Hagai 1:4 - Ghari

⁴ “?Igamu niqu tinoni, egua vaga ti igamu kamu totu tana vale dou, ma niqu Vale Tabu inau e totu toroutsa lê?

Hagai 1:4 Referans Kwoze

2 Samuel 7:2

Ma na taovia tsapakae e goko vania a Natan na propete me tsaria, “!Ko reia, inau au totuvia kesa na vale dou ara aqosiginia na gai na sida, ma nina Bokisi na Taso God e totu moa i laona kesa na valepolo lê!”

Pilipi 2:21

Igira na tinoni tavosi sui ara gini boe moa niqira aqo segeni, mara tau gini boe nina aqo a Iesu Kristo.

Hagai 1:9

“Igamu amu amesia laka kamu tsurivia ke danga bâ na lakana tana nimui uta, mara tau lelê lakaga. Mi kalina amu angunimaigira i vera na lakana amu tsurivia, mara sui tsaku lê vaga moa ti au moloa na guguri ke lovosaginigira. ?Ma na rongona gua ti inau au nauvaganana vanigamu ia? Tana rongona nogo niqu Vale Tabu e totu toroutsa seko lê, migamu sui amu gini boe moa na logoana na valemui segeni.

Mateo 6:33

Migamu, kamu gini boe talu na tamivaniana God ke tagaovia na maurimui, ma kamu padaa moa na nauana na omea dou sui vaga God e kilia kamu naua. Maia nogo sauba ke tusulea vanigamu pipi na omea sui tavosi.

Jeremia 52:13

Maia e mololakena na Vale Tabu, ma na valena na taovia tsapakae, ma na valeqira goto pipi sui na tinoni tangirongo tana Jerusalem;

Mika 3:12

Bâ, mi tana rongona nogo nimui sasi igamu na tagaovera, ma na manetabu, ma na propete, ti God sauba ke toroutsania na vera ni Jerusalem, me ke lia na tsupu na kutso. Ma na Vungavunga Sion ke lia na kao lê ma kara aqo uta i konina. Ma na tetena i tana e totu na Vale Tabu sauba ke lia na goana atsi.

Tangitangi 4:1

Reia bâ nida qolumila angaanga ara pura nogo kiki kalina ia, ma na vatuna na Vale Tabu ara viri totu piriutsa bamai tana sautu loki.

Tangitangi 2:7

Na Taovia e sove tania nina belatabu, me vanoligi tania nina Vale Tabu. Me tami vanigira nogo na gala kara vui pukaligira na ponoponona. Mara sage bâ tana Vale Tabu, mi tana ara gugû tana magemage, vaga a naua igita kalina a lokisia kesa na dani tabu.

Jeremia 33:12

Ma na Taovia Susuliga Sosongo e tsarigotoa, “I laona na kao nogo iani, aia e vaga moa ti na kaomate kalina ia, me tau goto totu sa tinoni se sa omea tuavati i konina, minau sauba kau naua me ke dato doutugua na buruburu i tana igira na mane pitusipi kara adivanoa niqira sipi.

Jeremia 33:10

Ma na Taovia e tsarigotoa, “Igira na tinoni ara tsaria laka na nauna iani e vaga saikesa nogo na kaomate, me laka e tagara goto sa tinoni se sa omea tuavati ke totu i laona. Me mana nomoa. Ara mangu lê sui nogo na vera tana Juda, ma na sautuna na verabau ni Jerusalem; me tagara goto sa tinoni se sa omea tuavati ke mamauri i laona. Bâ, mi tana nauna nogo girani sauba kamu rongomitugua na

Jeremia 26:18

“Kalina a Hesekia e taovia tsapakae tana Juda, maia Mika na propete ni Moreset e tsarivanigira na tinoni sui laka na Taovia Susuliga Sosongo e tsaria na goko vaga iani, ‘Na Sion sauba kara qari atsania vaga moa ti na uta, ma na Jerusalem sauba ke toroutsa popono me ke vaga moa ti na tsupu na kutso, ma na tetena i tana e totu na Vale Tabu sauba ke vaga moa ti na goana atsi.’

Jeremia 26:6

Me ti vaga igamu kamu petsakoe babâ moa, mi tana inau sauba kau nauvania na Vale Tabu iani na omea vaga au nauvania i Silo, me pipi sui na puku tana barangengo kara gini aqo na soana na verabau ni Jerusalem gana na vealagi.”

Linge 102:14

Igira nimu tinoni aqo igoe ara padalokia i Sion, atsa moa aia e taveo popono nogo; mara galuvea moa, atsa moa ti e totu toroutsa saikesa.

Linge 74:7

Mara tungigotoa nimu Vale Tabu; mara tangopekea na nauna i tana igira nimu tinoni ara samasama vanigo.

Esekiel 24:21

me tsaria kau parovatavigamu vaga iani igamu na tinoni ni Israel: Igamu amu gini kaekae sosongo na susuligana nina Vale Tabu aia. Mamu reingao sosongolia na morosiana ma na mai na tsigoviana, bâ, maia segenina nogo na Taovia sauba ke naqugasia. Migira sui nimui tinoni vaolu ara totuvisu moa i Jerusalem, sauba kara viri mate sui tana vailabu.

Jeremia 22:14

E seko vanigotoa na mane e tsaria, “Inau sauba kau logovaniau segeni kesa na valequ loki kolugira na voki loki mangasâ i gotu.” Maia e mologira na ovaova na bisi tana valena, me ponotiginia na pava damadama ara aqosiginia na gai na sida, me pedaginia na peda tsitsi.

Hagai 1:3

Ma na Taovia e mologoko vanigira tugua na tinoni tana mangana a Hagai na propete me tsaria:

Hagai 1:5

?Laka amu tau moa vati padagadovia na omea e laba vanigamu?

Aqo Manetabu 19:25

Mi tana tsegenina ngalitupa migamu kamu ganigira rago gamui vuana gai mutsamutsa. Me ti vaga igamu amu naua na omea sui girani, me sauba pipi sui nimui gai mutsamutsa kara vungu sosongo bâ. Inau nogo na Taovia nimui God.

2 Taovia Tsapakae 5:26

Ma Elisa e tsarivania, “?Egua, o pada ngatsua igoe laka au tau reigo inau, kalina a Naaman e tsiputsuna tania nina terê me ba valalego? !Ma na tagu kalina ieni e tau na taguna na adiana na qolo ma na polo, na uta na olive ma na uaeni, na sipi ma na buluka, se igira na maneaqo!

Sasani Sasaga 3:3

Na tagu na labumate ma na tagu na tatali, na tagu na veo vale ma na tagu na logoana.