Daniel 10:6 - Ghari

⁶ Ma na konina e angaanga vaga moa na vatu angaanga loki matena. Ma na ngorana e maka vaga moa na kirapina na angaanga, ma na matana e iru vaga moa na lapina lake. Ma na limana ma na tuana ara angaanga vaga moa kalina ara kotsa maledoua na tapalamila, ma na tatangina na liona e vaga moa na maququna kesa na alaala loki sosongo.

Daniel 10:6 Referans Kwoze

Na Katemai 19:12

Ma na matana aia e iru vaga na lapina na lake, me sageligira na dangana gana kepi taovia tana lovana. Me kesa na soa e totu i konina, me tagara ke kesa ke donaginia nagua na rongona na soa ia, maia segenina moa e donaginia.

Mateo 17:2

Mara tu momoro moa tugira, me tavongani oli na rereina a Iesu: na ngorana e maka vaga na aso, me seremaka na polona.

Esekiel 10:9

Mau reigotoa laka ara tu vati na uili mara tu kesa sui moa na atsa, me kesa e totu i ligisana pipi kesa tu vidaqira na angelo. Mi tugira na uili ara tu maka vaga moa na vatu angaanga loki matena, me pipi na uili e tamanina kesa segeni goto na uili e tsuku bâ i konina.

Esekiel 1:24

Mau rongomia na tatangina tu rapoqira kalina ara tu lovo; me ale vaga moa na kararana na tasi loki, me vaga moa na leleona kesa na tuqana na alaala loki na mane vaumate, me vaga goto na tatangina na liona na God Susuliga Sosongo. Mi kalina ara tutu lê tugua mara tu bunia moa tu rapoqira.

Esekiel 1:16

Mara tu kesa moa atsa tugira sui vati na uili: pipi kesa e maka vaga na vatu angaanga loki matena, me tamanina kesa segeni goto na uili e tsuku bâ i konina,

Esekiel 1:14

Mi tugira segeni goto na omea mamauri ara tu vano bamai tsaku sosongo vaga moa na kirapina na angaanga.

Na Katemai 21:20

Na tsegenina ara baruginia na vatu tsitsi sere angaanga ara soaginia na oniks. Na ononina ara baruginia na vatu tsitsi angaanga ara soaginia na karnelian. Na vitunina ara baruginia na vatu mila angaanga ara soaginia na krisolait. Na alunina ara baruginia e kesa segeni na vatana na vatu marao angaanga ara soaginia na beril. Na siunina ara baruginia e kesa segeni na vatana na vatu mila angaanga ara soaginia na topas. Na sangavulunina ara baruginia na vato marao mila ara soaginia na kalsedoni. Na sangavulu kesanina ara baruginia e kesa segeni na vatana na vatu bora angaanga ara soaginia na turkois. Na sangavulu rukanina ara baruginia e kesa segeni na vatana na vatu tsitsi angaanga ara soaginia na ametist.

Na Katemai 10:1

Mi muri, minau au morosia e kesa segeni goto na angelo loki susuliga, aia e talu i gotu me tsunamai. E gini popolo popono na parako, ma na vulagaro e polia na lovana; ma na ngorana e maka vaga na aso, ma na tuana e rerei vaga na ketsuma na lake iruiru.

Luka 9:29

Mi kalina e nonginongi a Iesu, me tavongani oli na rereina, me sere maka na polona.

Esekiel 1:7

Me tu goto saikesa tu tuaqira, ma na perana tu tuaqira e vaga na perana tuana na buluka mane. Mara tu angaanga vaga moa na tapalamila ara gitsi maledoua.

Mateo 28:3

Na rereina e maka vaga na angaanga, ma na polona e sere kala.

Na Katemai 2:18

“Ko mamare baa vania na angelo e reitutugua na lotu i Tiatira, mo ko tsarivaganana vania: “Iani nogo e vaga na goko e talumai i konina na Dalena God, aia e iru na matana vaga nogo ti na lake, ma na tuana e angaanga vaga saikesa nogo ti na tapala mila ara kotsa maledoua.

Linge Na Galuve 5:14

Mi kaira na limana ara ka patsotso dou, me moloa tana kakauna na ringi e totu na vatu angaanga i laona, ma na konina e madao dou vaga moa na livona na elepani ara baruginia na vatu bora angaanga loki matena.

Esekiel 40:3

Maia e adiau varangi bâ, mau morosia kesa na mane e angaanga vaga moa na tapalamila. Ma na mane ia e tangolia kesa na itai na totovo ara aqosiginia na polo vovosi laka, me kesa na gai gana goto na totovo, me tutû i matana na matsapakapuna na vera ia.

Esekiel 8:2

Minau au morodato mau morosia kesa na konina tinoni tana iruna na lake. Me tuturiga tana bunguna me tsuna, ma na konina e rerei vaga moa na lake, me tû tana bunguna me dato, e angaanga vaga moa kalina ara kotsa maledoua na tapalamila.