Hibru 7:21 - Ghari

²¹ Ma Iesu moa aia e gini lia na manetabu tana rongona nogo na veke God e naua kalina aia e tsaria, “Na Taovia e vatsa nogo, me utu goto ke olia nina pede: ‘Igoe nogo ko manetabu saviliu.’ ”

Hibru 7:21 Referans Kwoze

Linge 110:4

Na Taovia e vatsa nogo me utu goto ke olia nina veke. Aia e tsarivaganana: “Igoe o manetabu saviliu vaga nogo a Melkisedek.”

Hibru 7:17

Rongona ara marenogoa tana Mamare Tabu mara tsaria vaganana, “Igoe nogo ko manetabu saviliu vaga nogo a Melkisedek.”

1 Samuel 15:29

Niqira God loki igira na Israel aia e utu saikesa ke pero se ke olia nina papada. Aia e tau na tinoni, me tau dona ke olia nina papada.”

Tsoko Tinoni 23:19

God aia e tau saikesa vaga na tinoni lê me ke dona na peropero; me vô na oliana nina papada vaga ara naua igira na tinoni. Ma na omea sui moa aia ke vekea, sauba ke manaligira nomoa; aia e goko moa, mara laba na omea vaga aia e tsaria.

Roma 11:29

E utu goto vania God ke olia nina pede murina aia e pede sui nogoa asei igira e viligira me vangalaka vanigira.

Hibru 5:6

Me kesa goto tana tsaqina tavosi e tsaria, “Igoe nogo ko mane tabu saviliu, vaga nogo a Melkisedek.”

Hibru 7:20

Eo, ma God aia segenina nogo e gini vatsa laka a Iesu Kristo ke manetabu saviliu. Maia e tau naua na vatana na vatsa vaga ia kalina igira i sau ara lia na manetabu. Tagara.

Hibru 7:23

Me kesa goto na omea e gini tavosi: ara danga sosongo na manetabu rongona ara dona na mate, mara gini vaitugugi babaa.

Hibru 7:28

Nina Ketsa a Moses e mologira na tinoni ara dona sasi kara lia na Mane Tabu Loki. Ma na veke God e naua me paboginia na vatsa e laba oka nogo i murina na Ketsa, me mologinia na Dalena segeni nogo, aia e gotolaka saviliu, ke lia nida Mane Tabu Loki.