morodato tana masaoka; ma kamu morosigotoa na barangengo. Na masaoka sauba ke nangaligi lê vaga moa na pungu, ma na barangengo sauba ke tapuripuri lê vaga moa na polo ngutanguta, migira sui na tinonina sauba kara viri mate vaga moa na lango. Minau moa e utu ke sui niqu aqo na laumaurisi tinoni, niqu tangomana sauba ke totu saviliu.

Mateo 24:35

Na baragata ma na barangengo sauba kara ka nangaligi lee. Ma niqu goko inau, e utu saikesa kara nangaligi.

Luka 22:20

Mi murina na mutsa, maia e adia na tseu na uaeni, me sauvanigira me tsaria “Iani na tseu nina taso vaolu God, me mana tana gabuqu sauba ke rutsu na tugumui.

2 Korint 3:6

Aia nogo e sangagami te ami gini tangomana na aqo vaniana na taso vaolu aia e tau totu tana mamarena sa ketsa, me totu moa konina na Tarunga Tabu. Na ketsa ara marea i sau e alomaia na mate, ma na Tarunga Tabu aia e saumaia na mauri.

Hibru 1:11

Migira na omea sui, sauba kara nangaligi lee kesa dani, migoe moa sauba ko totu kalavata. Eo, sauba igira sui kara nguta lee vaga na polo.

Hibru 7:22

Mi tana susuligana nogo na veke vaga ia, ti a Iesu e manali vanigita na taso vaolu e dou baa liusia na taso ni oka.

Hibru 8:6

Baa, mi kalina eni, God e sauvania a Iesu na aqo manetabu e loki liusia baa niqira aqo na manetabu tavosi sui. Me atsa vaga goto na taso vaolu a Iesu e tuturigaa i levugaqira God ma nina tinoni, aia e dou liusia baa na taso ni oka, rongona e pukuga mai tana veke matena na omea dou baa.

Hibru 8:8

Ma God e reia laka e tau dou saviliu niqira sasaga nina tinoni, te aia e tuu, me tsarivanigira, “Ara maimai nogo na dani, e tsaria na Taovia, i tana inau kau naua kesa na taso vaolu kolugira na tinoni ni Israel, me kolugira goto na duli konina a Juda.

Hibru 12:24

Igamu amu mai nogo i konina a Iesu. Aia nogoria e turigaa vanigita na taso vaolu, ma na gabuna aia e reoa e susuliga liusia baa na gabu e reoa a Abel i sau.