Daniel 8:4 - Ghari

⁴ Mau reia na sipi mane ia kalina e molotsunâ na lovana, me ulo bamai na touginiaqira na kakatsana pipi sui moa na omea ke tsodoa i sautu. E ulo bâ tabana i tasi, mi vava, mi ata. Me tagara lelê goto sa omea tuavati tavosi tangomana ke utusia se ke tsogoligi tania na susuligana. E naua moa na omea aia segeni e padangaoa, me gini kaekae loki sosongo.

Daniel 8:4 Referans Kwoze

Daniel 11:16

Maia na taovia tsapakae ni Siria sauba ke naua moa na omea vaga nogo aia e kilia, me tagara goto ke kesa ke tangomana na utusiana. Aia sauba ke tangolia niqira kao dou sosongo God e saunogoa vanigira nina tinoni, me ke sekoligira popono na omea sui i laona.

Daniel 11:36

“Ma na taovia tsapakae ni Siria sauba ke naua moa na omea vaga aia ke kilia. Maia sauba ke gini goko kaekae laka aia e loki liusigira bâ pipi sui na god, me ke tsonigira danga na goko seko kalea na God Loki Tsapakae. Maia sauba ke tangomana na nauana moa na omea iani poi ke tsau tana tagu kalina God ke kedea. Me sauba God ke naua nomoa na omea vaga saikesa aia e pada segenina nogo ke naua.

Daniel 8:7

Minau au morosia kalina aia e baginia na sipi mane. E kore loki sosongo me tupi kakaia na kakatsana me kutsikaira sui. Ma na sipi mane ia e tau goto susuliga na tukapusiana. Ma na naniqoti e tsonitsunâ na sipi mane i lao me gini tete, me tagara goto ke kesa ke isutuguna.

Mika 5:8

Migira na tinoni ni Israel ara kauvisu i laoqira na puku tavosi, sauba kara vaga moa kesa na laeone e rurugu bamai na lave gana mutsa i laona na legai atsi, se tana poiatsa i tana ara mutsamutsa na sipi. Me ke tsipusage i laoqira na sipi, me ke gati ngotsingotsigira, me tagara goto kesa tangomana ke laumaurisigira.

Daniel 7:5

Ma na rukanina na omea tuavati atsi e rerei vaga moa na bea me gini tutû kaira na tuana i muri. Mi mangana e gagati tolu na qaqarona kesa na omea tuavati atsi, me tangi laba kesa na goko me tsarivania, “!Bâ, ko gani gamu sabo mo ko masu dou!”

Daniel 5:30

Mi tana bongi nogo ia, ara labumatesia a Belsasar na taovia tsapakae ni Babilonia;

Daniel 5:19

E tangiloki manana gana rongo na tamamu te igira na tinoni pipi sui tana puku, ma na mamatana tinoni, ma na vatana na goko, ara matagunia mara gariri i matana. Mi kalina ti vaga aia e ngaoa ke labumatesia kesa, maia e naua; me ti vaga e ngaoa ke maurisia kesa, maia e naua. Me dona ke pada mamavasia se ke paluvangamana asei moa aia e ngaoa.

Esekiel 34:21

Igamu amu surukeligira igira ara lobogu, mamu sidivaginigira tania na alaala na sipi, mara totu saranga bamai lê.

Linge 50:22

“Kamu rorongomai igamu amu peâ na mangaqu inau, se kau tau tû ma kau matesigamu sui, me ke tau goto tangomana ke kesa ke laumaurisigamu.

Linge 7:2

Kara tau mai vaga na laeone ma kara tangoliau ma kara kalagaiau vano kesa tana nauna i tana ke tau totu kesa ke isutuguqu. Mi tana kara qoru rapasiau.

Nina Papi A Job 10:7

Migoe o donagininogoa laka au tau tsukia sa sasi, me laka e tagara goto sa tinoni tangomana ke laumaurisiau tania na limamu igoe.

Na Vaolusi Ketsa 33:17

A Josep e susuliga vaga kesa na buluka mane, ma na kakatsana ara vaga na kakatsana kesa na buluka atsi. Igira na toga tana puku konina a Manase ara vaga nogo kesa na kakatsana, migira na sangavulu toga tana puku konina a Epraim ara vaga kesa goto na kakatsana. Me gini kaira na kakatsana karani, aia e sokamuginigira na puku tavosi sui, me takuviginigira tsau bâ tana vovosana na barangengo.”

1 Taovia Tsapakae 22:11

Me kesa i laoqira na propete aia Sedekia na dalena a Kenaana, e aqosigira visana na gona tapala me tsarivania a Ahab, “Iani nogo na omea na Taovia e tsarivanigo, ‘Igirani nogo na gona tapala girani sauba ko labuginigira na Siria, ma kara mate sui lakalaka.’ ”

Linge 44:5

mi tana gamu susuliga nogo igoe ti igami ami tuliusiginigira gamami gala.