Hibru 5:7 - Ghari

⁷ Mi kalina a Iesu e mauri i barangengo, me danga kalina aia e nonginongi kakai me ngangai dato (vania) God, rongona aia segeni taingoimana ke maurisia tania na mate ti vaga aia ke ngaoa. Ma na rongona a Iesu e kukuni tania God, me molotsuna segenina i matana, te aia God e rongomiginia nina nonginongi.

Hibru 5:7 Referans Kwoze

Ioane 17:1

Mi murina a Iesu e goko vaga sui ia, maia e morodato i baragata me tsaria, “Mama, na tagu e labamai nogo. Igoe ko tsonikaeau inau na Dalemu, na rongona inau kau tsonikaego goto igoe.

Mateo 27:46

Mi tana varangi na tolu na aso, ma Iesu e gudato me tsaria, “?Eli, Eli, lema sabaktani?” Ma na rongona na goko vaga ia, “?Niqu God, niqu God, egua ti o mololeau?”

Marko 15:34

Mi tana tolu, ma Iesu e gudato me tsaria, “?Eloi, Eloi, lama sabaktani?” Ma na rongona na goko vaga ia, “?Niqu God, niqu God, e gua ti o mololeau?”

Hibru 12:28

E dou ti igita ka soadoua God rongona aia e tusuvanigita na vera e utu na kasiliana. Eo, ka tsonikaea God ma ka aqodou vania tana kukuni ma na matagu,

Ioane 11:35

Ma Iesu e ngangai.

Mateo 27:50

Ma Iesu e guloki kesa goto kalina. Mi tana e sui na mamagona.

Marko 15:37

Me guloki a Iesu me mate pitsu.

Linge 22:24

Aia e tau dona ke reilea se ke peâ na rota e gadovigira na tinoni ara tau tamanina sa omea; me tau goto dona ke piloligi tanigira. Aia e rongomigira kalina ara soâ ke sangagira.”

Hibru 2:14

Igira sui na dalena vaga nogo a Iesu e gini goko iani, igira nogoria na tinoni ara tamanina na koniqira ma na gabuqira. Ma Iesu goto e lia tinoni atsa vaga goto igira, me patakolugira tana puku tinoni. Aia e nauvaganana ia, rongona e ngaoa laka tana mateana segeni nogo ke gini tsogori pukalia na susuligana na tidao seko, aia e susuliga kaputia na mate,

Luka 23:46

Ma Iesu e guloki me tsaria, “!Mama! !Tana limamu igoe au livua na tidaoqu!” E tsarivaganana ia, me matepitsu.

Linge 69:1

!Niqu God ko savokaeau! Na mao e vosadato mai nogo i lioqu.

Isaia 53:11

Mi kalina ke pirugira sui nina rota, me sauba aia ke magemage tugua, me ke donaginia laka nina rota sui ara tau puala lê. Aia niqu maneaqo dou au reingao sosongolia, sauba ke kalagaia na kedena popono niqira sasi na tinoni danga, mi tana rongona nogo aia ti inau sauba kau veoligia niqira sasi.

Hibru 13:20

Inau, au nongi sailaginia God vanigamu sui. Aia God na Taovia na Rago, maia nogo e maurisivisua a Iesu Kristo nida Taovia tania na mate. Maia nida Reitutugu Sipi Loki Tsapakae manana rongona e reoa na gabuna segeni ke gini tukakai saviliu na taso vaolu.

1 Timoti 3:16

!E loki saviliu na manana pukuga i laona nida tutuni igita, me tau tangomana ke kesa ke tiatagaraa! Aia na manana vaga God e poia tanigira na tinoni i sau, mi kalina eni moa ti aia e saulabatia. Miani nogoria na manana pukuga ia: Na Dalena God e adia kesa na konina, me lia tinoni, Ma na Tarunga Tabu e sauvulagia laka aia e goto saikesa nina sasaga, migira goto na angelo ara sanga na reiana. Mara gini goko tana rongona aia pipi tana vera sui, mara tutunina tana barangengo popono, mi muri, maia God e adidatotugua tana verana i gotu.

