Daniel 9:12 - Ghari

¹² Migoe o manalinogoa na omea o tsaria laka ko naua vanigami me vanigira goto igira gamami tagao. Mo kede kakaia na verabau ni Jerusalem liusigira bâ na verabau sui i laona na barangengo,

Daniel 9:12 Referans Kwoze

Esekiel 5:9

Igamu amu naugira danga sosongo na omea tabaruga inau au reisavigira, me vaga ia minau sauba nomoa kau kedegamu vaga au tau goto vati naua sa tagu, me utu kau naugotoa tana tagu sui ke mai.

Tangitangi 1:12

Maia e tsarigotoa vanigira igira sui ara liuputsi i tana: “!Kamu morosiau inau! E tagara goto sa tinoni ke vatsangia na rota loki vaga au vatsangia inau, na rota aia na Taovia e moloa ke gadoviau tana nina tobamomosa loki.

Isaia 44:26

Mi kalina niqu maneaqo inau e tû me katevulagia laka sauba ke laba kesa na omea, se kalina inau au moloa kesa niqu mane adigoko ke ba katevulagia na omea au vangaraua na nauana, minau nogo au manaligira sui na omea igira ara katemaia. Minau goto nogo au tsarivania na Jerusalem laka igira nina tinoni sauba kara visumai ma kara totuvitugua, me vanigira na verabau tana Juda laka sauba kara logovisugira tugua. Eo, inau nogo sauba kau turuvaginikaegira tugua na verabau girani ara totu piriutsa.

Tangitangi 2:17

Na Taovia e naunogoa na omea aia e vorogokona nogo, me manalia na omea aia e pede okanogoa. Aia e tau goto gaego, me pukuli saikesalia gamu susuliga, me tami vanigira gamu gala kara tseqo poligo, ma kara tuliusigo.

Tangitangi 2:13

?Are kiki Jerusalem, e livugaluvemu, ma nagua goto kau tsarivanigo? ?Ma kau verego koegua kiki goto inau? E tagara goto ke kesa ke tsodoa na rota loki vaga iani. Gamu rota e loki vaga saikesa na kema. ?Masei nomoa tangomana ke laumaurisigo?

Nina Papi A Job 12:17

Maia e adiligia niqira sasaga loki igira na tagao vera, me naua mara viri bubulega na tinoni pede.

Roma 15:8

Inau au tsarinogoa vanigamu laka a Iesu Kristo e mai rongona ke sangagira na Tsiu, me ke gini sauvulagia vanigira laka God e mana, me ngaoa na manaliana na veke aia e nauvanigira na mumuaqira i sau,

Luka 21:22

Na rongona na dani vaga gira, ‘Na Dani na Gadovi Pede’ gana ke gini manatovu na omea ara marenogoa tana Mamare Tabu.

Marko 13:19

Rongona na rota ke gado tana tagu ia sauba ke seko liuliu baa, liusigira pipi sui na rota ara laba nogo tuu tana tuturigana kalina God e vusaa na barangengo, me tsaumai i dani eni. Me utu goto ke laba tugua sa dani na omea seko loki vaga ia.

Mateo 24:21

Rongona na rota ke gado tana tagu ia, sauba ke seko liuliu baa, liusigira sui pipi na rota ara laba nogo tuu tana tuturigana na barangengo, me tsaumai i dani eni. Me utu goto ke laba tugua sa dani na omea seko loki vaga ia.

Mateo 5:18

Inau au tsarivanigamu na manana. E utu lelee ke kesa na tsaqina tetelo i laona na Ketsa ke tavongani nanga lee, poi ke tsau tana susuina na dani, i tana kara ka nangaligi lee na baragata ma na barangengo.

Sekaria 1:8

Inau au rei bâ kesa nina angelo na Taovia e sagekae i kelana kesa na ose tsitsi. Aia e ba tutû i levugaqira na gai i laona na poiatsa, mara visana goto na ose tsitsi, ma na tuputupugana, ma na serena, ara tutû i murina.

Sekaria 1:6

Mi tana mangaqira nogo igira na propete niqu maneaqo, inau au sauvanigira na mumuamui niqu ketsa ma niqu vali, migira ara peagira moa, mara gini gadovi rota matena. Mi muri, mara pilotoba, mara tsaria, ‘Na Taovia God Susuliga Sosongo aia e kedegita kalina ia, vaga e padakuti matena nogo ke naua. Maia nida sasi nogo igita.’ ”

Amos 3:2

Maia e tsarivaganana iani, “I laoqira na toga sui tana barangengo popono, igamu lelê moa na Israel inau au donaginigamu mau reitutugugamu. Maia nogo na rongona ti inau sauba kau kedegamu kakai matena nimui sasi loki sosongo amu naugira.”

