Binaboli 3:4 - Ghari

⁴ Mi kalina na Taovia e morosia laka a Moses e garumai varangi, maia e gokomai vania i laona na gai me tsaria, “!A Moses igoe! !A Moses igoe!” Ma Moses e gokovisu me tsaria, “Eo, inau ieni.”

Binaboli 3:4 Referans Kwoze

Na Vaolusi Ketsa 33:16

Ma niqira kao ke danga dato pipi vatana na omea dou sui i laona, talu tana nimu vangalaka igoe Taovia o goko i laona na gai iruiru. Migira na vangalaka girani kara tsunamai i koniqira igira tana puku konina a Josep, rongona aia nogo na ida i laoqira na kulana.

Aqoaqo 9:4

Maia e puka tsuna i lao, me rongomia kesa na goko e tsarivania, “!A Saul, Saul! ?Matena gua o rotasiau?”

1 Samuel 3:8

Ma na Taovia e soa asana a Samuel na tolunina kalina; maia e tu tugua me bâ i konina a Eli me tsarivania, “Igoe o soa asaqu, minau au mai.” Mi tana ma Eli e vasini donagadovia laka aia nogo na Taovia e soâ na baka ia,

1 Samuel 3:6

Ma na Taovia e soatugua a Samuel. Ma na baka ia e tau donaginia laka aia na Taovia rongona e tau vati goko kolua na Taovia sa dani. Maia e tû, me ba tugua i konina a Eli me tsaria, “Igoe o soa asaqu, minau au mai.” Ma Eli e tsarivania, “Dalequ, inau au tau soago; bâ mo ko visutugua i nigemu.”

1 Samuel 3:4

ma na Taovia e soâ a Samuel. Maia e gokovisu me tsaria, “!Eo, taovia!”

Tuturigana 46:2

Ma God e laba vania a Jakob tana bongi me soâ, “!Jakob, Jakob!” Ma Jakob e tsaria, “Eo, ieni inau.”

Tuturigana 22:11

Mi tana tsotsodo kesa nina angelo na Taovia e goko tsunamai vania tû i gotu i baragata me tsaria, “!Abraham, Abraham!” Maia e tsaria, “Inau ieni Taovia.”

Tuturigana 22:1

Me kesa tana tagu i muri, ma God e tovolea a Abraham me soâ, “!Abraham!” Ma Abraham e tsaria, “Inau ieni Taovia!”

Linge 62:11

E danga kalina inau rongominogoa God e goko me tsarivaganana, “Inau segeniqu nogo au tamanina na susuliga,

Aqoaqo 10:13

Me tangi kesa na goko me tsarivania, “!A Petero, ko tuu; mo ko labugira mo ko ganigamu!”

Aqoaqo 10:3

Mi tana tolu na kiloko kesa tana ngulavi, maia e reia e tavongani laba malemale vania kesa nina angelo God me tsarivania, “!Kornelius!”

1 Samuel 3:10

Ma na Taovia e mai me tû i ligisana, me soa asana tugua vaga e naunogoa tana idana, “!A Samuel! !A Samuel!” Ma Samuel e gokovisu me tsaria, “Ko goko Taovia, inau nimu maneaqo au rongovata.”

Tuturigana 28:16

Ma Jakob e mamata me tsaria, “!Na Taovia e totu ieni! !Aia e totu tana nauna iani minau moa au tau donaginia!”

Binaboli 3:2

Mi tana e kesa nina angelo na Taovia e labavania tana rereina na lapina lake e irudato i levugana kesa na gai tetelo. Ma Moses e rei bâ na gai e iruiru rago, ma na lake ia e tau moa gania na gai.

Binaboli 4:5

Ma na Taovia e tsaria, “Ko nauvaganana iani gana ko gini sauvulagi vanigira na tinoni ni Israel laka na Taovia niqira God na mumuaqira, tu niqira God a Abraham, ma Isaak ma Jakob, aia nogo e laba vanigo.”

Binaboli 19:3

ma Moses e dato tana vungavunga ke ba goko kolua God. Ma na Taovia e tû i kelana na vungavunga me soâ a Moses, me ketsalia ke tsaria na omea iani vanigira na toga ni Israel, igira nogo na kukuana a Jakob,

Binaboli 33:12

Ma Moses e tsarivania na Taovia, “E mana igoe o tsarinogoa vaniau kau idagana sautu vanigira na tinoni girani na vano tana kao ia, mea moa igoe o tau tsarivaniau inau laka asei sauba ke dulikoluau. Mo tsarigotoa laka o donadouginiau inau mo reingaoau.

Aqo Manetabu 1:1

Na Taovia aia e totu i laona na Valepolo Tabu e soâ a Moses me tsarivania: