Hagai 1:8 - Ghari

⁸ Bâ, mi kalina ia, kamu ba kavigira na gai i kelaqira na tetena, ma kamu tuturiga na logo visutuguana na Vale Tabu; mi tana ti inau sauba kau gini mage tugua na ba totu i laona, migamu sauba kamu mai na samasama vaniaqu i tana, me ke gini tangiloki tugua na soaqu.

Hagai 1:8 Referans Kwoze

Esra 3:7

Maia Sirus na taovia tsapakae ni Persia e taminogoa vanigira na tinoni ni Israel kara voligira na gai na sida i Lebanon. Me vaga ia, migira na tinoni ara sauqolo agana na voliginiaqira igira ara dona na katsu vatu, ma na mane kamoda, mara molokolu na mutsa, ma na inu, ma na oela na olive, gana kara saugira bâ i Tire mi Sidon na mani voliaqira na gai na sida ni Lebanon, ma kara raqa votugira i tasi tsau bâ i Jopa.

2 Turupatu Dato 7:16

rongona inau nogo au vilia mau baloa na nauna iani i tana kara mai samasama vaniau sailagi. Eo, inau nogo sauba kau matalia ma kau reitutugu sailaginia.

Hagai 2:7

Ma kau tuliusigira na puku sui, migira niqu tinoni kara laugira niqira omea loki matena, ma kara adimaigira ieni, ma kara dangaliginia niqu Vale Tabu.

1 Taovia Tsapakae 9:3

Ma na Taovia e tsarivania, “Inau au rongominogoa nimu nonginongi. Mau baloa na Vale Tabu iani igoe o logoa vaga na nauna i tana na tinoni kara mai sailagi na samasama vaniau. Inau sauba kau matalia ma kau reitutugu sailaginia.

Binaboli 29:43

Mi tana goto nogo sauba kau mai tsodogira na tinoni ni Israel, ma na marara angaanga i tana au totu inau sauba ke naua na nauna ia me ke tabu.

Hagai 2:9

Ma na Vale Tabu vaolu sauba ke rereidou sosongo bâ liusia na purana. Mi tana ti inau kau mologira niqu tinoni kara totudou tana rago. Inau nogo na Taovia Susuliga Sosongo au tsaria na omea iani.”

Isaia 66:11

Igamu sauba kamu gini mage na tamaniana nina omea danga, vaga nogo na baka tetelo e tsutsu konina tinana, me masu dou, me vatsangingaoa.”

Isaia 60:13

“Sauba kara adimai vanigo na gai dou bâ tana goana atsi ni Lebanon, gana na logovisuamutugua igoe Jerusalem, ma na inilauginiana niqu Vale Tabu me ke rereidou, me ke tangilokitugua ganarongo niqu verabau.

Isaia 60:7

Migira na Kedar ma na Nebaiot sauba kara adimai vanigo niqira alaala popono na sipi, me sauba ke gini laona sosongo na Taovia na reiaqira nimu tinoni kalina kara savorigira vania i kelana nina belatabu. Maia na Taovia sauba ke naua, me ke gini tangi loki bâ ganarongo nina Vale Tabu.

Esra 6:4

Migira na ponopono kara aqosi vaganana iani: ke kesa na tapana gai i kelana pipi tolu na palatete na vatu, me ke baba saviliu poi ke sui. Migira nogo ara aqo tana nina valebisi na taovia tsapakae niqira aqo kara voligira na vangana sui agana na logovisuana na Vale Tabu ia, ma kara voligira goto na maneaqo.

1 Taovia Tsapakae 6:1

Vati sangatu alu sangavulu na ngalitupa i murina kalina igira na tinoni ni Israel ara mololea i Ejipt, mi tana vatinina ngalitupa a Solomon e tagao tana Israel, mi tana rukanina na vula, na vula ara soaginia Siv, mi tana nogo ti a Solomon e tuturiga na aqo na logoana na Vale Tabu.

Hagai 1:7

?Laka amu tau moa padagadovia rongona gua ti ara gini laba vanigamu na omea girani?

1 Turupatu Dato 22:19

Bâ, mi kalina ia kamu bâ ma kamu aqovania na Taovia nimui God tana tobamui popono mi tana tidaomui popono. Kamu tuturiga na logoana na Vale Tabu gana kamu molosagea i laona nina Bokisi na Taso na Taovia, migira sui goto na omea tabu ara gini aqo tana samasama vaniana.”