Daniel 4:32 - Ghari

³² Igira sauba kara tsialigigo igoe tania niqira saikolu na tinoni, mo ko ba totu kolugira na omea tuavati atsi, mo ko gani buruburu vaga moa na buluka i laona ke vitu na ngalitupa. Mi muri moa ti igoe sauba ko reigadoviginia laka na God Loki Tsapakae aia segeni moa e susuliga kaputigira pipi sui na veraqira na taovia tsapakae tana barangengo, me laka aia tangomana ke tusua na susuligana vania asei moa aia ke vilia.”

Daniel 4:32 Referans Kwoze

Daniel 5:21

Mara tsialigia tania na saikolu na tinoni, ma na sasagana e lia vaga moa na sasagana na omea tuavati. Maia e totu kolugira na asi atsi, me gani buruburu vaga moa na buluka, me maturu bamai lê i tano, me tagara goto sa omea ke ausia tania na kolobu. Mi tana susuina moa ti aia e reigadovia laka na God Loki Tsapakae aia segeni moa e tagaovi kaputia na veraqira pipi sui na taovia tsapakae tana barangengo, me tangomana moa ke tusua na susuligana vania asei moa aia e ngaoa ke tusuvania.

Jeremia 27:5

Inau nogo tana susuligaqu loki, au volaginia na barangengo migira na mamatana tinoni sui, me pipi sui goto na omea tuavati ara mauri tana barangengo; mau saugira vaniasei moa inau au padangaoa na sauvaniana.

Josua 4:24

Eo, kamu sasaniginigira na dalemui na omea girani, rongona na tinoni sui tana barangengo popono kara donaginia na lokina gana susuliga na Taovia, migamu sauba kamu gini kukuni sailagi tania na Taovia nimui God na dani ma na dani.”

Binaboli 9:29

Ma Moses e tsarivania, “I kalina tsotsodo inau kau rutsu tania na verabau iani, me sauba kau saudatoa na limaqu tana nonginongi vaniana na Taovia. Maia ke naua ma na vivisa sauba ke sui, me utu goto ke tumutsuna mai sa kolina na usa kakai vaga na vatu, rongona igoe ko donaginia laka na Taovia aia nogo e tamanina na barangengo.

Binaboli 8:10

Ma na taovia tsapakae e tsaria, “Ko nonginongi vaniau ke dani.” Ma Moses e tsaria, “Eo, inau sauba kau naua na omea o nongia i koniqu, mi tana ti igoe ko gini dona laka e tagara goto sa god ke atsa kolua na Taovia nimami God igami.

Isaia 37:20

Mi kalina ia, Taovia nimami God, ko laumaurisigami tania na limaqira na Asiria, mi tana ti igira na puku sui tana barangengo popono sauba kara donaginia laka igoe segeni moa o God mana.”

Binaboli 9:14

Mi kalina ia inau sauba kau tau kedegira moa nimu mane sasanga ma nimu toga, me sauba kau kedego goto igoe, rongona ko gini donaginia laka e tagara goto sa god ke atsa koluau inau tana barangengo popono.

Isaia 45:3

Inau sauba kau tusuvanigo niqira qolo ma niqira omea loki matena sui ara molopoia tana niqira moi. Mi tana ti igoe sauba ko donaginia laka inau nogo na Taovia, me laka inau na God ni Israel au soaginigo na soamu segeni.

2 Turupatu Dato 33:13

Ma God e tabea nina nonginongi a Manase me tamivania ke visu i Jerusalem me ke tagaotugua. Mi tana omea vaga nogo iani te e gini dona maka nomoa a Manase laka na Taovia nogo e God manana.

Daniel 2:21

Aia nogo e tagaovia na taguna na usa ma na aso. Maia moa e dona ke molokaea kesa ke taovia tsapakae, me dona goto ke molotsunâ tania nina aqo. Aia segeni moa e saua na sasaga loki ma na padagadovi omea.

Daniel 4:31

Me tau vati goko sui aia, me tangilaba kesa na goko talu i baragata me tsaria, “!Igoe a Nebukadnesar na taovia tsapakae ko rongomidoua na omea inau kau tsarivanigo! Kalina nogo ia inau au adiligi tanigo gamu susuliga tangirongo taovia.

Nina Papi A Job 9:12

Maia e adigira na omea aia e ngaoa ke adia, me utu goto kesa ke tongo vania; me tau goto malagai kesa na veisuana, ‘?Goena laka nagua o naua?’

Nina Papi A Job 42:2

“Taovia inau au dona nogo laka igoe o Susuliga Sosongo, mo naugira na omea sui moa o padangaoa na nauana, me tau goto tangomana kesa ke tongo vanigo.

Linge 115:3

Ma nida God igita e totu i baragata; me naugira na omea sui aia e padangaoa.

Linge 135:6

Maia e aqosigira na omea sui moa aia e padangaoa i baragata mi barangengo, i laona na tasi mi tana maorodo i lao vasau.

Isaia 40:15

I matana na Taovia na puku sui ara mala vaga moa ti kesa na kukuduna na kô; migira na momoru ao ara malamala vaga moa na papasa lê.

Isaia 40:17

Eo, igira sui na puku na tinoni ara tau saikesa lia vaga sa omea i matana aia.