Amos 9:12 - Ghari

¹² Mi tana, migira na tinoni ni Israel sauba kara tangoli visutugua na kao ni Edom, migira sui goto na vera tavosi au tamanigira nogo i sau. Inau nogo na Taovia au tsaria na omea iani, me sauba kau naua me ke laba vaga ia.”

Amos 9:12 Referans Kwoze

Isaia 43:7

Igira niqu tinoni segeni nogo inau, minau nogo au vusagira gana kara tsonikaeginiau.”

Aqoaqo 15:17

Ke vaga nogoria, migira na mamatana na tinoni sui sauba kara mai i koniqu, igira sui nogo au soagira goto kara lia na tamaniqu segeni inau.

Isaia 65:1

Na Taovia e tsaria, “Inau au vangaraunogoa na tuguvisuana niqira nonginongi niqu tinoni, migira ara tau moa nongiau sa omea. Minau au vangaraugotoa kara tsodoau, migira ara tau saikesa tovoa na laveaqu. Mara tau lelê nongiau kau sangagira, atsa moa ti inau au vangarau sailaginia na tsarivaniaqira vaganana iani, ‘Iani inau, sauba kau sangagamu.’

Jeremia 14:9

?Megua goto ti o vaga moa na tinoni e ponopala tobana, me vaga na mane vaumate e tau nogo susuliga na tuliusiaqira na gala? !Igami ami tutunina nomoa laka igoe Taovia o totu moa kolugami! Igami nimu tinoni nogo, mami nongigo ko laka na tsonikidamami.’ ”

Jeremia 15:16

Igoe o goko vaniau, minau au rongomi vatavia pipi sui nimu tsaqina goko. Inau nimu tamani nogo igoe Taovia God Susuliga Sosongo, me gini mage sosongo tobaqu na rongomiana nimu goko.

Isaia 63:19

Migoe o nauvanigami vaga moa ti o tau saikesa lia gamami tagao, me vaga goto ti igami ami tau saikesa nimu tinoni.

Isaia 11:14

Sauba kara sai alaala ma kara baginigira na Pilistia tabana i tasi, ma kara laua niqira omea sui igira ara totu i longa. Me sauba kara tuliusigira goto na Edom ma na Moab. Migira na tinoni ni Amon sauba kara rongomangaqira.

Linge 60:8

Mi Moab ke lia niqu popo na vulivuli, mi tana Edom sauba kau tsonidatoa gaqu porotua, na papadana laka inau nogo au tamanina i tana. Me mana nogo gaqu tana vailabugi koluaqira na Pilistia, mau gini gudato tana magemage.”

Tuturigana 27:37

Ma Isaak e gokovisu vania me tsaria, “Inau au molonogoa aia ke taovia vanigo igoe, mau mologira sui na kamana kara tseka vania. Au sauvaninogoa aia na mutsa ma na uaeni. !Mi kalina ia dalequ, e tagara goto sa omea tangomana kau sauvanigo igoe!”

Tuturigana 27:29

Migira na puku tavosi kara lia nimu maneaqo, ma kara tsuporu tsuna i matamu igoe. Migoe ko tagaovi kaputigira sui na kamamu, migira na kukuana na tinamu kara tsuporu tsuna i matamu. Migira kara vealaginigo igoe sauba ke gadovigira na vealagi, migira kara soadougo igoe sauba kara soadougira.”

Malaki 1:4

Me ti vaga na kukuana a Esau, igira nogo na tinoni ni Edom, kara tsaria, “Nimami verabau ara toroutsa saikesa nogo, me sauba nomoa kami logovisugira tugua.” Eo, mi tana ti sauba na Taovia ke tsarivaganana iani, “Moloa ma kara logovisugira, minau sauba kau vui pukaligira tugua. Migira na tinoni tavosi sauba kara soaginigira ‘Na puku na tinoni seko’ ma ‘Igira na tinoni aia na Taovia e kore saviliu vanigira.’ ”

Joel 3:8

Inau sauba kau tsabirigira na dalemui mane ma na daki vanigira na Juda. Migira kara tû ma kara tsabirigira vanigira na Sabea igira ara totu ao sosongo bâ. Inau nogo na Taovia au tsaria na omea iani.

Aqoaqo 15:18

Aia nogoria na omea e tsaria na Taovia, maia goto nogo e katevulagia na omea iani i sau nogo.’ ”