Daniel 7:27 - Ghari

²⁷ Ma kara sauvanigira nina tinoni segeni na God Loki Tsapakae kara tamanina gaqira susuliga ma gaqira tangirongo igira na vera loki sui i laona na barangengo. Me sauba kara tangolidato sailaginia na susuliga taovia tsapakae, migira sui na tagaovera tavosi tana barangengo popono sauba kara aqo vanigira ma kara rongomangaqira.”

Daniel 7:27 Referans Kwoze

Linge 72:11

Eo, igira sui lakalaka na taovia tsapakae sauba kara ba tsuporu i matana; migira na tinoni sui sauba kara aqo vania.

Na Katemai 11:15

Mi muri, ma na vitunina na angelo e uvia nina tavuli. Mau rongomia na tatangina na goko dangadanga i baragata ara viri guu mara tsaria, “!Kalina nogo ia, kaira God ma na Dalena, aia nogo na Mesia, ara ka tagaovi kaputigira na vera sui tana barangengo popono, me sauba aia nogo ke tagao pukuga na dani ma na dani!”

Luka 1:33

!Maia goto sauba ke taovia vanigira na duli i konina a Jakob na dani ma na dani; ma nina tamani e utu ke sui!”

Daniel 7:14

Me tû aia e mauri saliu, me tusuvania gana mana, ma gana loki, ma gana susuliga tangirongo taovia, rongona ti pipi sui na puku, ma na mamatana tinoni ma na vatana goko kara aqo vania. Ma gana susuliga sauba ke totu saviliu, ma nina tamani e utu goto ke sui.

Linge 22:27

Igira na puku sui sauba kara padatugua na Taovia. Me pipi tana nauna sui tana barangengo sauba kara pilovisumai i konina aia; migira na mamatana sui na tinoni sauba kara samasama vania moa aia.

Daniel 7:18

Migira nogo nina tinoni aia na God Loki Tsapakae sauba kara tamanina gaqira susuliga tangirongo taovia, ma kara tamanina baba moa na dani ma na dani.”

Daniel 2:44

“Mi tana niqira tagu na taovia tsapakae girani, maia na God ni baragata sauba ke vaturikaea kesa na verana pukuga, ma na vera iani sauba e utu goto ke taveo. Me tau tangomana kara tuliusia se kara toroutsania, maia moa sauba ke toroutsanigira saikesa pipi sui na vera tavosi, mi muri maia ke totu saviliu na dani ma na dani.

Isaia 9:7

Ma gana susuliga sauba ke dato babâ saviliu; ma na verana sauba ke totu sailagi moa tana rago. Maia sauba ke tagao na tuguna a David na taovia tsapakae, me ke vaturia gana susuliga tana sasaga gotolaka ma na pedegoto, ke tû kalina eni me ke ba saviliu tsau tana susuina na dani. Na Taovia God Susuliga Sosongo e padakuti matena nogo laka sauba nomoa ke naua ma kara laba na omea sui girani.

Linge 145:13

Igoe o taovia tsapakae saviliu, mo tagaovi kaputigira na tinoni sui na dani ma na dani. Na Taovia e manaligira na omea sui aia e vekea, mara dou saviliu pipi na omea sui aia e naugira.

Linge 86:9

Igira sui na puku na tinoni igoe o aqosigira, sauba kara mailaba i matamu ma kara tao tsuporu sui vanigo, ma kara tsonikaea gamu loki tsapakae.

Na Katemai 19:16

Mi tana polona mi tana bunguna goto ara marea na soa vaga iani: “Niqira Taovia Tsapakae na taovia tsapakae sui, ma niqira Taovia Loki na taovia loki sui.”

Daniel 7:22

Mi tana aia e mauri saliu e mai me votapede tabana kolugira nina tinoni na God Loki Tsapakae. Me mai tsau nogo na tagu i tana igira nina tinoni God kara tamanina gaqira susuliga tangirongo taovia.

