Daniel 2:22 - Ghari

²² Maia goto e saulabatigira na omea utugana ma na omea ara totu popoi. Maia e donaginigira sui na omea ara totu popoi i laona na rodo, maia segeni moa e polia na marara.

Daniel 2:22 Referans Kwoze

Nina Papi A Job 12:22

Aia e moloa na marara ke mararasia tana nauna e rodo pulipuli, me mololabatigira i malena na omea ara totu popoi tana rodo.

1 Ioane 1:5

Miani nogo e vaga na sasani igami ami rongomia i konina na Dalena God, mami katevulagia vanigamu: laka God aia nogo na marara, me tagara saikesa sa rodo i konina.

Iakobo 1:17

Pipi sui na sausau dou ma na tuva vangalaka ara talumai moa i baragata. Ara tsunamai talu i konina God, aia e volagira na marara sui ni gotu. God aia segeni moa e tau dona ke oli. Maia e tau goto rodo kalina e rodo na aso.

Hibru 4:13

Eo, e tagara saikesa sa omea tangomana ke popoi tania God. Pipi na omea sui lakalaka i laoqira na omea vovola sui ara totu malemale lee i matana aia. Migita sui sauba nida aqo goto igita ka tsaritutugua vania God nagua ma nagua igita a naua tana maurida.

Jeremia 23:24

Me tagara goto ke kesa tangomana na ba taopoi sa nauna i tana inau kau tau morosia. ?Laka igamu amu tau moa vati dona laka inau au totu pipi tana nauna sui i gotu mi lao?

Linge 25:14

Na Taovia e kulaga dou sosongo kolugira igira ara kukuni tania, me kakaisia nina vaitasogi aia e naua kolugira.

1 Timoti 6:16

Aia segenina moa e totu saliu me vo mate. E totu tana marara loki i tana e tau tangomana vania ke kesa ke varangisi baa. E tau vati reilakana moa ke kesa, me utu goto ke kesa ke morosilakana kesa dani. !Aia segenina moa igita ka tsonikaea, ma ka tamivania ke tamanigita saviliu! Amen.

Daniel 5:11

Ko rorongo. E totu kesa na mane i laona na veramu igoe aia e tamanina nina Tarunga na God Tabu i konina. Mi kalina e taovia tsapakae na tamamu, maia e reigadovia laka na mane iani e sasaga sosongo me dona na padagadovi omea, me tamanina na sasaga loki vaga nogo igira na god. Maia Nebukadnesar na tamamu e molokaea me lia gaqira ida igira sui ara dona na katevulagiana na omea e tau vati laba, migira ara basutidao, migira ara dona na tatada.

Linge 36:9

Igoe nogo na uluna na mauri sui. Mi tana rongona nimu marara igoe ti igami ami reiginia na marara.

Daniel 2:11

Ma na omea vaga igoe taovia o nongia i konimami igami e kakai sosongo me tau goto tangomana sa tinoni ke naua vanigo, migira segenina lelê moa na god, mara tau dona na mauri i laoqira na tinoni lê.”

Isaia 45:7

Inau nogo au goko me gini laba na marara ma na rodo. Minau goto nogo au molomaikaira sui na tagu dou ma na tagu seko. Inau nogo na Taovia au naugira pipi sui na omea girani.

Epesus 3:5

Tana tagu ida baa e tau labaivuilagia vaniigira na tinoni na omea vaga ia, ma God moa e tusuivulagia kalina eni ginia nina Tarunga Tabu vanigira nina apostolo migira na propete.

1 Korint 4:5

Me vaga ia, migamu goto igamu kamu laka na pede vaniana nina sasaga ke kesa, poi ke tsaumai tana dani na pede. Ma na Dani na Pede Loki e utu ke mavi ke laba, poi tsau kalina na Taovia ke visumai. Maia sauba ke adilabatigira tana marara pipi sui na omea ara totu popoi tana rodo. Me ke adidatogira i malena pipi niqira papada na tinoni ara totu popoi i tobaqira. Mi tana, sauba pipi tinoni tatasa ke adia i konina God na peluna nina aqo vaga e ulagana.

