Daniel 9:17 - Ghari

¹⁷ Kiki God, ko rongomia niqu nonginongi mo ko tabedoua na omea au nongia i konimu. Ko arago visutugua nimu Vale Tabu, aia ara toroutsaninogoa, rongona kara donaginia igira na tinoni sui laka igoe segeni moa na God manana.

Daniel 9:17 Referans Kwoze

Linge 80:19

Taovia God Susuliga Sosongo, ko adivisugami. Ko sauvulagia vanigami na galuvemu, me sauba igami kami gini mauri.

2 Korint 1:20

rongona igira sui nina veke God ara gini mana sui tana nina “Eo” moa aia. Aia nogoria na rongona ti tana asana a Iesu Kristo igita a tsaria “Amen: Eo”, ma gini tsonikaeginia God.

Linge 80:7

!Ko adivisugami, God Susuliga Sosongo! !Sauvulagi vanigami na galuvemu, me sauba igami kami gini mauri!

Linge 80:3

!God, igoe ko adivisugami! !Ko galuvegami, me sauba kami mauri!

Na Katemai 21:23

Me tau goto kilia na aso se na vula ke sinaria ti ke gini marara na verabau ia, rongona na mararana God nogo e mararasia, ma na Dalena Sipi nogo e ngiti mararana.

Ioane 16:24

Eo, tsaumai i dani eni, amu tau vati nongia moa sa omea tana asaqu inau. Kamu nongia me sauba kamu adia, me ke gini tovu nimui magemage.

Daniel 9:19

!Taovia ko rongomigami! !Taovia ko padalegira nimami sasi! !Taovia ko rongomi vatavigami mo ko mai sangagami! Ko laka goto na kisâ, rongona kara donaginia igira na tinoni sui laka igoe segeni moa na God manana. !Ko padatugua laka na verabau iani migira na tinoni i laona ara nimu tamani nogo igoe!”

Linge 119:135

Ko totu varangisiau mo ko sasaniau nimu ketsa.

Linge 80:1

Taovia, igoe niqira Reitutugusipi igira na Israel, ko rongomigami; igoe o matalidougira nimu sipi, ko rongomigami. Igoe o totu tana sasamu na totukae i kelana na rapoqira na angelo,

Linge 67:1

Igoe God ko galuvegami mo ko vangalaka vanigami, mi tana nimu galuve ko irovigami,

Linge 4:6

Ara danga sosongo rago ara nonginongi vaga iani: “!Taovia ko tusumaia vanigami ke danga bâ na vangalaka. Mi tana nimu galuve ko moromai i konimami!”

Nehemia 1:6

Taovia, ko morosiau mo ko rongomia niqu nonginongi au nauvanigo na dani ma na bongi, tana rongoqira na tinoni ni Israel igira nimu tinoni aqo. Inau au koevulagia laka igami na tinoni ni Israel ami sasi manana i matamu. Eo, igami sui na mumuaqu minau, ami sasi sui nogo.

Isaia 48:11

Inau au padâ moa na asaqu tabu ti au gini nauvanigamu na omea iani. Au tau ngaoa na tinoni kara soasekolia na asaqu inau, ma kara tsonikaea kesa segeni. Igira sui na tinoni niqira aqo kara tsonikaeau segeni moa inau.”

1 Taovia Tsapakae 8:28

Taovia niqu God, inau nimu maneaqo. Au nongigo ko rongomia niqu nonginongi, mo ko sauvaniau na omea inau au nongia i konimu i dani eni.

Linge 67:2

mi tana nogo ti igira sui tana barangengo popono kara donaginia na omea o kilia igoe; migira sui na puku kara donaginia laka o ngaoa manana na maurisiaqira.

Linge 74:3

Liu bâ i tana, mo ko reigira na omea sui ara toroutsa sui nogo; igira nogo gamami gala ara sekoligira sui lakalaka na omea levolevo i laona na Vale Tabu.

Linge 80:4

?Taovia God Susuliga Sosongo, sauba ke oka koegua sagata goto ko kore mo ko sove na rongomiana niqira nonginongi nimu tinoni?

Tangitangi 3:56

mau tsaria, ‘Ko laka na rongomileana niqu ngangaidato vanigo ko sangaau.’ Migoe o rongomiau.