Daniel 9:14 - Ghari

¹⁴ Migoe, Taovia nimami God, o vangaraunogoa na kedeamami. Eo, mi kalina ia igoe o nau suinogoa, rongona igoe o dona na nau sailaginiana na omea e dou me goto, migami moa ami sove na rongomangamu.

Daniel 9:14 Referans Kwoze

Daniel 9:7

Migoe, Taovia, o nau sailaginia moa na omea e goto, migami segenimami nogo ami alomai segenia gamami paluvangamâ, igami sui nimu tinoni ami totu tana Juda mi Jerusalem, migira sui goto na Israel ara totu saranga bamai i laoqira pipi sui na vera loki tavosi, rongona igami ami tau nogo totukakai i konimu igoe.

Nehemia 9:33

Igoe o tamani rongona sosongo nomoa ko kedeginigami; migoe o tobalaka vanigami atsa moa ti igami ami sasi i matamu.

Jeremia 44:27

Inau sauba kau naua ma kamu tau goto tamanina sa omea, ma kamu toroutsa saikesa. Igamu sui lakalaka sauba kamu mate tana vailabu, se tana liuna na lobogu, poi tsau kalina ke tagara goto sa vidamui ke kauvisu.

Linge 51:14

Ko gaea na mauriqu igoe niqu God, mo ko maurisiau, me sauba inau kau gini mage na katevulagiana laka igoe nogo o gotolaka saikesa.

Jeremia 31:28

I sau, inau au vutikaegira, mau vui tsunagira, mau tsogori pukaligira, mau toroutsanigira, mau sekoli saikesaligira, mi kalina ia, minau sauba kau tsukavisugira, ma kau vaturikaegira tugua.

2 Turupatu Dato 12:6

Maia na taovia tsapakae migira na tinoni lokiloki ara molotsunali segeniqira mara tsaria, “Na omea e naua na Taovia e gotolaka saikesa.”

Linge 116:5

Na Taovia e doulaka me mana saviliu. Eo, nida God igita e dona sosongo na galuve tinoni.

Linge 119:137

Taovia igoe o gotolaka, ma nimu ketsa sui ara goto saviliu.

Binaboli 9:27

Na taovia tsapakae e vailivukaira tugua a Moses ma Aaron me tsarivanikaira, “Mi kalina ia inau au sasi loki; ma na Taovia aia moa e goto, minau migira niqu tinoni ami sasi sui.

Esra 9:15

Taovia God ni Israel, igoe o goto laka, mo tami nomoa kami mauri. Igami ami katevulagi vanigo laka ami sasi manana; me tau saikesa ulagamami na mai totu i matamu.”

Linge 111:7

Aia e gotolaka me mana saviliu tana omea sui e aqosigira. Migira sui pipi nina ketsa e ulagada sosongo igita ka norugira.

Jeremia 4:17

ma kara tupolia na vera ni Jerusalem vaga saikesa moa na mane ara matali uta, rongona igira nina tinoni ara sove tania na Taovia. Na Taovia nogo e tsaria na omea iani.

Jeremia 12:1

“Taovia, e gotolaka saikesa pipi nimu pede, me gini tau ulagaqu inau na vaimangabarigi kolugo. Mau ngaoa nomoa kau torogoko i konimu tana rongona visana na omea inau au tau padagadovigira. ?Laka egua ti ara tamani omea danga igira na tinoni vanga tsutsukibo? ?Me laka egua ti igira na tinoni vanga tabaru ara tangomana tana omea sui ara naua?

Tangitangi 1:5

Me managaqira igira gana gala na Jerusalem; mara tagaovi kaputia. Na Taovia e naua, maia e gini rota loki mateqira nina sasi danga aia e naugira. Ara tangoligira na dalena mara aditsekavanogira.

Esekiel 16:43

Igoe o padale saikesalia nogo e koegua inau au reitutugugo dou kalina o daki vaolu moa, migoe o tû mo tsaia moa na korequ tana omea seko sui igoe o naugira. Aia nogoria na rongona te au turuginigo ko sese mateqira sui. Igoe o naugira nogo danga na omea marasibiga. ?Megua ti o ba paboginigotoa nimu aqo mala rebi?” Inau nogo na Taovia God au tsaria na omea iani.

Daniel 4:34

Ma na taovia tsapakae e tsaria, “Mi kalina e putsi nogo vitu na ngalitupa, minau au tû mau morodato bâ tana masaoka, me tavongani visutugua na sasagaqu. Mau tsonikaea na God Loki Tsapakae, mau soalokia aia e mauri na dani ma na dani. “Aia sauba ke tagao sailagi, ma na susuligana e utu goto ke sui na dani ma na dani.