Daniel 8:21 - Ghari

²¹ Ma na naniqoti ia, aia na papadana na vera loki ni Gris, ma na kakatsana loki e tû ka gaqira levuga ruka na matana aia na papadana na kesanina taovia tsapakae tana vera ia.

Daniel 8:21 Referans Kwoze

Daniel 11:3

“Mi muri me ke labamai goto kesa na taovia tsapakae susuliga sosongo. Maia sauba ke tagaovi kaputia kesa na butona momoru loki sosongo, me ke naua na omea gua moa aia e padangaoa.

Daniel 10:20

Ma na angelo e tsaria, “?Laka igoe o donaginia na rongona gua au gini mai i konimu? Gana nogo kau katevulagi vanigo na omea ara marea tana Papi na Goko Mana. Me utu kau totu oka kolugo ieni, rongona niqu aqo nomoa kau visu tsaku tugua i Persia ma kau ba vailabu kolua na angelo vangatao ni tana. Mi murina ia, ma na angelo vangatao ni Gris sauba goto ke labamai. Me tagara ke kesa ke sangaau inau, maia lelê moa a Mikael nina angelo vangatao ni Israel.”

Daniel 8:20

“Na sipi mane igoe o morosia e tamani ruka na kakatsana aia na papadana kaira na vera loki ni Media mi Persia.

Daniel 8:22

Mi tugira tu vati na kakatsana ara tu dato kalina e takutsi na kesanina, aia na papadana laka sauba na vera loki ia ke tavota vati, ma kara tu lia vati na vera tavosi, me sauba kara tu tau moa susuliga vaga na kesanina vera loki.

Daniel 11:2

Ma na omea inau sauba kau tsarivanigo kalina ia e mana saikesa.” Miani nogo e vaga na omea na angelo ia e tsarivania a Daniel, “Sauba kara tu tolu goto na taovia tsapakae kara tu tagaovia na Persia, mi muri me sauba ke mai goto na vatinina, maia sauba ke tamani omea danga sosongo liusigira bâ igira sui na taovia tsapakae tavosi. Mi kalina aia ke pabogotoa na susuligana ma nina omea tatamani, maia sauba ke tû me ke tsaikore vania na Gris me ke ngaoa na vailabugi koluana.

Daniel 2:39

Mi murimu igoe, me sauba ke tû kesa goto na taovia tsapakae, maia ke tau tagao susuliga vaga igoe, mi muri bâ, me sauba ke laba na tolunina taovia tsapakae, maia ke vaga na tapalamila, me sauba ke tagaovi kaputia na barangengo popono.

Daniel 7:6

Mi kalina au momoro bâ moa, me labamai kesa segeni goto na omea tuavati atsi. Aia e rerei vaga moa na kusi loki. Mi tana gotuna ara totu vati na rapona vaga moa na rapona manu, maia e tamani ara vati na lovana. Mara tusuvania gana susuliga loki.

Sekaria 9:13

Inau sauba kau gini aqo na Juda vaga nina parige kesa na mane vaumate, migira na Israel vaga niqu pipili. Ma kau gini aqo igira na mane ni Sion vaga moa niqu isi, na mani vailabugi koluaqira na mane ni Gris.”