Hibru 1:5 - Ghari

⁵ God e tau lelee tsarivania ke kesa vidaqira nina angelo na goko vaga iani: “Igoe na Dalequ. Mi dani eni nogo inau au lia na Tamamu.” Ma God e tau goto gini goko tana rongona ke kesa vidaqira na angelo kalina aia e tsaria: “Inau sauba kau lia na Tamana. Maia sauba ke lia na Dalequ.”

Hibru 1:5 Referans Kwoze

Linge 2:7

Me goko aia na taovia tsapakae ia, me tsaria, “Inau sauba kau katevulagigira na omea sui aia na Taovia e tsarinogoa vaniau. Aia e tsarivaganana vaniau, ‘Igoe nogo na dalequ; mi dani eni nogo inau au lia na tamamu.

Hibru 5:5

Me vaga goto a Iesu Kristo, aia e tau goto vili segenina ti ke lia na mane tabu loki. Tagara. Ma God nogo e vilia me tsarivania, “Igoe na Dalequ; mi dani eni inau au lia na Tamamu.”

2 Samuel 7:14

Inau sauba kau lia na tamana, maia sauba ke lia na dalequ. Me ti kalina aia ke sasi, minau sauba kau kedea vaga nogo na tamaga e kedea na dalena.

1 Turupatu Dato 17:13

Inau sauba kau lia na tamana, maia sauba ke lia na dalequ. Me utu goto kau mololea na galuveana aia, vaga au nauvania a Saul, aia inau au molotsunâ rongona igoe ko lia na taovia tsapakae. Minau sauba kau moloa ke tagaovigira sailagi niqu tinoni ma na veraqu. Ma nina puku taovia sauba e utu goto ke sui.’ ”

1 Turupatu Dato 22:10

Maia nogo sauba ke logovaniau kesa niqu valetabu. Maia sauba ke lia na dalequ, minau sauba kau lia na tamana. Ma nina pukutaovia sauba ke adidato sailaginia na aqotagao tana Israel.”

1 Turupatu Dato 28:6

“Ma na Taovia e tsarivaniau, ‘A Solomon na dalemu, aia nogo sauba ke logoa niqu Vale Tabu. Inau au vilinogoa aia ke lia na dalequ, minau sauba kau lia na tamana.