Isaia 49:8

Ma na Taovia e tsarivanigira nina tinoni, “Kalina ke labamai na tagu i tana inau kau laumaurisigamu, me sauba kau rongomia nimui ngangai dato vaniau ma kau sangagamu. Inau sauba kau mataligamu ma kau reitutugugamu, mi konimui nogo igamu ti inau kau naua kesa na vaitasogi kolugira na tinoni tavosi sui. Ma kau tamivanigamu kamu totuvitugua nimui butona kao e totu seko lê kalina ia.

Aqo Manetabu 2:2

me ke adi bâ vanigira na manetabu tana duli konina a Aaron. Maia na manetabu aia e tangolia na aqona na kodoputsa tana dani ia, ke adia kesa na kakarona na pulaoa ma na oela, ma na bulunagai uruuru popono, me ke kodogira tana belatabu, ngiti papadana laka ara savorigira sui popono nogo vania na Taovia. Ma na vuruna na omea ara savori vaganana ia e punâ na Taovia me gini laona sosongo.

2 Ioane 1:7

Ara danga sosongo na tinoni peropero ara viri liu bamai tana barangengo popono. Na tinoni vaga nogo igira ara dona na tiatagarana laka a Iesu Kristo e tau lia na tinoni manana. Masei e tsaria na goko vaga ia, maia nogo na tinoni peropero, maia nogoria gana gala a Iesu Kristo.

1 Ioane 4:3

Me pipi sei e tiatagaraa laka e tau tinoni manana a Iesu Kristo, ma na tarunga e tamanina aia, e tau goto talumai i konina God. E talumai saikesa i konina gana gala a Iesu Kristo. Aia igamu amu rongomi suinogoa laka sauba ke labamai. Minau au tsarivanigamu laka aia e totu manoga nogo i laona na barangengo kalina eni.

Galatia 4:4

Mi kalina e tovu nogo na dani tititi, ma God e molomaia i barangengo na Dalena segeni nogo ia. Maia e tamanina na tinana vaga nogo pipi tinoni. Me loki i laona niqira Ketsa na Tsiu,

Ioane 11:42

Au dona rago laka igoe o rongomangaqu pipi kalina. Minau au gini goko vaga iani tana rongoqira girani ara saikolu mai ieni, kara gini tutunina laka igoe nogo o mologiniau.”

Roma 8:3

God segeni nogo e naua na omea e utugana vania na Ketsa na nauana i laoda, rongona na tobada e maluku lee. God e kedenogoa na sasi e aqo i laona na tobana tinoni kalina aia e molomaia na Dalena segeni nogo. Maia e adia kesa na konina me lia tinoni ke gini veoligia niqira sasi na tinoni.

Isaia 53:3

Igita sui a reisavia moa ma sove tania. Maia e berengiti moa tana rota loki ma na vatsangisavi ara gadovia. Me tagara goto ke kesa ke ngaoa na moro bâ i konina aia. Igita sui a reipea moa vaga moa ti aia na omea lê.

Linge 88:1

Taovia God niqu vagamauri, inau au ngangaidato vanigo tana dani popono, mi tana bongi goto minau au mailaba i matamu igoe.

Ioane 1:14

Me lia tinoni na Goko me mai totu i laoda, me dangatovu i konina na vangalaka ma na manana. Migita a reivulagia na mararana, aia na marara e tamanina rongona aia nogo na Dalena Tamana e kesa moa.

Hibru 10:5

Aia nogoria na rongona ti kalina e varangi ke mai i barangengo a Iesu Kristo, maia e tsarivania God: “Igoe o tau nogo ngaogira na kodoputsa ma na savori, te o vangaraua vaniau inau kesa na konina tinoni.

Hibru 10:10

Ma na rongona a Iesu Kristo e naua na omea God e kilia, te igita sui a gini male nogo tanigira nida sasi, tana sausau aia e nauginia na konina segeni kesa moa kalina tana gai ulutaligu.

Hibru 11:7

A Noa goto e tutunina God. Maia nogo na rongona ti kalina God e parovatavia tana rongoqira na omea aia e tau moa vati reigira. Maia e rongomangana moa God me tuu, me kavia kesa na vaka, maia migira sui nina tamadale ara sage i laona, mara gini mauri tania na obo loki. Migira na tinoni tavosi sui i barangengo e gadovigira na kede rongona ara sove na rongomangana God. Maia moa a Noa e totugoto i matana God rongona aia e tutunina.