Daniel 9:24 - Ghari

²⁴ “God e titinogoa laka e kau goto ke vitu kalina vitu sangavulu na ngalitupa ti aia ke maurisigira nimu tinoni igoe ma nimu vera tabu, ma kara totu tanusi tania niqira sasi ma niqira nauseko. Sauba God ke padalegira niqira sasi, me ke turuvagini kakaia na pedegoto, me ke balo visutugua na Vale Tabu. Mi tana nauvaganana nogo ia ti God sauba ke manaliginia na omea o morosia tana bolebole ma na omea na propete e kate idanogoa.

Daniel 9:24 Referans Kwoze

Roma 5:10

I sau igita a vaga gana gala God. Mi kalina eni, ma God e mologotosigita nogo i konina ginia na mateana na Dalena. !Migita a gini lia goto na dalena God, me sauba ka gini mauri na maurina nogo a Iesu Kristo!

Isaia 61:1

Na Taovia God e dangaliginiau nina Tarunga. Me viliau kau adivanoa na turupatu dou vanigira na tinoni sekona lê, ma kau veregira igira e melu loki na tobaqira, ma kau suivisugira igira ara lautsekagira, ma kau maurisigira igira ara totu sosori.

Tsoko Tinoni 14:34

Eo, sauba kamu rota na sese matena nimui sasi i laona ke vati sangavulu na ngalitupa, ke kesa na ngalitupa popono na matena pipi kesa na dani i laona na vati sangavulu na dani i tana igamu amu togavi polia na kao ia. !Mi tana nogo ti sauba igamu kamu donaginia laka inau au reisavia nimui sasaga kaekae amu naua vaniau!

Aqo Manetabu 25:8

Ma na Taovia e tsarigotoa, “Kamu tsokogira ke vitu kalina ke vitu na ngalitupa, me saisai me vati sangavulu siu na ngalitupa.

Aqoaqo 3:22

A Moses e goko vaga iani me tsaria: ‘Na Taovia nimui God, sauba ti ke moloa vanigamu kesa na propete, vaga nogo e molomaiau inau, maia ke tinoni ni gamu segeni nogo. Ma nimui aqo igamu, kamu rongomangana pipi tana omea sui sauba aia ke tsaria vanigamu.

Isaia 56:1

Maia na Taovia e goko me tsarivaganana vanigira nina tinoni, “Kamu naua moa na omea e dou me gotolaka, rongona e varangi nogo kau mai inau ma kau laumaurisigamu.

Isaia 51:6

Kamu morodato tana masaoka; ma kamu morosigotoa na barangengo. Na masaoka sauba ke nangaligi lê vaga moa na pungu, ma na barangengo sauba ke tapuripuri lê vaga moa na polo ngutanguta, migira sui na tinonina sauba kara viri mate vaga moa na lango. Minau moa e utu ke sui niqu aqo na laumaurisi tinoni, niqu tangomana sauba ke totu saviliu.

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

Isaia 51:8

rongona na tinoni vaga gira sauba kara nangaligi lê vaga moa na polo e ganisuia na ripe. Minau moa e utu ke sui niqu aqo na laumaurisi tinoni, niqu tangomana sauba ke totu saviliu.”

Linge 45:7

Igoe o reingaoa na omea e goto mo reisavia na omea e seko. Aia nogoria na rongona ti aia God nimu God e viliginigo igoe me ninaginigo na oela na mage liusigira sui na taovia tsapakae tavosi.

Na Katemai 14:6

Mi muri, mau morosia e kesa segeni goto na angelo e lolovo i gotu ao tana masaoka. Maia e tamanina na gokona saliu na Turupatu Dou, gana na gini turupatuna vaniaqira na tinoni sui tana barangengo: vanigira pipi na mamatana tinoni, ma na puku, ma na tavosi goko, me pipi sui na duli i laona pipi vera.

Hibru 2:17

Aia nogoria ti nina aqo aia ke lia kesa atsa kolugira na tasina tana omea sui. Me ke gini lia niqira Mane Tabu Loki e galuve sosongoligira, me mana saviliu tana nina aqo vania God. Me vaganana ia, ke gini sese matena niqira sasi na tinoni.

Esekiel 4:6

Mi kalina ko suilavaginia aia, mo ko pilo tana tabana madoamu, mo ko gini rota matena gaqira tsatsâ igira na Juda i laona ke vati sangavulu na dani, na papadana laka sauba igira goto na Juda kara gadovikede i laona ke vati sangavulu na ngalitupa tana rongoqira niqira sasi.

