Daniel 6:27 - Ghari

²⁷ Aia moa e laumaurisigira na tinoni tania na mate, me naugira na omea ganataga ma na valatsatsa i baragata mi barangengo. Maia nogoria e laumaurisia a Daniel tania na mangaqira na laeone.”

Daniel 6:27 Referans Kwoze

Aqoaqo 4:30

Ko saukaea na limamu susuliga, mo ko maurisiginigira na lobogu, mo ko tamia kara laba babaa na omea ganataga ma na valatsatsa tana asana a Iesu aia nimu Maneaqo Tabu.”

Linge 97:10

Na Taovia e galuvegira igira ara reisavia na sasaga seko; maia e reitutugudoua na mauriqira nina tinoni; me laumaurisigira tania na susuligaqira na tinoni vanga tsutsukibo.

Linge 18:50

God e saua na tangomana loki sosongo vania nina taovia tsapakae, me sauvulagia nina galuve e vo oli vania aia e vilinogoa, vaninogoa a David migira na kukuana na dani ma na dani.

Daniel 4:34

Ma na taovia tsapakae e tsaria, “Mi kalina e putsi nogo vitu na ngalitupa, minau au tû mau morodato bâ tana masaoka, me tavongani visutugua na sasagaqu. Mau tsonikaea na God Loki Tsapakae, mau soalokia aia e mauri na dani ma na dani. “Aia sauba ke tagao sailagi, ma na susuligana e utu goto ke sui na dani ma na dani.

Linge 35:17

?Me laka ke oka koegua sagata ko momoro lê moa igoe Taovia? !Ko mai mo ko laumaurisiau tania na limaqira igira ara sekoliau, ko maurisiau tanigira na laeone girani!

Linge 32:7

Taovia igoe nogo niqu mani taopoi. Me sauba igoe ko maurisiau tania na omea seko sui. Au lilinge dato vanigo rongona igoe nogo o maurisiau, mo reitutuguau dou.

Linge 18:48

me maurisiau tania na limaqira gaqu gala. Eo Taovia, igoe nogo o sangaau te au gini tangomana na tuliusiaqira gaqu gala, mo isutuguqu tanigira na tinoni vanga tangopeke seko.

Nina Papi A Job 36:15

Aia God e dona ke sasaniginigira na tinoni tana rota e gadovigira, me gini aqo niqira vatsangisavi na sangaviginiana na mataqira.

Hibru 2:4

Mi tana tagu ia, ma God e paboginia niqira goko tana nauana danga na vatana na valatsatsa ma na omea ganataga, mi tana tuvariana nina vangalaka na Tarunga Tabu vaga nogo aia e pedea.

Ioane 4:48

Ma Iesu e tsarivania, “Tagara ke kesa vidamui ke tutunina, ti vaga ke tau reitalua na valatsatsa ma na omea ganataga.”

Daniel 4:35

Aia e morosigira na tinoni i barangengo vaga moa ti na omea lê. Migira sui na angelo i baragata ma na tinoni i barangengo ara totu sui moa i vavana nina tagao aia. Me tau goto tangomana ke kesa ke utusia nina papada se ke veisuâ tana rongona na omea aia e naua.

Daniel 6:20

Mi kalina e ba tsau i tana, maia e pada sosongolia a Daniel, me soâ, “!A Daniel, igoe nina maneaqo na God mamauri! ?Laka aia na God igoe o totukakai i konina mo aqo dou sosongo vania e tangomana na laumaurisiamu tania na mangaqira na laeone?”

1 Samuel 17:26

Ma David e veisuagira na mane ara totu i ligisana tana, “?Ma na peluna gua sauba ke adia aia na mane ke tangomana na labumatesiana na Pilistia ia, me ke nusiligia gaqira vangamâ igira na Israel? ?Asei vaga soana na Pilistia ponotoba iani aia e ngaoa ke tovolegira nina mane vaumate na God mamauri?”

Linge 145:13

Igoe o taovia tsapakae saviliu, mo tagaovi kaputigira na tinoni sui na dani ma na dani. Na Taovia e manaligira na omea sui aia e vekea, mara dou saviliu pipi na omea sui aia e naugira.

Jeremia 10:10

Migoe segeni moa Taovia o God mana, migoe na God mamauri, mo taovia tsapakae na dani ma na dani. Mi kalina ti ke momosa tobamu igoe, ma na barangengo popono ke gariri tana matagu; migira na puku sui ara tau tangomana kara baria nimu momosa toba loki.

Daniel 2:44

“Mi tana niqira tagu na taovia tsapakae girani, maia na God ni baragata sauba ke vaturikaea kesa na verana pukuga, ma na vera iani sauba e utu goto ke taveo. Me tau tangomana kara tuliusia se kara toroutsania, maia moa sauba ke toroutsanigira saikesa pipi sui na vera tavosi, mi muri maia ke totu saviliu na dani ma na dani.

Daniel 4:31

Me tau vati goko sui aia, me tangilaba kesa na goko talu i baragata me tsaria, “!Igoe a Nebukadnesar na taovia tsapakae ko rongomidoua na omea inau kau tsarivanigo! Kalina nogo ia inau au adiligi tanigo gamu susuliga tangirongo taovia.