Hibru 1:12 - Ghari

¹² Migoe, sauba ko bunigira vaga o bunia na polo tsavugotu, mo ko oligira vaga kalina igira na tinoni ara olia na poloqira. Migoe segeni moa e utu ko oli. O totu atsa saviliu, ma na maurimu igoe e utu ke sui.”

Hibru 1:12 Referans Kwoze

Hibru 13:8

A Iesu Kristo e tau dona na oli, aia e atsa vaga moa inoa, mi dani eni, mi tana dani ma na dani.

Iakobo 1:17

Pipi sui na sausau dou ma na tuva vangalaka ara talumai moa i baragata. Ara tsunamai talu i konina God, aia e volagira na marara sui ni gotu. God aia segeni moa e tau dona ke oli. Maia e tau goto rodo kalina e rodo na aso.

Ioane 8:58

Ma Iesu e tsarivanigira, “Inau, au tsarivanigamu na manana, e tau vati botsa moa a Abraham, mau totu nogo ‘Inau.’ ”

Linge 90:4

I matamu igoe, na toga na uvi ara vaga moa ti e kesa lelê moa na dani; mara vaga moa ti na dani i noa, aia e labamai me nanga lê tugua, e vaga moa ti e kesa turina tetelo lê moa na bongi.

Binaboli 3:14

Ma God e tsarivania a Moses, “Inau nogo aia inau. Miani nogo e vaga na goko nimu aqo ko tsarivanigira: ‘Aia ara soaginia INAU NOGO aia nogo e molomaiau vanigamu.’

Nina Papi A Job 36:26

Ma tau goto tangomana ka donagini poponoa gana loki tsapakae, se ka tsokoa na dangana na ngalitupana.

Isaia 38:12

Na mauriqu e takuti me sui nogo, Vaga moa kesa na valepolo ara veoa, Vaga kesa na sangava na polo ara kutiligia tania na lobi. Inau au padâ laka God e suilavagini vaniau nogo na mauriqu.