Daniel 5:27 - Ghari

²⁷ mamava, ara tovonogoa na mamavamu tana mani tovomamava, mara tsodovulagia laka o malamala lê;

Daniel 5:27 Referans Kwoze

Nina Papi A Job 31:6

Me ti vaga God ke tovoginiau na omea na tovomamava manana, me sauba nomoa ke reiginia laka inau au tau tsukia sa sasi.

1 Korint 3:13

Na douna niqira aqo tatasa pipi tinoni, sauba kara reigadovia tana Dani Loki tana a Iesu Kristo sauba ke adilabatigira i malena. Matena tana Dani vaga ia, me sauba na lake ke adilabatigira sui niqira aqoaqo pipi na tinoni. Na lake nogo sauba ke tovovidaqira, me ke tsodovulagia na vatana gua na aqo: na douna laka, se tau na douna sagata.

Linge 62:9

Na tinoni sui lakalaka ara vaga saikesa moa ti na guguvina tetelo lê moa na magomago; igira sui tû tana lokina me tsau tana tetelona e tau lelê goto tugugira sa omea. Molokaegira tana omea na tovomamava, ma gaqira mamava e tau goto tugua sa omea; ara malamala lê liusia na malamalana kesa na guguvina tetelo na mamagona tinoni.

Jeremia 6:30

Me sauba kara soaginigira na bau seko lê, rongona inau nogo na Taovia au sove tanigira.”

Goko Tabana 16:2

E tau utu ti ko pada laka ara goto sui pipi na omea o naugira, ma na Taovia nogo e pedegira pipi nimu omeomea.

Esekiel 5:1

Ma na Taovia e tsaria, “Dalena tinoni igoe, ko adia kesa na isi vavanga, mo ko gini putsiligigira sui na ngolamu ma na ivumu. Mi muri, mo ko tovoginia na omea na tovo mamava na ivumu, mo ko vota tolua.

Goko Tabana 21:2

E tau utu ko pada igoe laka e goto pipi sui na omea o naugira, me dou ti ko padatugua moa laka na Taovia e pedego taonia nimu omeomea.

Nahum 1:14

Miani nogo e vaga na omea aia na Taovia e pedea tana rongoqira na Asiria: “Igira sauba kara tau goto tamanina sa kukuaqira agana kara adidatoa na soaqira. Minau sauba kau toroutsanigira na titinonina niqira god peropero ara totu i laona niqira valetabu. !Mau vangaraunogoa kesa na nauna na mani qiluaqira na Asiria rongona ara tabaru seko sosongo me tau goto ulagana kara mauri babâ!”