Hibru 1:9 - Ghari

⁹ Igoe o reingaoa na omea e goto, mo reisavia na omea e sasi. Aia nogoria na rongona te aia God, nimu God, e viligo, me tusuvanigo na magemage ma na tangisoa e loki tsapakae liusigira sui gamu duli.”

Hibru 1:9 Referans Kwoze

Linge 45:7

Igoe o reingaoa na omea e goto mo reisavia na omea e seko. Aia nogoria na rongona ti aia God nimu God e viliginigo igoe me ninaginigo na oela na mage liusigira sui na taovia tsapakae tavosi.

Linge 23:5

Igoe o vangarau manogatia na mutsa vuruga laka vaniau, i mataqira sui gaqu gala; mo soalakaau mala tinoni loki, mo dangalia niqu bilo me danga tsiriri.

Isaia 61:3

ma kau tusuvanigira igira ara ngangai i Sion na magemage loki ke oliginia niqira ngangai, ma na linge na tsonikae ke oliginia niqira melu. Sauba kara vaga na gai kakai aia segenina nogo na Taovia e tsukagira. Migira sui sauba kara naua moa na omea ke gotolaka, ma kara tsonikaea God tana rongona na omea loki aia e naua.

Galatia 5:22

Me ti vaga igita ka tamidou vania na Tarunga Tabu ke tagaovigita, me sauba aia nogo ke sangagita ma ka dona na mauri tana vaigaluvegi, na magemage, na rago, na berengiti, na vaipadagi, na vaisangagi, na vainorugi,

Roma 15:13

Inau au nongia nida God, aia na pukuna na amesi, ke dangali tovuginigamu na mage ma na rago i laona nimui tutuni, me ke gini kakai babaa nimui amesi tana susuligana na Tarunga Tabu.

Isaia 61:1

Na Taovia God e dangaliginiau nina Tarunga. Me viliau kau adivanoa na turupatu dou vanigira na tinoni sekona lê, ma kau veregira igira e melu loki na tobaqira, ma kau suivisugira igira ara lautsekagira, ma kau maurisigira igira ara totu sosori.

Luka 4:18

“Nina Tarunga Tabu na Taovia e totu i koniqu, maia nogo e viliau, gana kau adivanoa na Turupatu Dou vanigira na tinoni ara tau tamanina sa omea. Aia e molomaiau rongona kau tsarivulagia laka kara tanusi igira ara totu sosori, ma kara momorotugua igira ara koko, ma kara totu sabe igira ara bingi sekoligira,

Amos 5:15

Kamu reisavia na omea e seko, ma kamu reingaoa na omea e goto, ma kamu reia kamu pedegoto i laona pipi sui nimui sai na pede. Me tau utu na Taovia sauba ke galuvegamu tugua igamu na tinonina na vera iani amu kauvisu.

1 Ioane 1:3

Na omea igami ami morosia mami rongomia, ami katevulagigira vanigamu, rongona ti igamu goto kamu gini sai kolugami igami tana mauripata koluana God Tamana, ma Iesu Kristo na Dalena.

1 Petero 1:3

!Igita ka soadoua God na Tamana a Iesu Kristo nida Taovia! Rongona tana nina galuve loki vanigita ti aia e sauvanigita na mauri vaolu, kalina aia e maurisivisua a Iesu Kristo tania na mate. Aia nogo na rongona te e gini dato varimauri na amesi i tobada.

Isaia 61:8

Ma na Taovia e tsaria, “Inau au reingaoa na pedegoto, mau reisavia na bingi sekoli tinoni ma na tsutsukibo. Me sauba kau tusu peluna vanigira niqu tinoni, ma kau naua kesa na vaitasogi saliu kolugira.

Goko Tabana 8:13

Aia e kukuni tania na Taovia e reisavigira na omea seko; inau au reisavi sosongolia na kaekae ma na koesegeni, na sasaga tabaru ma na goko peropero.

Hibru 7:26

Me ulagada sosongo nomoa igita ka tamanina kesa na Mane Tabu Loki vaga ia. Aia e tau vaga igita na tinoni seko. Aia segeni e tabu saikesa, me male saviliu, me tagara sa sasi konina, me paladato baa i gotu vasau.

Pilipi 2:9

Maia nogoria na rongona ti aia God e molokaea ke Taovia i gotu vasau, me tusuvania na soa e susuliga loki tsapakae liusigira pipi na soa sui.

Epesus 1:3

Igita ka soadoua God na Tamana nida Taovia Iesu Kristo. Rongona aia e vangalaka sosongo vanigita i laona nida mauripata koluana a Iesu Kristo, me tusuvanigita pipi sui na vangalaka ni gotu.

1 Korint 1:9

Kamu noru saikesalia moa God, rongona aia nogo e viligamu kamu mauripata kolua na Dalena, aia Iesu Kristo nida Taovia.

Ioane 20:17

Ma Iesu e tsarivania, “Ko laka na peleaqu rongona au tau moa vati visu baa i konina na Tamaqu. Mo ko baa moa i koniqira na tasiqu mo ko turupatu vanigira laka au visu i konina na Tamaqu inau ma na Tamamui goto igamu, ma niqu God inau ma nimui God goto igamu.”

