Daniel 7:14 - Ghari

¹⁴ Me tû aia e mauri saliu, me tusuvania gana mana, ma gana loki, ma gana susuliga tangirongo taovia, rongona ti pipi sui na puku, ma na mamatana tinoni ma na vatana goko kara aqo vania. Ma gana susuliga sauba ke totu saviliu, ma nina tamani e utu goto ke sui.

Daniel 7:14 Referans Kwoze

Na Katemai 11:15

Mi muri, ma na vitunina na angelo e uvia nina tavuli. Mau rongomia na tatangina na goko dangadanga i baragata ara viri guu mara tsaria, “!Kalina nogo ia, kaira God ma na Dalena, aia nogo na Mesia, ara ka tagaovi kaputigira na vera sui tana barangengo popono, me sauba aia nogo ke tagao pukuga na dani ma na dani!”

Daniel 7:27

Ma kara sauvanigira nina tinoni segeni na God Loki Tsapakae kara tamanina gaqira susuliga ma gaqira tangirongo igira na vera loki sui i laona na barangengo. Me sauba kara tangolidato sailaginia na susuliga taovia tsapakae, migira sui na tagaovera tavosi tana barangengo popono sauba kara aqo vanigira ma kara rongomangaqira.”

Ioane 3:35

Na Tamana e galuve sosongolia na Dalena, me moloa i limana pipi na omea sui.

Daniel 2:44

“Mi tana niqira tagu na taovia tsapakae girani, maia na God ni baragata sauba ke vaturikaea kesa na verana pukuga, ma na vera iani sauba e utu goto ke taveo. Me tau tangomana kara tuliusia se kara toroutsania, maia moa sauba ke toroutsanigira saikesa pipi sui na vera tavosi, mi muri maia ke totu saviliu na dani ma na dani.

Hibru 12:28

E dou ti igita ka soadoua God rongona aia e tusuvanigita na vera e utu na kasiliana. Eo, ka tsonikaea God ma ka aqodou vania tana kukuni ma na matagu,

Na Katemai 17:14

Mi tugira sauba kara tu gini vailabugi kolua na Dalena Sipi. Maia na Dalena Sipi kolugira nina tinoni segeni, igira aia e viligira sui nogo, me kolugira goto igira ara muridoua nina goko, sauba kara sugutitugira na sangavulu na taovia tsapakae, rongona na Dalena Sipi aia nogo e Taovia Loki vanigira na taovia loki sui, me Taovia Tsapakae vanigira goto na taovia tsapakae sui.”

Mateo 28:18

Ma Iesu e garumai i koniqira me tsarivanigira, “Na Tamaqu nogo e tusuvaniau pipi sui na susuliga loki i baragata mi barangengo.

Mateo 11:27

Mi muri, ma Iesu e goko vanigira na toga me tsaria, “Eo, na Tamaqu e tusuvaniau nogo pipi na omea sui lakalaka. Me tagara ke kesa ke donaginia laka asei manana na Dalena God. Aia segenina moa God Tamana aia e donaginia. Me tagara goto ke kesa ke donaginia na Tamana. Aia segenina moa na Dalena aia e donaginia, migira goto aia na Dalena e viligira kara sanga na donaginiana.

Isaia 9:7

Ma gana susuliga sauba ke dato babâ saviliu; ma na verana sauba ke totu sailagi moa tana rago. Maia sauba ke tagao na tuguna a David na taovia tsapakae, me ke vaturia gana susuliga tana sasaga gotolaka ma na pedegoto, ke tû kalina eni me ke ba saviliu tsau tana susuina na dani. Na Taovia God Susuliga Sosongo e padakuti matena nogo laka sauba nomoa ke naua ma kara laba na omea sui girani.

Na Katemai 3:21

Me vanigira igira e managaqira, sauba kau mologira kara totu i ligisaqu i baragata, atsa vaga inau au tangomana nogo, mi kalina eni au totu i ligisana na Tamaqu i baragata.

Luka 1:33

!Maia goto sauba ke taovia vanigira na duli i konina a Jakob na dani ma na dani; ma nina tamani e utu ke sui!”

Mika 4:7

Ara tsaurae lê nogo mara totu ao sosongo tania na veraqira, mara tau nogo susuliga na vanovano. Minau sauba kau susuligasigira igira ara kauvisu, ma kara lia tugua na puku loki. Minau nogo sauba kau tagaovi kaputigira tana Vungavunga Sion ke tû tana tagu ia me ke babâ saviliu na dani ma na dani.”

Daniel 3:4

me tû kesa na mane aia e goko tana asana na taovia tsapakae me gudato me tsaria, “!Kamu rorongo igamu sui na puku, ma na mamatana tinoni, ma na vatana sui na goko!

Daniel 2:35

Mi tana tagu tsotsodo ia, migira sui na tapalalaka, ma na kao tsitsi, ma na tapalamila, ma na siliva, ma na qolumila ara viri tarutu sui, mara lia vaga moa na papasa tana nauna na mani dudusi uiti tana tagu na papara. Ma na bisi e puasalagira sui, me tau goto totuvisu sa papadana. Ma na vatu aia e lokiloki babâ me lia kesa na vungavunga e tsavu poponoa na barangengo.

