Daniel 9:13 - Ghari

¹³ mo kedeginigami pipi sui na kede ara marenogoa tana nina papi na Ketsa a Moses. Me atsa goto moa kalina ia, Taovia nimami God, migami ami tau saikesa tovoa laka kami totu dou i matamu ma kami piloligi tanigira nimami sasi, ma kami muridoua nimu sautu mana.

Daniel 9:13 Referans Kwoze

Daniel 9:11

Igami sui lakalaka na tinoni ni Israel ami kutsigira nogo nimu ketsa ma nimu vali, mami sove saikesa na rongomiana na omea igoe o tsaria. Igami ami sasi sosongo manana i matamu, mami raqamai segenia i konimami na vealagi vaga ara maregira nogo tana nina papi na Ketsa a Moses nimu maneaqo.

Jeremia 2:30

Inau au kedegamu, me tau lelê pelugamu rongona igamu amu tau ngaoa kau gotosigamu. Mamu tû mamu matesigira sui nimui propete, vaga saikesa moa na laeone veveiga.

Isaia 9:13

Migira na tinoni ni Israel ara tau vati piloligi tania niqira sasi. Me atsa moa ti na Taovia Susuliga Sosongo e kedegira, migira ara tau moa vati visumai i konina aia.

Hosea 7:10

Niqira kaekae nogo igira na toga tana Israel e taimataqira segeni. Me atsa moa ara laba vanigira na omea sui vaga girani, migira ara tau vati pilovisumai i koniqu inau na Taovia niqira God.

Jeremia 31:18

“Au rongomigira na tinoni ni Israel ara ngangaidato vaniau tana niqira rota mara tsaria, ‘Taovia, igami ami vaga saikesa moa na omea tuavati atsi, migoe segenimu nogo o ladogasigami. Ko adivisugami rongona igami ami ngao mananâ na visubatugua i konimu, igoe na Taovia nimami God.

Jeremia 5:3

Taovia igoe o ngao sosongolia laka igira na tinoni kara muria na sautu goto. Igoe o labugira, migira ara tau goto gini boe. Mo tsogori rapasigira, migira ara sove moa na rongomiana nimu totosasaga. Ara baribari sosongo, mara tau goto piloligi tanigira niqira sasi.

Linge 119:27

Ko sangaau ma kau gini padagadovigira nimu ketsa, ma kau padatugutugugira na omea dou sui igoe o naugira.

Nina Papi A Job 36:13

“Migira ara piloligi tania God ara totu matengana moa na korekore sailagi, me atsa moa ti vaga kalina God ke kedegira, migira ara tau dona na nongiana ke sangagira.

Iakobo 1:5

Me ti vaga ke kesa i laomui igamu ke tau tamanina na sasaga loki ma nina aqo ke nongia i konina God. Maia nogo God sauba ke tusua vania. Rongona God e dona sosongo baa na vangalaka, maia e kili sosongolia ke sangagira na tinoni sui.

Epesus 4:21

Igamu amu murinogoa a Iesu Kristo, mamu rongominogoa na sasani ara sasaniginigamu na manana tana rongona a Iesu.

Ioane 10:35

Migita sui a dona laka na goko sui ara totu i laona na Mamare Tabu ara mana saviliu. Migira nogo na tinoni God e sauvanigira nina goko tana Mamare Tabu igira nogoria aia e soaginigira na god.

Ioane 8:32

Me sauba kamu donaginia na manana, ma na manana ke nusigamu.”

Ioane 6:45

“Ara marea igira na propete laka pipi tinoni kara sasani i konina God. Masei moa e rongomia na Tamaqu me sasani i konina, aia e tangomana vania ke mai i koniqu.

Luka 24:45

Maia e mararasia na tobaqira, rongona igira kara padagadoviginia na Mamare Tabu,

Hosea 7:14

Ara tau lotu dou vaniau, tagara, ara tsonitsuna segeniqira tana kao, mara tangitangi vaga moa ara naua igira na ponotoba. Mi kalina ara nonginongi matena na mutsa ma na uaeni, mara pari segeniqira vaga nogo ara naua igira na ponotoba. !Na vanga petsakoe igira!

