Hibru 12:5 - Ghari

⁵ ?Me laka amu padalenogoa na tsaqina goko tana Mamare Tabu, i tana God e kakaisiginigamu vaga nogo na dalena? I tana aia e tsarivaganana, “Dalequ, ko laka na qisi kalina ke totosasaga vanigo na Taovia. Mo ko laka goto na gini melu kalina aia ke kedego.

Hibru 12:5 Referans Kwoze

Na Katemai 3:19

Inau au dona kau totosasaga vanigira, ma kau kedegira igira sui au galuvegira. Vaga ia, ma kamu madodo ma kamu piloligi tanigira nimui sasi.

1 Korint 11:32

Mi kalina na Taovia e kedegita, e nauvaganana rongona ke gini tagaovi gotosiginigita, ti ke gini tau gadovigita na kede loki baa kolugira na tinoni tavosi tana barangengo.

Linge 94:12

!Taovia, e dou sosongo vania na tinoni igoe o totosasaga vania, maia igoe o sasaniginia na muriana nimu ketsa!

Iakobo 1:12

Ke mage aia na tinoni e dona na tukakai kalina na tabotabo e tovo lea. Rongona kalina ti aia ke tangomana na putsi taniana na tovo ia, me sauba God ke sauvania na peluna na maurilaka vaga aia e vekenogoa vanigira igira sui ara galuvea.

Linge 119:109

Pipi kalina moa inau au vangaraua na bisaana na mauriqu, mau tau vati padalea moa nimu ketsa.

Jeremia 31:18

“Au rongomigira na tinoni ni Israel ara ngangaidato vaniau tana niqira rota mara tsaria, ‘Taovia, igami ami vaga saikesa moa na omea tuavati atsi, migoe segenimu nogo o ladogasigami. Ko adivisugami rongona igami ami ngao mananâ na visubatugua i konimu, igoe na Taovia nimami God.

Linge 119:75

Taovia au donaginia laka nimu votapede sui ara gotolaka saikesa, me laka o kedeau rongona igoe o mana sosongo vaniau.

Linge 118:18

Aia e kede sosongoliau, me tau moa tamivaniau kau mate.

Hibru 12:7

Kamu tami dou moa vania na rota ke gadovigamu, rongona i tana nogo e sauvulagia laka God e sasanigamu vaga nogo na dalena. ?Me laka iava amu reinogoa ke kesa na baka na tamana e tau dona ke kedea visana kalina rongona ke sasania?

Goko Tabana 3:1

Dalequ, ko laka na padaleana na omea au sasaniginigo inau. Ko pada sailaginia moa na omea inau au tsarivanigo na nauana.

Goko Tabana 4:5

!Ko lavea na sasaga loki ma na morogado! Ko laka na padaleana se na rongomileana na omea au tsarivanigo inau.

Linge 119:83

Inau au sekopitsu lê vaga moa ti na todo purapura na uaeni ara tsoniliginogoa; mau tau moa vati padalegira nimu ketsa.

Linge 119:16

Au reingao sosongoligira nimu ketsa; me utu goto kau padalegira.

Nina Papi A Job 34:31

“?Migoe a Job, laka o koevulagigira nogo vania God nimu sasi, mo vekevania laka ko tau goto sasi tugua?

Luka 24:6

Aia e tau nogo totu ieni. E maurivisu nogo. Kamu padatugua na goko aia e tsarivanigamu kalina e totu kolugamu moa tana Galilii,

Luka 24:8

Mi tana, mi tugira na daki ara tu padatugua na goko e tsaria a Iesu,

Linge 119:67

Tana idana kalina igoe o tau vati kedeau, minau au muria moa na sautu sasi, mi kalina eni inau au muridounogoa nimu goko.

Tangitangi 3:39

?Rongona gua igita ka tsaria danga na goko kalina e gadovigita na kedena nida sasi?

Galatia 6:9

Vaga ia, migita ka laka na qisi na nauana na omea e dou. Rongona ti vaga igita ka tau qisi, me sauba nomoa ka tsurivia na lakana dou e utu ke tagara.

1 Timoti 1:20

Mi laoqira na tinoni vaga gira, kaira nogo a Himenaeus ma Aleksader. Kaira nogo inau au molokaira i limana Satan, tsau kalina kara ka mololea na soasekoliana a Iesu Kristo vaga ara ka naua kaira.

Hibru 13:22

Igamu na tasiqu, au ngasugamu kakai, kamu berengiti na rongomiana na omea au marevanigamu tana leta kurikuri iani.