Isaia 60:12

Migira moa na puku ara sove na aqo vanigo igoe, sauba kara toroutsaligi sui saikesa.

Linge 146:10

Na Taovia aia nogo e taovia tsapakae saviliu. Nimui God nogo igamu na Sion sauba ke tagao saviliu na dani ma na dani. !Tsonikaea na Taovia!

Linge 145:13

Igoe o taovia tsapakae saviliu, mo tagaovi kaputigira na tinoni sui na dani ma na dani. Na Taovia e manaligira na omea sui aia e vekea, mara dou saviliu pipi na omea sui aia e naugira.

Linge 45:6

Na veramu tana o taovia tsapakae, aia God nogo e tusua vanigo, sauba ke totu saviliu na dani ma na dani. Igoe o tagaoviginigira nimu tinoni tana gotolaka saikesa.

Linge 8:6

Migoe o viliginia aia ke tagaovi kaputigira na omea sui igoe o aqosigira. Mo molokaea ke ida vanigira pipi na omea vovola sui:

Ioane 12:34

Mara gokovisu na toga mara tsarivania a Iesu, “Tana nida Ketsa igita ara tsaria laka na Mesia sauba ke mauri saliu. ?Me koegua vaga ti igoe o tsaria laka na Dalena Tinoni sauba kara tsauraginikaea? ?Laka asei ia na Dalena Tinoni vaga ia?”

Luka 10:22

Mi muri, ma Iesu e goko vanigira na toga, me tsaria, “Eo, na Tamaqu e tusuvaniau nogo pipi na omea sui lakalaka. Me tagara ke kesa ke donaginia laka asei manana aia na Dalena God. Aia segenina moa God Tamana aia e donaginia. Me tagara ke kesa ke donaginia na Tamana. Aia segenina moa na Dalena aia e donaginia, kolugira goto igira aia na Dalena e viligira kara sanga na donaginiana.”

Daniel 7:18

Migira nogo nina tinoni aia na God Loki Tsapakae sauba kara tamanina gaqira susuliga tangirongo taovia, ma kara tamanina baba moa na dani ma na dani.”

Daniel 6:26

Inau au ketsaligamu igamu sui amu totu i laona na veraqu popono, laka nimui aqo kamu matagunia ma kamu kukuni tania nina God a Daniel. “Aia segeni moa na God mamauri, me sauba ke tagao saviliu na dani ma na dani. Ma na verana aia e utu saikesa kara toroutsania, ma na susuligana e utu goto ke sui.

Daniel 4:3

“!Ara loki sosongo bâ na omea ganataga God e saunogoa vanigita! !Ara susuliga sosongo na valatsatsa aia e naugira! God aia sauba ke taovia tsapakae na dani ma na dani, me ke tagao pipi tana tagu sui.

Linge 102:22

kalina igira na puku sui kara saikolumai i tana, ma kara samasama vania na Taovia.

Linge 72:17

Kara tsonikaea na asana na taovia tsapakae; ma kara tau goto padalea na dani ma na dani; ma gana tangirongo ia ke totu kalavata vaga moa na aso. Migira na tinoni pipi tana vera sui kara tsonikaea ma kara nongia God ke vangalaka vanigira vaga nogo aia e vangalaka vania na taovia tsapakae.

Linge 72:11

Eo, igira sui lakalaka na taovia tsapakae sauba kara ba tsuporu i matana; migira na tinoni sui sauba kara aqo vania.

1 Petero 3:22

me ba dato nogo i baragata i tana e totu tana madoana God Tamana, me taovia loki vanigira na angelo sui, me vanigira goto na omea susuliga sui ni gotu.

Na Katemai 1:6

me naua, migita a gini lia na puku manetabu, gana na aqo vaniana God na Tamana. !Igita ka tsonikaea a Iesu Kristo tana mararana ma na susuligana na dani ma na dani! Amen.

Isaia 16:5

mi tana ti kesa na kukuana a David ke lia na taovia tsapakae, maia sauba ke tagaovigira na tinoni tana gotolaka ma na galuve. Aia sauba ke gini pede na pedegoto me ke tsaku na nauana na omea e goto laka.”

Daniel 2:37

Taovia, igoe nogo o loki liusigira na taovia tsapakae sui. Maia nogo na God ni baragata e molokaego igoe ko taovia tsapakae loki me tusuvanigo gamu susuliga, ma gamu tangirongo.

Linge 103:19

Na Taovia e vaturia nina sasana na totukae i gotu i baragata; maia e taovia tsapakae kaputigira na omea sui.

Isaia 9:6

!Rongona e kesa na baka e botsamai vanigita! !E kesa na baka mane God e tusua vanigita! Aia nogo sauba ke lia nida taovia, me ke tagaovi kaputigita. Me sauba kara soaginia “Aia e Naua na Totosasaga Laka,” “God Susuliga,” “Tamana Saliu,” “Na Taovia na Rago.”