Hibru 1:6 - Ghari

⁶ Mi kalina God e vangaraua ke molomaia i lao eni na Dalena botsaida, maia e tsarivaganana: “Igira sui nina angelo God, niqira aqo kara samasama vania aia.”

Hibru 1:6 Referans Kwoze

Kolose 1:18

Aia e vaga nogo na lovana, migira na saikolu na tinoni tutuni ara vaga na konina aia. Maia nogoria na pukuna na maurina na konina popono. Aia nogo na Dalena God botsa ida, maia goto nogo na kesanina e maurivisutugua tania na mate, rongona ke gini labamaka laka aia segenina moa e ida vanigira na omea sui.

Na Vaolusi Ketsa 32:43

“Igamu na puku tavosi sui, kamu tsonikaegira igira nina tinoni na Taovia, rongona aia e kedegira sui igira ara labumatesigira, me tangotuguqira i koniqira gana gala, me padalegira niqira sasi igira nina tinoni.”

Linge 97:7

Migira sui ara samasama vanigira na god peropero kara paluvangamaqira lê; rongona igira sui na god tavosi ara palatsuna i matana na Taovia mara tsuporu vania.

Kolose 1:15

A Iesu Kristo aia nogo na nununa God e totu ida nogo, migita a tau dona na reiginiana na matada. Maia nogo na Dalena botsa ida, me loki liusigira baa pipi na omea sui God e volagira.

1 Petero 3:22

me ba dato nogo i baragata i tana e totu tana madoana God Tamana, me taovia loki vanigira na angelo sui, me vanigira goto na omea susuliga sui ni gotu.

Ioane 1:14

Me lia tinoni na Goko me mai totu i laoda, me dangatovu i konina na vangalaka ma na manana. Migita a reivulagia na mararana, aia na marara e tamanina rongona aia nogo na Dalena Tamana e kesa moa.

Na Katemai 1:5

maia goto a Iesu Kristo, nina tabegoko manana God, maia na kesanina e maurivisutugua tania na mate, maia goto nogo e taovia kaputigira na taovia tsapakae sui tana barangengo popono. A Iesu Kristo e galuve sosongoligita, mi tana mateana nogo tana gai (ulutaligu) e gini tsonimateqira nida sasi,

Roma 8:29

Migira God e viligira nogo e molovotagira goto gana kara gini usulia a Iesu Kristo na Dalena, rongona God e ngaoa na Dalena ke ida vanigira danga na tasina.

1 Ioane 4:9

Ma God e sauvulagia nina galuve vanigita kalina aia e molomaia i barangengo na Dalena Kesa Moa, rongona igita ka gini tamanina na mauri saliu.

Ioane 1:18

Tagara kesa ke morosilakana God kesa dani. Aia segeni moa na Dalena, aia e atsa vaga nogo God me totu i ligisana na Tamana, aia nogo e katevulagia na manana tana rongona God.

Hibru 10:5

Aia nogoria na rongona ti kalina e varangi ke mai i barangengo a Iesu Kristo, maia e tsarivania God: “Igoe o tau nogo ngaogira na kodoputsa ma na savori, te o vangaraua vaniau inau kesa na konina tinoni.

Ioane 3:16

Na rongona God e galuve sosongolia na barangengo, te aia e molomaia na Dalena e kesa moa, me pipi sei moa e tutunina, aia e utu ke mate, me sauba ke tamanina na mauri saliu.

Hibru 1:5

God e tau lelee tsarivania ke kesa vidaqira nina angelo na goko vaga iani: “Igoe na Dalequ. Mi dani eni nogo inau au lia na Tamamu.” Ma God e tau goto gini goko tana rongona ke kesa vidaqira na angelo kalina aia e tsaria: “Inau sauba kau lia na Tamana. Maia sauba ke lia na Dalequ.”

Mateo 24:14

Ma na Turupatu Dou iani tana rongona na Verana God, sauba kara gini turupatuna pipi tana nauna sui polia na barangengo, rongona ti igira na tinoni sui kara rongomiginia. Mi muri moa ti ke labamai na susuina na dani.