Daniel 5:1 - Ghari

¹ Kalina a Belsasar e tsapakae i Babilon, maia e naua kesa na kavomutsa loki. Me soamaigira kesa na toga nina tinoni lokiloki kara mai sanga mutsa ma na inu uaeni koluana.

Daniel 5:1 Referans Kwoze

Esta 1:3

Mi laona na tolunina ngalitupa nina aqo tagao a Serkses aia e aqosia kesa na kavomutsa loki vanigira nina mane sasanga migira na taovia tana gavumane. Migira na mane vaumate ni Persia mi Media ara sanga totu goto i tana, kolugira igira na taovia tagao ma na tinoni lokiloki pipi tana butona momoru.

Isaia 22:14

Na Taovia God Susuliga Sosongo segenina nogo e goko vaniau inau me tsaria, “Na omea seko loki vaga iani e utu saikesa goto kau padale vanigira tana mauriqira popono. Inau nogo na Taovia God Susuliga Sosongo au tsaria na omea iani.”

Isaia 22:12

Mi tana tagu ia ma na Taovia God Susuliga Sosongo e nongigamu kamu ngangai ma kamu tangitangi, ma kamu tsara koakoa na lovamui, ma kamu sagelia na polo baubau papadana na melu.

Nahum 1:10

Migamu sauba kamu viri iru sui saikesa vaga na itai kokonaga ma na buruburu makede.

Jeremia 51:57

Inau sauba kau naua me ke ulavigira na inu susuliga igira sui nina taovia tagao, migira goto nina mane sasaga loki, ma nina tinoni lokiloki, ma nina mane vaumate. Igira sauba kara maturu saviliu me utu goto kara mamata. Inau na taovia tsapakae au tsaria na omea iani, inau nogo na Taovia Susuliga Sosongo.

Jeremia 51:39

Minau sauba kau vangaraua kesa na kavomutsa vanigira, ma kau palaginigira na inu susuliga ke ulavigira ma kara gini bubulega, ma kara ba maturu saviliu, me utu goto kara mamata tugua.

Tuturigana 40:20

Me tolu na dani i muri, aia na dani ara padatugua na dani tana e botsa na taovia tsapakae, maia e aqosia kesa na mutsa loki vanigira sui nina mane sasanga; maia e nusikaira aia na mane gana aqo na adi gana uaeni ma na mane e taovia tana bulobredi, me adimaikaira i mataqira nina mane sasanga.

Jeremia 50:35

Na Taovia e tsaria, “!Na mate ke gadovia na Babilon, ma kara mate goto igira sui nina tinoni, ma nina taovia tagao sui, migira goto nina mane sasaga loki!

Daniel 5:30

Mi tana bongi nogo ia, ara labumatesia a Belsasar na taovia tsapakae ni Babilonia;