Na Katemai 17:14

Mi tugira sauba kara tu gini vailabugi kolua na Dalena Sipi. Maia na Dalena Sipi kolugira nina tinoni segeni, igira aia e viligira sui nogo, me kolugira goto igira ara muridoua nina goko, sauba kara sugutitugira na sangavulu na taovia tsapakae, rongona na Dalena Sipi aia nogo e Taovia Loki vanigira na taovia loki sui, me Taovia Tsapakae vanigira goto na taovia tsapakae sui.”

Sekaria 14:9

Mi tana ma na Taovia sauba ke taovia tsapakae kaputia na barangengo popono, migira na tinoni sui sauba kara donaginia laka e kesa moa na God ma kara samasama vania.

Isaia 54:3

Igoe sauba ko ratsua nimu votavota pipi tabana, migira nimu tinoni sauba kara aditamaniqira tugua na butona kao igira na puku tavosi ara totuvia kalina ia. Migira na verabau ara totu mangu lê kalina ia, sauba kara dangadato tugua na tinoni i laoqira.

Na Katemai 22:5

Me utu goto ke bongi tana, me utu goto kara kilia kesa na laeti ke mararasigira, se na aso ke sinarigira, rongona na Taovia God aia nogo sauba ke ngiti niqira marara, migira kara tagao mala taovia tsapakae nogo na dani ma na dani.

Ioane 12:34

Mara gokovisu na toga mara tsarivania a Iesu, “Tana nida Ketsa igita ara tsaria laka na Mesia sauba ke mauri saliu. ?Me koegua vaga ti igoe o tsaria laka na Dalena Tinoni sauba kara tsauraginikaea? ?Laka asei ia na Dalena Tinoni vaga ia?”

Daniel 4:34

Ma na taovia tsapakae e tsaria, “Mi kalina e putsi nogo vitu na ngalitupa, minau au tû mau morodato bâ tana masaoka, me tavongani visutugua na sasagaqu. Mau tsonikaea na God Loki Tsapakae, mau soalokia aia e mauri na dani ma na dani. “Aia sauba ke tagao sailagi, ma na susuligana e utu goto ke sui na dani ma na dani.

Na Katemai 20:4

Mau reigira visana na sasana na totukae, mi tana ara totu kaekae igira na tinoni aia God e saunogoa vanigira na susuliga gana na votapede. Mau reigotoa na tidaoqira igira ara labumatesigira rongona ara gini turupatuna na gokona God mara katevulagia na manana vaga e sasania a Iesu. Igira nogo na tinoni girani ara tau sanga na samasama vaniana na omea atsi loki se na nununa lee goto aia, mara tau goto tamanina nina marepapadana na omea atsi loki tana raeqira se tana limaqira. Ara maurivisutugua tania na mate, mara tagao vaga nogo na taovia tsapakae kolua a Iesu Kristo i laona kesa na toga na ngalitupa.

1 Korint 15:24

Mi muri moa ti ke labamai na susuina na dani: i tana a Iesu Kristo sauba ke tsogori pukaligira na tidao sui, na tangirongo ma na susuliga sui, me ke sauvisua nina tamani vania God Tamana.

Na Katemai 11:1

Mi muri, maia na angelo e sauvaniau goto kesa na gai, e rerei vaga na gai na totovo, me tsarivaniau, “Ko tuu, mo ko ba tovoginia na lokina nina valetabu God ma na belatabu, mo ko tsokoa na dangaqira igira ara samasama i laona na valetabu.

Isaia 14:2

Danga na puku tavosi sauba kara sangagira na tinoni ni Israel na visu tana kao aia na Taovia e tusuvanigira, mi tana ti igira kara aqotseka vanigira na Israel. Igira ara tangoligira na Israel i sau, sauba na Israel kara tangoligira kalina eni, ma kara tagaovi kaputigira igira ara bingi sekoligira i sau.

Daniel 6:26

Inau au ketsaligamu igamu sui amu totu i laona na veraqu popono, laka nimui aqo kamu matagunia ma kamu kukuni tania nina God a Daniel. “Aia segeni moa na God mamauri, me sauba ke tagao saviliu na dani ma na dani. Ma na verana aia e utu saikesa kara toroutsania, ma na susuligana e utu goto ke sui.