Hibru 12:12 - Ghari

¹² Vaga ia, ma kamu saukaegira na limamui labelabe, ma kamu kakaisigira na tuturumui matemateaga.

Hibru 12:12 Referans Kwoze

Isaia 35:3

Kakaisigira na lima ara kolae nogo, ma na tuturu ara matemateaga lê.

Hibru 12:3

Kamu padatugugira na rota sui ara gadovia a Iesu, ma nina berengiti kolugira na tinoni sasi ara tovokakaia na tukapusiana aia. Vaga ia, migamu kamu laka na qisi ma na pukavisu lee.

1 Tesalonika 5:14

Ami tu ngasugamu kakai igamu na tasimami, laka kamu parovatavigira ara tototu lee, ma kamu malagaisigira igira ara posu, ma kamu sangadougira igira ara maluku tana niqira tutuni, ma kamu dona na berengiti koluaqira na tinoni sui.

Esekiel 21:7

Mi kalina igira na tinoni kara veisuago rongona gua ti o kukungu vaga ia, migoe ko tsarivaganana vanigira, ‘Inau au vasini rongomia moa laka e maimai nogo kesa na tagu seko. Mi kalina ke laba, migamu sauba kamu matagu loki sosongo, ma na limamui sauba kara labelabeaga lê, me ke puka lê rebona gamui malagai, ma na tuamui kara gariri lê. E maimai nogo na tagu seko ia, me totu kolugita nogo. Na goko iani e talu nogo konina na Taovia God.’ ”

Hibru 12:5

?Me laka amu padalenogoa na tsaqina goko tana Mamare Tabu, i tana God e kakaisiginigamu vaga nogo na dalena? I tana aia e tsarivaganana, “Dalequ, ko laka na qisi kalina ke totosasaga vanigo na Taovia. Mo ko laka goto na gini melu kalina aia ke kedego.

Esekiel 7:17

Me sauba ke viri labe lê na limaqira, me ke gariri na tuaqira.

Nahum 2:10

!Reia bâ! !Na Ninive e toroutsa saikesa, mara viri tsogo sui na tinonina, me totu mangu lê! E kaso na tobaqira tana matagu, me pulo na tuaqira, me tavongani labe lê na koniqira.

Daniel 5:6

Maia e gini matagu sosongo, me seko na rereina, me tuturiga na gariri.

Linge 109:24

Au vitoa sosongo me gini maluku na koniqu me labe lê na tuturuqu, mau suli lê moa.

Sepania 3:16

E maimai nogo na tagu i tana sauba kara tsarivanigira na Jerusalem, “!Kamu laka na matagu igamu na tinoni ni Jerusalem! !Ma kamu laka goto na totu labelabeaga lê moa!