Hibru 3:8 - Ghari

⁸ ma kamu laka goto na baribari, vaga ara naua na mumuamui i sau, kalina igira ara tuu, mara peaa na mangana God tana legai mangu, mara tovolea.

Hibru 3:8 Referans Kwoze

Goko Tabana 28:14

Ko rongomangana sailagi na Taovia migoe sauba ko mage. Ti vaga igoe o tsatsarae, me sauba ke seko vanigo.

Binaboli 17:7

Mara soaginia tana nauna ia i Masa mi Meriba, rongona i tana nogo igira na Israel ara goko korekore mara tovolea na Taovia kalina ara veisuâ, “?Laka e totu kolugita manana na Taovia se tagara?”

Daniel 5:20

Mi tana rongona aia e kaekae me tsatsarae sosongo, me bingi sekoligira nina tinoni, ti aia God e adiligi tania nina sasana na totukae me puka lê gana tangirongo.

Jeremia 7:26

Me tagara goto moa sa vidamui ke gini boe na rongomiana na omea ara tsaria. Tagara, migamu sui amu tsatsarae, mamu petsakoe liusigira bâ igira na mumuamui.

Linge 78:56

Me atsa moa na Taovia e naua vanigira vaga ia, migira ara petsakoe vania God Susuliga Sosongo mara tovolea babâ moa. Migira ara tau nogo muria nina ketsa,

Linge 78:18

Igira ara tû mara tovolea God mara turuginia ke saua vanigira na vatana na mutsa koegua igira ara kilia.

Mateo 13:15

Rongona e pono sosongo na tobaqira; mara ponotia na kuliqira, mara maturukapusia na mataqira. Eo, ara nauvaganana ia rongona ara tau ngaoa kara morosiginia na mataqira, ma kara rongomiginia na kuliqira, ma kara padagadoviginia na tobaqira, ti igira kara gini pilovisumai i koniqu inau, ma kau maurisiginigira, e tsaria God.’

Goko Tabana 29:1

Ti vaga igoe ko tsatsarae babâ moa pipi kalina kara totosasagago, me kesa dani sauba ko toroutsa me ke utu saikesa vanigo ko douvisutugua.

Nina Papi A Job 9:4

God aia e sasaga loki me susuliga sosongo bâ; me tau ulagana sa tinoni ke tû me ke suamangana.

Binaboli 8:15

Mi kalina na taovia tsapakae e reia laka ara mate sui nogo na qori, maia e totu kalavata tugua tana nina papada, me tau tugua ngaoa na rongomiana ka mangaqira a Moses ma Aaron, vaga nogo na Taovia e kate idanogoa.

Linge 106:14

Mi tana kaomate igira ara kili sosongolia kara mutsa masu; te ara tû mara tovolea God;

2 Turupatu Dato 36:13

Maia Sedekia e tû me sove tania a Nebukadnesar na taovia tsapakae, aia nogo e raia ke gini vatsa na asana God laka aia sauba ke totukakai i konina. Ma Sedekia e baribari sosongo me sove saikesa na pilovisutugua i konina na Taovia na God ni Israel.

Na Vaolusi Ketsa 6:16

“Kamu laka na tovoleana na Taovia nimui God, vaga amu naunogoa i Masa.

1 Korint 10:9

Igita ka laka na tovoleana na Taovia, vaga ara naua igira visana vidaqira igira, mara laba na muata mara gatigira mara mate.

Aqoaqo 19:9

Mara visana vidaqira ara muria moa na tobaqira segeni mara sove na tutunina, mi mataqira na tinoni sui ara tsonia na goko seko tana rongona nina Sautu na Taovia. Te e tuu a Paulo me vano tanigira, me adigira goto igira na tinoni tutuni vaolu. Me pipi moa na dani e goko kolugira i laona nina vale sasani a Tiranus.

Nehemia 9:16

Migira na mumuamami ara kaekae mara tsatsarae sosongo, mara sove na muriaqira nimu ketsa.

1 Samuel 6:6

E tau dou kamu baribari sosongo vaga e naua na taovia tsapakae ni Ejipt migira sui nina tinoni i sau. Kamu padatugua e koegua kalina God e malabulesigira na Ejipt poi tsau kalina ara tamivanigira na tinoni ni Israel kara vanoligi tania na Ejipt.

Tsoko Tinoni 14:11

Ma na Taovia e tsarivania a Moses, “?Sauba ke oka koegua sagata kara sove taniau igira na tinoni girani? ?Me ke oka koegua sagata goto kara sove na noruaqu, atsa moa ti ara reiginia na mataqira segeni na valatsatsa danga inau au naua i laoqira?

2 Turupatu Dato 30:8

Kamu laka na baribari sosongo vaga ara naua igira, migamu kamu rongomangana moa na Taovia. Kamu mai tana Vale Tabu ni Jerusalem, aia na Taovia nimui God e balo saviliua, ma kamu samasama vania rongona ke gini puka na korena vanigamu.

2 Taovia Tsapakae 17:14

Migira ara sove goto na rongomangana; mara baribari vaga saikesa nogo ara naua igira na mumuaqira ara tau norukakaia na Taovia niqira God.

Linge 95:8

“Igamu kamu laka goto na baribari, vaga ara naua igira na kukuamui i sau i Meriba, me vaga goto tana dani tana kaomate i Masa.

Aqoaqo 7:36

Maia goto nogo e raqagira na tinoni tania na vera ni Ejipt, me naugira danga na valatsatsa ma na omea ganataga i Ejipt mi tana Tasi Tsitsi, mi laona goto vati sangavulu na uvi tana legai mangu.