Na Katemai 3:7

“Ko mamare baa vania na angelo e reitutugua na lotu i Piladelpia, mo ko tsarivaganana vania: “Iani nogo e vaga na goko e talumai i konina aia e tabu loki me mana saviliu, aia e tamanina nina kii a David. Mi kalina ti aia ke sangavia na matsapa, me tau goto tangomana ke kesa ke vongoa. Mi kalina ti aia ke vongoa, me tau goto tangomana ke kesa ke sangavia.

Hibru 9:26

Rongona ti ke vaga ia, me kiligotoa laka a Iesu Kristo ke rota danga sosongo kalina tuu kalina e botsa na barangengo. Me tau vaga ia. Tana tagu eni nogoria, na tagu varangisia na susuina na barangengo, aia e laba kesa moa kalina na seseana na mateqira na sasi sui tana reoana na gabuna segeni nogo ia.

1 Korint 1:30

I konina God nogo i tana e talu na pukuna nimui mauripata koluana a Iesu Kristo. Maia goto God e molovania a Iesu Kristo ke lia gada sasaga loki; mi konina nogo aia, ti igita a gini totugoto kolua God, migita a gini lia nina tinoni tabu God, ma gini tanusi tania na susuligana na tidao seko.

Ioane 3:34

Aia moa God e molomaia, aia segeni moa e dona ke gini turupatuna na goko e talumai i konina God, rongona God e dangali tovuginia nina Tarunga Tabu.

2 Turupatu Dato 29:24

Mi muri, migira na manetabu ara matesigira goto na naniqoti mara qetu bâ na gabuqira i kelana na belatabu ngiti savori gana na sese, na mani sese mateqira niqira sasi na tinoni sui, rongona na taovia tsapakae e ketsaligira nogo kara naua na savori-kodokodo ma na sausau na sese mateqira na tinoni sui tana Israel.

1 Ioane 3:8

Masei ti e naua babaa moa na sasi, aia na tidao seko e tamanina na tinoni vaga ia, rongona e tuu nogo tana tuturigana e sasi na tidao seko. Ma na Dalena God e gini mai i barangengo, rongona ke gini veoligia na omea seko e naua na tidao seko.

2 Petero 1:1

Inau nogo a Simone Petero, nina maneaqo ma nina apostolo a Iesu Kristo, au marea na leta iani vanigamu sui, igamu amu adinogoa na vangalaka putsikae na tutuni atsa kolugami igami: laka nida God ma nida Vagamauri a Iesu Kristo aia segeni moa e gotolaka saviliu.

Hibru 10:14

Aia e sau segenina kesa lelee moa kalina, me gini molo gotosiginigira saviliu i matana God igira sui na tinoni aia e vulimalegira nogo tania niqira sasi.

Hibru 7:26

Me ulagada sosongo nomoa igita ka tamanina kesa na Mane Tabu Loki vaga ia. Aia e tau vaga igita na tinoni seko. Aia segeni e tabu saikesa, me male saviliu, me tagara sa sasi konina, me paladato baa i gotu vasau.

Kolose 2:14

Aia e luvusilea na loada e bingi sekoligita kolua nina vali dangadanga, me veo saikesalia na mamarena kalina aia e pogadatoa tana gai ulutaligu.

Kolose 1:20

Mi konina nogo na Dalena, ti aia God e pedea laka ke adivisugira i konina na omea sui lakalaka. Eo, tana mateana nogo na Dalena tana gai ulutaligu ti aia God e mologotosiginigira i konina segeni nogo ia igira na omea sui i gotu mi lao.

Aqoaqo 3:14

A Iesu segeni moa e tabu loki me dou tsapakae, migamu amu sove tania, mamu nongia a Pilate laka ke muria nimui papada, me ke nusile vanigamu kesa na mane tukatso tuguna.

Ioane 1:41

Ma Adrea e ba reia a Simone na tasina me tsarivania, “Ami tsodovulagia na Mesia.” Ma na rongona na goko “Mesia”, e vaga moa “Na Kristo”, ma na rongona na goko “Kristo” e vaga moa “Aia kesa God e vilia.”

Luka 1:35

Ma na angelo e gokovisu vania me tsaria, “Na Tarunga Tabu sauba ke tsuna i konimu, ma na susuligana God ke ungasigo. Aia nogoria na rongona ti na dalemu tabu sauba kara soaginia na Dalena God.

