Biblia Todo Logo
Bib sou entènèt

- Piblisite -




Binaboli 10:2 - Ghari

2 me rongona goto igamu kamu gini tangomana na tsarivaniaqira na dalemui ma na kukuamui laka au bulesi koeguanigira inau na tinoni ni Ejipt kalina au aqosigira na valatsatsa girani. Mi tana ti igamu sui sauba kamu donaginia laka inau nogo na Taovia.”

Gade chapit la Kopi




Binaboli 10:2
22 Referans Kwoze  

Kamu turupatuna vanigira na dalemui tana rongona na omea vaga ia, migira kara gini turupatuna vanigira na daleqira, migira goto sauba kara gini turupatuna babâ vanigira na vatavata kara mai i muri.


!Kamu parovata dou! Reigamu dou kamu tau padalea tana maurimui popono na omea igamu amu morosiginia na matamui segeni. Kamu turupatuna vanigira na dalemui ma na kukuamui


Mi tana tagu ke mai i muri, kalina igira na dalemui kara veisuagamu tana rongona na dani tabu iani, migamu kamu tsarivanigira vaga iani, ‘Na Taovia nogo e gini aqo na susuligana loki me adirutsumigita i sau tania na Ejipt, na vera i tana igita a totutseka.


Igira nogo na mumuamami ara turupatuna vanigami, tana rongona na omea loki igoe God o naugira tana taguqira igira, tana dani ara putsi oka nogo. Eo, ami rongomiginia na kulimami segeni,


Mi kalina ia taovia, aia na Taovia God e tsaria laka igoe sauba ko reivulagia laka asei aia tana na omea sauba aia ke naua. Ko moromai, inau sauba kau labuginia na itoro iani na rarauna na kô, ma na kô sauba ke oli me ke lia na gabu.


Igamu na tamaqira ma na tinaqira na baka kamu laka na malabulesiaqira na dalemui, kara tau gini molotoba. Kamu totosasaga vanigira dou moa tana sasani ma na sasaga Kristiano.


Inau nogo au adivanogira tana butona momoru au vekenogoa kau sauvanigira. Mi kalina ara tsau i tana mara morosigira na vungavunga katsi, ma na gai marao dou, mi tana nogo igira ara ba gini savori-kodokodo niqira omea tuavati, mara savoria niqira sausau na uaeni vanigira niqira god peropero, maia nogoria e tsaiginia na tobaqu inau mau kore sosongo vanigira.


Mau tamivanigira moa kara gini kaulinaqu tana niqira sausau segeni, ma kara gini savori-kodokodo na daleqira mane botsaida. Mau nauvaganana ia, agana na kedeginiaqira ma na saumakaliana laka inau nogo na Taovia.


!Mi kalina eni inau au tuqatuqa pitsu nogo, me senge sui nogo na ivuqu, migoe niqu God ko laka na vano taniaqu! Ko totu kalavata koluau kalina inau au katevulagia na susuligamu ma na lokimu vanigira na vatavata sui kara botsamai i muri.


Igira na toga sauba kara tsarivaganana, “Igira na tinoni e goto niqira sasaga ara adipeluna manana konina God; eo, e mana saikesa laka God e totu manana, maia e pedegira na tinoni sui tana barangengo.”


Mi tana, ti sauba igira na Ejipt kara donaginia laka inau nogo na Taovia, kalina kau kede sekoligira igira, ma kau adirutsumigira na tinoni ni Israel tania na veraqira.”


!Taovia God igoe nogo o loki tsapakae! E tagara goto ke kesa ke atsa kolugo igoe; migami ami dona sailagi nogo laka igoe segeni moa o God.


Me vaga ia, ma Aaron e tusu bâ nina itoro i kelaqira na kô sui, ma na qori ara rutsu labamai mara tsavupoponoa na kao.


Minau sauba kau naua maia ke momosa loki tugua me sauba ke takuvi tsarigamu. Mi tana nogo ti igira niqu tinoni kara tsonikaeginiau inau kalina kara reia laka au tangomana na tuliusiana gaqira taovia tsapakae ma nina alaala na mane vaumate. Mi tana goto ti igira na Ejipt kara donaginia laka inau nogo na Taovia.” Migira na Israel ara naua na omea vaga e tsarivanigira a Moses, mara ba tototu liligina na Tasi Tsitsi.


Mi kalina inau kau tuliusigira, mi tana ti igira na tinoni ni Ejipt kara donaginia laka inau nogo na Taovia.”


laka igoe segenimu nogo o tsialigigira na tinoni ponotoba mo turuvaginigira nimu toga tana niqira kao. Me laka igoe o kedegira na puku tavosi, mo naua mara gini pabo babâ nimu tinoni segeni igoe.


igira na omea igita a rongomigira nogo ma donaginigira, na omea vaga igira na tamada ara turupatuna vanigita nogo.


Migira moa ara mamauri ara dona na tsonikaeamu igoe, Vaga nogo inau au tsonikaego kalina ia. Igira na tamaga ara turupatuna vanigira na daleqira na omea dou sui igoe o naua vanigira.


Swiv nou:

Piblisite


Piblisite