Hosea 7:7

“Tana paparana niqira tobamomosa igira ara labumatesigira niqira tagaovera. Mara labumatesigira goto niqira taovia tsapakae puka vaitsarimurigi, me tagara goto sa tinoni ke nonginongi vaniau inau gana kau sangagira.”

Tangitangi 5:21

?Se laka igoe o sove tanigami saikesa? ?Me laka e tau dona ke tamani susuina nimu kore loki? !Taovia, igami ami ngaoa na visutugua i konimu! !Ko adivisugami! Ko vaolusitugua na maurimami, ma kami totu dou vaga nogo tana idana.

Jeremia 44:27

Inau sauba kau naua ma kamu tau goto tamanina sa omea, ma kamu toroutsa saikesa. Igamu sui lakalaka sauba kamu mate tana vailabu, se tana liuna na lobogu, poi tsau kalina ke tagara goto sa vidamui ke kauvisu.

Isaia 64:7

E tagara sa vidamami ke nonginongi vanigo se ke norugo ko sangâ. Igoe o poisinogoa na matamu vanigami, mo tsonikidamami tana rongona nogo nimami sasi.

Isaia 42:9

Igira sui na omea inau au kate idanogoa laka sauba kara laba, ara laba sui nogo kalina ia. Mi kalina ia, minau sauba kau kate vanigamu na omea vaolu idavia ke labamai na taguna.”

Linge 119:73

Igoe nogo o aqosiau mo reitutuguau; ko mararasia na tobaqu ma kau gini sasanigira dou nimu ketsa.

Linge 119:18

Ko sangavia na mataqu, ma kau reiginigira na omea dou sui ara totu i laona nimu ketsa.

Linge 85:4

Ko adivisugami tugua, igoe God nimami vagamauri, mo ko laka goto na reisaviamami.

Na Vaolusi Ketsa 29:4

Me tsaumai i dani eni, maia e tau vati tamivanigamu kamu padagadovia na omea igamu amu liu nogo i laona.

Isaia 31:1

!Sauba ke seko sosongo nomoa vanigira igira ara vano i Ejipt gana na lave sasanga mara vataragi sosongo tana susuligana loki niqira ose, ma niqira terê, ma niqira mane vaumate! Mara tau moa vataragi kakai i konina na Taovia, na God tabu ni Israel, se kara nongia ke sangagira.

2 Taovia Tsapakae 22:16

na omea e tsaria na Taovia: “Inau sauba kau kedea na vera ni Jerusalem migira sui nina tinoni, vaga nogo ara marea tana papi aia na taovia tsapakae e vasini tsokoa.

Isaia 43:22

Ma na Taovia e tsarigotoa, “Migamu na Israel amu qisi nogo taniau, mamu tau nogo mai na samasama vaniaqu.

Isaia 64:6

Igami sui na tinoni vanga sasi mami kaulinaqu i matamu igoe; me atsa goto nimami sasaga dou bâ, migira goto ara kaulinaqu i matamu vaga saikesa nogo na polo naqunaqu. Tana rongoqira nogo nimami sasi, te igami ami gini vaga na rau na gai matsele e puasalagira lê na guguri.

Jeremia 30:14

Igira sui lakalaka na puku tavosi, igira amu norugira kara sangagamu, ara padalegamu nogo, mara tau goto nogo boeginigamu. Inau au baginigamu vaga nogo kesa gamui gala, mau kedelokigamu rongona igamu amu tabaru seko sosongo, mara danga sosongo nimui sasi.

Jeremia 44:23

Tana rongona nogo igamu amu savori-kodoputsa vanigira na god peropero, mamu sasi i matana na Taovia mamu tau murigira nina ketsa sui, te e gadovigamu na toroutsa loki iani kalina ia.”

Esekiel 16:43

Igoe o padale saikesalia nogo e koegua inau au reitutugugo dou kalina o daki vaolu moa, migoe o tû mo tsaia moa na korequ tana omea seko sui igoe o naugira. Aia nogoria na rongona te au turuginigo ko sese mateqira sui. Igoe o naugira nogo danga na omea marasibiga. ?Megua ti o ba paboginigotoa nimu aqo mala rebi?” Inau nogo na Taovia God au tsaria na omea iani.