Joel 2:2

Mi tana dani ia sauba ke rodo popono, ma na parako baubau kara viri tsavua na masaoka. Ma na alaala loki na kipo ara maimai nogo vaga moa na rodo e tsavu poponoa na vungavunga. Ma na omea vaga ia e tau saikesa goto vati laba i sau, me sauba e utu goto ke laba tugua sa tagu i muri.

Esekiel 13:6

Ara gokopero moa, me pipi sui niqira kategoko ara tau saikesa mana. Igira ara gini tû moa laka ara gini goko tana asaqu inau kalina au tau saikesa mologinigira. Mara padâ laka sauba nomoa ke laba na omea vaga igira nogo ara katemaia.

Tangitangi 4:6

Na Taovia e kede sekoli sosongoligira bâ niqu tinoni liusigira na tinoni ni Sodom, igira aia e molotsunamaia na lake ke iruvi novotigira.

Goko Tabana 8:16

Pipi sui na tagaovera tana barangengo ara tagao tana niqu sasanga inau, atsa moa ti na tinoni lokiloki ma na tinoni tataovia.

Linge 148:11

Tsonikaea na Taovia igamu sui na taovia tsapakae migamu na toga sui, migamu goto na tinoni taovia ma na tagaovera tavosi sui tana barangengo;

Linge 2:10

Kalina ia, ma kamu rongomidoua niqu goko parovata iani, igamu sui na taovia tsapakae; kamu pukudoua na sasani iani, igamu na tagao sui tana barangengo:

1 Taovia Tsapakae 3:9

Vaga ia, minau au nongigo Taovia ko tusuvaniau moa na sasaga loki agana na tagaoviginiaqira dou nimu tinoni tana pedegoto ma na padagadoviana na omea e dou ma na omea e seko. ?Rongona ti vaga inau kau tau tamanina na sasaga loki vaga ia, me sauba ke koegua goto ti inau kau gini tangomana na tagaovidouaqira nimu tinoni ara danga vaga sagata gira?”

Jeremia 30:7

Na dani seko sosongo e maimai varangi nogo; me tagara goto sa dani segeni ke seko atsalina ia, aia kesa na tagu na rota seko loki vanigira niqu tinoni, minau sauba nomoa kau laumaurisigira.”

Jeremia 32:23

Bâ, mi kalina ara mai tana kao iani mara aditamaniqira, migira ara tau goto rongomangamu, se kara mauri murigira nimu ketsa; mara tau saikesa naua na omea vaga igoe o ketsaliginigira kara naua. Maia nogo na rongona ti igoe o alomaia na rota seko loki e gadovigira kalina ia.

Jeremia 39:16

a Ebedmelek na mane ni Sudan laka inau na Taovia Susuliga Sosongo, na God ni Israel, au tsarivaganana iani vania, ‘Au kate idanogoa laka sauba kau toroutsania na verabau iani, me utu goto kau naua sa omea ke dou vania. Mi kalina ia, sauba kau manalia niqu goko. Migoe a Ebedmelek sauba ko totu i tana, mo ko morosiginia na matamu segeni kalina ke laba na omea vaga ia.

Jeremia 44:23

Tana rongona nogo igamu amu savori-kodoputsa vanigira na god peropero, mamu sasi i matana na Taovia mamu tau murigira nina ketsa sui, te e gadovigamu na toroutsa loki iani kalina ia.”

Daniel 12:1

“Mi tana tagu vaga ia, me sauba ke labamai a Mikael na angelo taovia, aia e vangataogira nimu tinoni. Mi tana sauba ke laba na tagu na rota loki seko sosongo, liusigira na tagu seko sui ara laba nogo tû kalina e botsa na barangengo. Mi kalina ke laba na tagu seko vaga ia, migira sui nimu tinoni segeni igoe, igira ara maretsunanogoa na soaqira i laona nina papi God, sauba kara mauri tania na rota loki ia.

Sekaria 7:12

ma na tobaqira ara kakai vaga na vatu. Bâ, mi tana rongona nogo igira ara sove na rongomiana na sasani inau au molo bâ vanigira tana mangaqira na propete ni sau, te inau au gini kore loki sosongo.

2 Taovia Tsapakae 22:16

na omea e tsaria na Taovia: “Inau sauba kau kedea na vera ni Jerusalem migira sui nina tinoni, vaga nogo ara marea tana papi aia na taovia tsapakae e vasini tsokoa.

Isaia 43:28

migira nimui tinoni tagao ara bausia niqu Vale Tabu. Maia nogoria na rongona ti inau au toroutsania na Israel, mau tamivanigira na tinoni ni veratavosi kara peagira niqu tinoni segeni nogo.”