Hibru 13:8 - Ghari

⁸ A Iesu Kristo e tau dona na oli, aia e atsa vaga moa inoa, mi dani eni, mi tana dani ma na dani.

Hibru 13:8 Referans Kwoze

Malaki 3:6

“Inau nogo na Taovia, mau tau dona na oli. Me vaga ia, migamu na kukuana a Jakob amu tau vati seko pitsu moa.

Iakobo 1:17

Pipi sui na sausau dou ma na tuva vangalaka ara talumai moa i baragata. Ara tsunamai talu i konina God, aia e volagira na marara sui ni gotu. God aia segeni moa e tau dona ke oli. Maia e tau goto rodo kalina e rodo na aso.

Na Katemai 1:8

“Inau na Idana tsotsodo, ma na Susuina tsotsodo,” e tsaria na Taovia God susuliga sosongo, aia e totu kalina ia, me totu nogo tuu tana tuturigana, me sauba ke visumaitugua.

Hibru 1:12

Migoe, sauba ko bunigira vaga o bunia na polo tsavugotu, mo ko oligira vaga kalina igira na tinoni ara olia na poloqira. Migoe segeni moa e utu ko oli. O totu atsa saviliu, ma na maurimu igoe e utu ke sui.”

Isaia 44:6

Na Taovia, aia e tagaovigira me reitutugugira na tinoni ni Israel, aia na Taovia Susuliga Sosongo e tsaria na omea iani: “Inau nogo na kesanina ma na susuina, me tagara goto sa god tavosi, inau segeni lelê moa au God.

Linge 90:2

Idavia o aqosigira na vungavunga, mo vusâ na barangengo ma na vangana sui i laona, migoe o God saviliu nogo, me sauba ko God na dani ma na dani.

Linge 103:17

Ma nina galuve vo oli na Taovia e totu saviliu vanigira igira ara kukuni tania, ma nina doulaka e totu saviliu vanigira na vatavata ma na vatavata,

Isaia 41:4

?Masei sagata nomoa e naua mara gini laba na omea girani? Inau nogo na Taovia au pedea na omea sui ara laba tû mai nogo i sau. Inau nogo na Taovia au totu tû tana tuturigana na omea sui, minau goto nogo na Taovia God sauba kau totu tana susuina.

Linge 90:4

I matamu igoe, na toga na uvi ara vaga moa ti e kesa lelê moa na dani; mara vaga moa ti na dani i noa, aia e labamai me nanga lê tugua, e vaga moa ti e kesa turina tetelo lê moa na bongi.

Na Katemai 1:4

Inau a Ioane, au marea na leta iani vanitugamu sui amu tu vitu na vera na lotu tana butona na vera ni Asia: God aia e totu nogo kalina ia, me totu nogo tuu tana tuturigana, me sauba ke visumaitugua, aia nogo e molo baa vanigamu nina vangalaka ma nina rago, mi tugira goto tu vitu na tarunga ara tu totu i matana nina sasana na totukae na Taovia, i tana aia e tuu me tagaovigira na tinoni ma na omea sui,

2 Korint 1:19

I tugami a Silas ma Timoti minau, ami tu gini turupatuna nogo vanigamu i votangana tana rongona a Iesu Kristo na Dalena God. Ma Iesu Kristo aia, e tau na “Eo” ma na “Tagara” kolu kesa moa kalina. Aia nina “Eo” sailagi moa God,

Na Katemai 1:11

Maia e tsarivaniau: “Ko maretsunagira na omea sui o reigira, mo ko tusu baa na papi vanitugira na vera na lotu tana vitu na vera loki tugirani: i Epesus, mi Smirna, mi Pergamum, mi Tiatira, mi Sardis, mi Piladelpia, mi Laodisea.”

Tuturigana 21:33

Mi muri, ma Abraham e tsuka i Beerseba kesa na gaitabu, mi tana aia e samasama vania na Taovia aia na God Saliu.

Binaboli 3:14

Ma God e tsarivania a Moses, “Inau nogo aia inau. Miani nogo e vaga na goko nimu aqo ko tsarivanigira: ‘Aia ara soaginia INAU NOGO aia nogo e molomaiau vanigamu.’

2 Korint 1:20

rongona igira sui nina veke God ara gini mana sui tana nina “Eo” moa aia. Aia nogoria na rongona ti tana asana a Iesu Kristo igita a tsaria “Amen: Eo”, ma gini tsonikaeginia God.

Iude 1:25

Me kolua a Iesu Kristo nida Taovia igita ka tsonikaea God, aia segeni e dato putsikae, me susuliga liuliu baa, me tagaovi kaputigira na omea sui, e tuu tana tagu e putsi nogo, mi tana tagu kalina ieni, me ke baa tana tagu tagara ke tau sui. Amen.