Hibru 3:11 - Ghari

¹¹ Mau kore sosongo, mau gini vatsa mau tsaria: ‘!Sauba ke utu saikesa vanigira goto na mai sangasage koluau tana vera na mango!’ ”

Hibru 3:11 Referans Kwoze

Hibru 4:3

Migita a tutunina nogo, me sauba ka sangasage tana vera na mango God e vekea, vaga aia e tsarinogoa, “Au kore sosongo, mau vatsa mau tsaria: ‘!Sauba ke utu saikesa vanigira goto na mai sangasage koluau tana vera na mango!’ ” God e tsaria na goko iani, atsa moa ti e sui nogo nina aqo tuu kalina aia e aqosia na barangengo.

Na Vaolusi Ketsa 2:14

Tana tagu ia e tolu sangavulu alu nogo na ngalitupa e putsi murina kalina igita a mololea i Kades Barnea. Me pipi sui lakalaka na mane gana na vailabu tana vatavata ia ara mate sui nogo, vaga nogo na Taovia e tsaria ke laba vaga.

Hibru 4:9

Me tagara. Aia e gini goko nomoa, maia nogoria na rongona ti igita a gini dona laka igira nina tinoni God sauba kara mango, vaga nogo God aia e mango tana vitunina dani.

Hibru 4:5

Maia nogoria na vatana na mango vaga ia God e goko kalegotoa kalina aia e tsarivaganana: “!Sauba ke utu saikesa vanigira goto na mai sangasage koluau tana vera na mango!”

Linge 95:11

Mau gini kore loki sosongo, mau vatsa vanigira mau tsaria: ‘Sauba ke utu saikesa vanigamu kamu sage tana kao i tana inau au padâ kau mologamu kamu ba mango!’ ”

Tsoko Tinoni 14:35

Inau au gini vatsa laka sauba nomoa kau nauvanigamu na omea iani igamu na tinoni vanga tsutsukibo amu gini totu saisai na veitsari gaqu. Mieni nogo i laona na kaomate sauba pipi kesa vidamui igamu ke mate. Inau nogo na Taovia au tsarivaganana!”

Tsoko Tinoni 14:25

i tana igira na Amalek ma na Kanaan ara totuvia na poina kalina ia. Bâ, me ke matsaraka migamu kamu pilo ma kamu visu bâ i laona na kaomate tana sautu e aro kalea na Mangalonga ni Aqaba.”

Linge 106:26

Te e tû na Taovia, me vatsa vanigira laka aia ke matesigira lê i laona na kaomate,