Ioane 21:17

Ma Iesu e veisuagotoa na tolunina kalina, “?Simone dalena a Ioane, laka o galuveau?” Ma Petero e gini melu rongona e tolu nogo kalina a Iesu e veisuaa, “?Laka o galuveau?” Ma Petero e tsarivania a Iesu, “!Taovia, igoe o donaginia na omea sui, igoe o dona rago nogo laka inau au galuvego!” Ma Iesu e tsarivania, “Ko reitutugugira niqu sipi.

Isaia 41:22

Kamu mai ieni, ma kamu kate vulagia na omea sauba ke laba, rongona igami kami gini donaginia tana tagu gua ke laba. Kamu tsarimakali gotoa tana tinete na omea ara laba nogo i sau, ma kamu vota rongona vanigami.

Linge 104:2

mo gini tsatsavu popono na marara. Igoe nogo o vuresia na baragata vaga moa ti na valepolo,

Nina Papi A Job 26:6

Ma na barangengo na mate e totu malemale lê moa vania God; me tau goto tsavua sa omea ke gini utugana vania God na morosiana.

Ioane 8:12

Me kesa dani segeni ma Iesu e goko tugua vanigira na Parisii me tsaria, “Inau na mararana na barangengo. Asei ti ke tsarimuriqu, aia sauba ke tamanina na mararana na mauri, me utu goto ke liu tana rodo.”

Ioane 1:9

Na Goko, aia nogoria na marara laka e tsunamai nogo i barangengo, me mararasigira na tinoni sui.

Mateo 13:13

Iani nogoria na rongona te inau au gini aqo moa na gokolia kalina au sasanigira: rongona igira kara momoro rago, me utu nomoa kara reigadovia sa omea. Kara rorongo rago, me utu nomoa kara rongomigadovia, se kara padagadovia.

Daniel 5:14

Minau au rongomia laka nina Tarunga na God Tabu e totuvigo, me laka aia e mararasia na tobamu mo sasaga loki, mo gini padagadovi omea levolevo.

Isaia 42:9

Igira sui na omea inau au kate idanogoa laka sauba kara laba, ara laba sui nogo kalina ia. Mi kalina ia, minau sauba kau kate vanigamu na omea vaolu idavia ke labamai na taguna.”

Isaia 41:26

?Laka asei vidamui nogo igamu e kate vulagi idanogoa laka sauba ke laba na omea girani, rongona igami kami gini tsaria laka igamu amu goko mana? E tagara lelê sa vidamui ke tsaria sa tsaqina goko tana rongona na omea sauba kara laba; me tagara goto ke kesa ke rongomia sa vidamui ke goko.

Tuturigana 41:16

Ma Josep e tsarivania, “Taovia, inau segeniqu goto au tau tangomana, maia God sauba ti ke sauvanigo na rongona laka.”

Daniel 2:19

Mi tana bongi nogo ia ma God e sauvulagi vania a Daniel tana moro na omea ara totu popoi tana bolebole ia, maia e tsonikaea na God ni baragata me tsarivaganana iani:

Daniel 2:47

Ma na taovia tsapakae e tsaria, “Nimu God igoe aia segeni moa e loki tsapakae liusigira sui lakalaka na god tavosi, me taovia kaputigira na taovia tsapakae sui, maia moa e dona ke sauvulagia na omea ara totu popoi. Minau au donaginia laka e mana na omea iani rongona igoe segeni moa o tangomana na vuresi makaliana vaniau na omea ara totu popoi tana niqu bolebole.”

Na Vaolusi Ketsa 29:28

Na Taovia e gini kore loki sosongo, mi tana nina tobamomosa loki aia e vutiligigira tania niqira kao, me tsonivanogira kesa tana vera tavosi, mara tototu moa i tana tsaumai i dani eni.’

Sasani Sasaga 8:1

Aia moa na tinoni e sasaga loki manana e donaginia na rongona na omea levolevo. Na sasaga loki e dona ke olia na matana tinoni me ke kiaqumu, me ke tau goto moro kesukesuga.

Jeremia 33:3

Ko soaau inau, minau sauba kau gokovisu vanigo; me sauba kau tsarivanigo na omea ganataga, ma na omea loki sosongo igoe o tau saikesa vati donaginigira.