Marko 1:24

“!Ae! ?Nagua o ngaoa i konimami igoe a Iesu ni Nasaret? ?Laka o mai ieni rongona o ngaoa ko sekoligami ngatsu? !Inau au dona nogo laka asei igoe – igoe nogo na Dalena tabu God!”

Mateo 11:13

Igira sui pipi na propete, ma nina Ketsa a Moses, me tsau mai tana taguna a Ioane Batista, ara gini gogoko moa tana rongona na Verana God.

Mateo 1:21

Me sauba ke vasua kesa na dalena mane, migoe ko soaginia a Iesu, (ma na rongona na soa ia ‘Vagamauri’), rongona aia nogoria sauba ke maurisigira nina tinoni tania niqira sasi.”

Esekiel 28:12

“Dalena tinoni igoe, ko lingena na linge na melu vania na taovia tsapakae ni Tire. Mo ko tsarivania na omea inau na Taovia God au tsaria: I sau igoe o dou tsapakae liusigira bâ pipi na tinoni sui. Mo sasaga loki me dou sosongo bâ na rereimu.

Tangitangi 4:22

Na vera ni Sion e sese mateqira nogo nina sasi. Ma na Taovia sauba ke tau goto tami kami totu tsinogo babâ. Migoe moa Edom, sauba na Taovia ke kedego, me ke adilabatigira i malena nimu sasi.

Aqo Manetabu 8:15

Mi muri, ma Moses e labumatesia na buluka ia, me adia na turina na gabuna, me lumia na kakauna i laona, me ulikagini bâ vati tana gai ara katsadato tana tsukena na belatabu, rongona ke baloginia na belatabu ia. Mi tana nauvaganana ia, aia e pungua na belatabu ke gini male, me balovania na Taovia.

Pilipi 3:9

ma kau mauripata saikesa kolua moa aia. Au tau goto papada vaga au pada i sau, laka inau au gini totugoto kolua God rongona au muridoua na Ketsa. Tagara. Mi kalina eni au dona laka au totugoto nogo kolua God tana rongona moa au tutunina a Iesu Kristo. God aia nogo e mologotosiau i konina tana rongona moa niqu tutuni.

Mateo 4:5

Ma na tidao seko e adivanoa a Iesu i Jerusalem, na Vera Tabu. Me molokaea i kelana na Vale Tabu, me tsarivania,

Luka 21:22

Na rongona na dani vaga gira, ‘Na Dani na Gadovi Pede’ gana ke gini manatovu na omea ara marenogoa tana Mamare Tabu.

Aqoaqo 4:26

Igira na taovia loki ni lao eni ara vangarau manogati segeniqira, migira na tagao sui ara saikolu, gana ti kara tukapusia na Taovia God ma nina Mesia.’

Sekaria 4:14

Mi tana maia e tsaria, “I karani nogo na papadana ruka na mane God e vilikaira me ninaginikaira nogo na mona tabu, gana kara ka aqo vania na Taovia aia e tagaovi kaputia na barangengo popono.” (v 6) Ma na angelo e ketsaliau kau tsarivania a Serubabel na goko iani e talumai konina na Taovia: “Igoe sauba nomoa ko tangomana, me tau tana susuligaqira nimu mane vaumate, se tana susuligamu segeni igoe, mi tana susuligana moa niqu tarunga inau. (v 7) Me ti vaga ke visana na utu vaga na vungavunga loki kara totukapusia nimu sautu, me sauba inau kau naua ma kara nangaligi lê i matamu. Migoe sauba ko logovisua na Vale Tabu, mi kalina tsotsodo ko molokaea na susuina vatu tana sasana, migira na toga sauba kara guloki ma kara tsaria, ‘!Vanga rereidou sagata! !Vanga rereidou!’ ” (v 8) Me kesa segeni goto na goko e mailaba i koniqu talu i konina na Taovia. (v 9) Aia e tsaria, “A Serubabel e molonogoa na papakana na Vale Tabu, me sauba nomoa ke suilavaginia na logoana. Mi kalina aia ke logosuia, migira niqu tinoni kara donaginia laka inau nogo au mologo igoe vanigira. (v 10) Migira e ponopala na tobaqira rongona e vaga moa ti e tau ratsu na aqona na logoana niqu Vale Tabu. Mi kalina kara reia a Serubabel e aqo babâ moa tana logoana, migira sauba kara gini magemage.”

Isaia 42:4

Me sauba e utu goto ke terevia se ke suga tania nina aqo, poi tsau ke turuvagania na pedegoto tana barangengo. Migira na momoru sui ni mao ao ara amesi sosongolia na rongomiana nina sasani.”