Hibru 3:10 - Ghari

¹⁰ Aia nogo na rongona te au gini kore vanigira na tinoni girani, mau tsaria, ‘Pipi kalina na tobaqira e totu ao taniau, mara tau tami na muriana niqu goko.’

Hibru 3:10 Referans Kwoze

Linge 95:10

I laona e vati sangavulu ngalitupa inau au qisi tanigira na tinoni girani. Mau tsaria, ‘!Igira ara petsakoe sosongo, mara sove na muriaqira niqu ketsa!’

Epesus 4:30

Kamu laka na tsaiana me ke gini melu nina Tarunga Tabu God. Rongona na Tarunga Tabu, aia nogo nina marepapadana God i konimui laka aia e tamanigamu, ma na padapada laka sauba ke laba na Dani i tana God sauba ke maurisigamu.

Jeremia 4:22

Ma na Taovia e tsaria, “Igira niqu tinoni ara bule nomoa. Ara tau donaginiau inau. Ara vaga saikesa moa na baka bubulega, mara tau dona na padagadoviana sa omea. Ara dona sosongo moa na nauana na omea e sasi, mara tau dona na nauana sa omea dou.”

Linge 78:8

Mi tana ti igira kara tau gini usuligira na mumuaqira, igira na alaala na vanga petsakoe ma na livusuguradi, igira nogo ara tau vataragini kakaia niqira vainorugi konina God mara tau goto dona kara totukakai i konina.

Linge 67:2

mi tana nogo ti igira sui tana barangengo popono kara donaginia na omea o kilia igoe; migira sui na puku kara donaginia laka o ngaoa manana na maurisiaqira.

Hosea 4:12

Igira ara ba nongia kesa na takutina gai lê ke sauvulagi vanigira na omea ara totu popoi. !Eo, ara padâ laka kesa na takutina gai lê e dona ke tsarivulagi vanigira na omea igira ara ngaoa kara dona! Igira sui ara mololeau inau, mara sau segeniqira vanigira na god peropero, vaga moa kesa daki e mololea savana me ba lia na rebi.

Isaia 63:10

Migira moa ara sove tania, me gini melu nina Tarunga Tabu. Maia nogoria na rongona ti na Taovia e vaigalagi kolugira, me vailabu kolugira.

Hibru 3:12

Igamu gaqu tutuni kolu, kamu parovata dou, ke tau goto totu kesa i laomui e kuma sosongo na tobana, me voo na tutuni, ke tuu me ke piloligi tanigotoa na God mamauri.

Ioane 8:45

“Minau au goko mana, maia nogoria na rongona te e gini utu vanigamu kamu tutuniqu.

Marko 3:5

Ma Iesu e moro tatavata baa i koniqira ara totu tana, me kore me galuvegira goto, rongona ara tobakakai sosongo, me sasi niqira papada. Te e tuu moa, me tsarivania na mane, “Ko kaporakasia na limamu.” Maia e kaporakasia na limana, me dou tugua.

Isaia 28:7

Me atsa goto ti igira na propete ma na manetabu, migira sui goto e ulavigira na inu papara, mara gini tapulepule bamai. Ara inuvia danga sosongo na uaeni ma na inu papara, mara gini tubulagi mara tau nogo dona nagua ara naua. Migira na propete e ulavi sosongoligira na inu me gini utu vanigira na padagadoviana na moro God e molomai vanigira, migira na manetabu e utu nogo vanigira na vota goko dou tana tineteana na omea na tinoni ara adimaia vanigira.

Linge 147:20

Maia e tau goto nauvaganana ia vanigira na puku tavosi, tagara, igira ara tau donaginigira nina ketsa. !Tsonikaea na Taovia!

Tinoni Pede 10:16

Migira ara tû mara tsoniligigira pipi sui niqira god peropero, mara samasama tugua vania na Taovia. Mi tana maia na Taovia e galuvevisugira na Israel rongona e reia laka ara totu tana rota loki sosongo.

Roma 3:7

?Me ti vaga tana nina aqo malapalu kesa tinoni, te e gini laba maka dou baa laka God aia e mana saviliu, me matena gua ti God ke kedea aia mala tinoni sasi?

Linge 78:40

!E danga sosongo kalina igira ara petsakoe vania tana kaomate; me gini melu tobana!

Tuturigana 6:6

ma na Taovia e padasavi sosongo rongona aia e aqosigira me mologira tana barangengo. Me gini melu loki sosongo tobana,

Roma 1:28

Ma na rongona nogoria na tinoni girani ara sove na tutunina na manana tana rongona God, ti aia God e gini tsonilegira kara muria niqira papada seko, ma kara totu matengana moa na nauana na omea e tau ulagaqira kara naua.

Mateo 20:24

Mi kalina igira na sangavulu tavosi ara rongomia na omea vaga ia, mara gini kore vanikaira na tamaitasi kaira.