Daniel 4:12 - Ghari

¹² Ara rerei dou sosongo na rauna, mara danga sosongo na vuana me tugua ke masulia na barangengo popono. Migira na omea tuavati atsi ara totu raviravi tana auauna, ma na manu ara logo binuqira tana arana, me pipi moa vatana na omea mamauri ara sanga na ganiana na vuana.

Daniel 4:12 Referans Kwoze

Luka 13:19

Aia e vaga moa ti kesa na vatuna gai tetelo lee e adia kesa na mane, me ba tsukaa tana nina uta. Mi kalina e dato, me lia na gai loki. Migira na manu ara mai mara aqosia na binuqira tana arana.”

Esekiel 17:23

aia na vungavunga e dato ao liuliu bâ tana Israel. Me sauba ke kutsu me ke molo arana katsi, me ke vua me ke danga na vatuna, me ke lia na gai na sida dou sosongo bâ. Pipi sui na vatana na manu kara mai logoa na binuqira i tana, ma kara totu raviravi dou tana auauna.

Tangitangi 4:20

Mara tangolia aia e tagaovigita dou sosongo, aia nogo na taovia tsapakae na Taovia God e vilinogoa, aia igita a norua laka ke dilagita tanigira sui ara ngaoa na bokiana na verada.

Marko 13:32

“Tagara ke kesa ke donaginia na danina ma na taguna i tana ke laba na omea vaga ia, atsa moa ti igira goto na angelo i gotu, tagara goto. Minau na Dalena, tagara goto. Aia segeni moa na Tamaqu aia e donaginia.

Mateo 13:32

Me kesa na mane e adia, me tsukaa i laona nina uta. Mi kalina e dato, me lia na gai loki. Migira na manu ara mai, mara aqosia na binuqira tana arana.”

Marko 4:32

Me tau oka i muri, me dato, me lia na gai loki liusigira na gai sui lakalaka. Me moloa na arana loki, mara mai na manu mara aqosi binuqira raviravi tana arana.”

Esekiel 31:17

Sauba kara dulikoluvanoa tana barangengo na mate i tana kara totu kolugira sui ara puka tsuna nogo i tana. Migira sui ara totu ravi i sau tana auauna na gai ia sauba kara saranga bamai i laoqira na puku tavosi.

Daniel 4:14

Maia e gu loki me tsaria, ‘Kamu kavitsunâ na gai ia ma kamu lavasuligigira na arana; kamu tsapiligigira na rauna ma kamu rasavagini bamaigira na vuana. Kamu tsialigigira na omea tuavati ara totu raviravi i vavana, ma na manu ara logo binuqira tana arana.

Nina Papi A Job 12:24

Me adiligia na sasagaqira igira na taovia na vera me naua mara liu bubulega bamai lê,

Nina Papi A Job 14:7

“Ma na gai ara kavitsunâ e dona ke kutsu vaolu na vasuna tana tuturina me ke mauritugua.

Nina Papi A Job 14:9

me ti vaga na kô i tana, maia sauba ke kutsutugua vaga moa ti na gai dato vaolu.