Binaboli 4:2 - Ghari

² Ma na Taovia e veisuâ, “?Nagua o tatangolia tana limamu?” Ma Moses e tsaria, “E kesa na itoro.”

Binaboli 4:2 Referans Kwoze

Binaboli 4:20

Me vaga ia, ma Moses e tû me adia na tauna mi kaira na dalena, me molokaetugira tana gotuna na asi, me vano kolutugira i Ejipt, maia e tangolia na itoro aia God e tsarivaninogoa ke adia.

Binaboli 4:17

Ko adia na itoro iani; rongona aia nogo sauba ko gini aqosi valatsatsa.”

Aqo Manetabu 27:32

Mi kalina ti kamu tû na tsokoaqira nimui omea tuavati papala, me pipi na sangavulunina ke tamanina nogo na Taovia.

Isaia 11:4

aia sauba ke pedegira na tinoni sekona lê tana pedegoto, me ke isutuguqira igira e tagara kesa ke sangagira. Me ke goko moa aia, migira na tinoni seko sauba kara gadovikede, migira na vanga tsutsukibo sauba kara mate.

Mika 7:14

Taovia, ko reitutugugira nimu tinoni, igira igoe nogo o viligira kara lia nimu tamani segeni. Me atsa moa ti ara viri totu piriutsa bamai i laona na legai atsi i kelaqira na vungavunga i tana e tau lakataga dou na kao, ma na kao dou sosongo vania na aqo uta e totu i lao tana poina polipoligira. Ko tamivanigira moa kara ba aqosia niqira uta tana kao lakataga dou ni Basan, mi Gilead, vaga ara naunogoa i oka.

Linge 110:2

Sauba na Taovia ke tû i Sion me ke pabovanigo gamu susuliga, me ke tsaria: “Igoe ko tagaovi kaputigira gamu gala.”

Tuturigana 30:37

Mi muri, ma Jakob e adigira visana na arana mamauri tolu tavosi na vatana na gai vaga na mataqa, me koratiligia na turina na kokoraqira gana ke gini mamarega sere na rereiqira.

Binaboli 7:9

“Me ti vaga na taovia tsapakae ke tsarivanikagamu kamu ka sauvulagikamu segeni tana aqosi valatsatsa, mo ko tsarivania a Aaron ke adia nina itoro me ke tsoni tsunâ i matana na taovia tsapakae, ma na itoro ia sauba ke lia na muata.”

Binaboli 7:15

Me vaga ia, migoe ko vano ke matsaraka mo ko ba tsodoa kalina aia ke vano tana Kô Nile. Ko adia na itoro aia nogo na itoro e oli me lia na muata, mo ko ba pitua i liligina na kô.

2 Taovia Tsapakae 4:2

Ma Elisa e veisuâ, “?Laka nagua sauba kau nauvanigo? Ko tsarivaniau nagua moa o tamanina.” Maia e tsarivania, “Tagara, au tau goto tamanina sa omea, e kesa lelê moa na tosu tetelo na oela na olive.”