Ioane 1:41

Ma Adrea e ba reia a Simone na tasina me tsarivania, “Ami tsodovulagia na Mesia.” Ma na rongona na goko “Mesia”, e vaga moa “Na Kristo”, ma na rongona na goko “Kristo” e vaga moa “Aia kesa God e vilia.”

Linge 119:128

Aia nogoria na rongona ti inau au muridougira pipi sui nimu totosasaga, mau reisavigira pipi sui na sautu sasi.

Linge 119:104

Au adia na sasaga loki tana nimu ketsa nogo igoe, maia nogoria na rongona te au gini reisavigira pipi na vatana na aqo seko.

Linge 89:20

Au molokaenogoa niqu maneaqo a David aia ke lia na taovia tsapakae kalina inau au ninaginia na oela tabu.

Linge 33:5

Na Taovia e reingaoa na omea e dou me gotolaka; ma nina galuve vo oli e dangaliginia na barangengo.

Na Katemai 2:15

Eo, mi laomui goto igamu, ara totu visana ara muria niqira sasani igira na tinoni tabana i konina a Nikolas.

2 Korint 11:31

Aia God na Tamana a Iesu Kristo nida Taovia, aia e donaginia laka inau au tau pero. !Ke tabu sailagi na asana na dani ma na dani!

Roma 12:9

Nimui galuve ke mana saikesa, me ke tau malapalu. Kamu tsoniligia na omea e seko, ma kamu tangolikakaia na omea e dou.

Aqoaqo 10:38

Igamu amu donagininogoa a Iesu ni Nasaret, me koegua God e vilia me dangali tovuginia na susuligana ma na Tarunga Tabu. E liu pipi tana vera, me aqo galuve vanigira na tinoni sui, me maurisigira igira e totuvigira na susuligana na tidao seko, rongona God nogo e totu i konina.

Aqoaqo 4:27

“Me laba saikesa vaga nogo, kalina kaira a Herod ma Pontius Pilate ara ka labasai tana vera loki iani, kolugira na tinoni ni Israel ma na tinoni ni veratavosi goto, mara voroa gana mate a Iesu na Dalemu Tabu, aia o vili segenimu nogo ke lia na Mesia.

Ioane 3:34

Aia moa God e molomaia, aia segeni moa e dona ke gini turupatuna na goko e talumai i konina God, rongona God e dangali tovuginia nina Tarunga Tabu.

Sekaria 8:17

Kamu laka na vorogokona na vaisekoligi. Mi kalina kamu tû na goko tana tinete, ma kamu laka goto na tsariana na goko pero, rongona inau au reisavi sosongolia na vatana na sasaga vaga ia.”

Linge 89:26

Maia sauba ke tsarivaganana vaniau, ‘Igoe nogo na tamaqu ma niqu God; igoe niqu reitutugu ma niqu vagamauri.’

Linge 40:8

!Niqu God, au gini mage manana na nauana na omea igoe o kilia! Mau tangoligira kakai nimu ketsa tana tobaqu popono.”

Linge 37:28

rongona na Taovia e reingao sosongolia na omea e goto, me utu sosongo vania ke mololegira nina tinoni ara rongomangana dou. Aia e reitutugugira saviliu na dani ma na dani, ma na kukuaqira igira na tinoni vanga tsutsukibo sauba aia ke tsialigigira saikesa.

Linge 11:5

Aia e vilekegira na douna ma na sekona tana atsa; me reisavi sosongoligira igira ara dona moa na sekoli tinoni.

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

Linge 2:2

Igira na taovia tsapakae ni lao eni ara tû, mara vangarau segeniqira nogo, migira sui na tagao ara vorogokona sai na tukapusiana na Taovia, ma na tukapusiana goto na taovia tsapakae aia e vilinogoa.

Hibru 2:11

Aia e vulimalegira na tinoni tania niqira sasi, migira sui aia e vulimalegira nogo ara tamanina e kesa moa na Tamaqira. Aia nogo na rongona ti a Iesu e tau gini vangamaa na soaginiaqira laka igira na tasina aia.

Linge 45:6

Na veramu tana o taovia tsapakae, aia God nogo e tusua vanigo, sauba ke totu saviliu na dani ma na dani. Igoe o tagaoviginigira nimu tinoni tana gotolaka saikesa.

Ioane 10:17

“Na Tamaqu e galuveau rongona nogo au tamidou na sauana na mauriqu gana kau adivisutugua kesa dani.

Aqoaqo 4:26

Igira na taovia loki ni lao eni ara vangarau manogati segeniqira, migira na tagao sui ara saikolu, gana ti kara tukapusia na Taovia God ma nina Mesia.’

Hibru 2:9

Mi kalina eni igita a donagininogoa laka na tsaqina goko na Mamare Tabu girani ara gado saikesa nogo i konina a Iesu. Rongona e kesa moa tana tagu tetelo, aia e palatsuna vanigira na angelo, matena tana nina galuve God vanigita na tinoni, aia e pedevania a Iesu ke mate tuguda igita na tinoni sui. Mi kalina eni, rongona nogo nina rota ma na mateana na tuguda igita, ti aia e gini paladato saikesa me tangi loki na soana.