Amos 8:4 - Ghari

⁴ Kamu rongomia na omea iani, igamu amu tsogori tsunaligira na tinoni e tagara kesa ke sangagira, mamu sekoligira na tinoni ara tau tamanina sa omea igira ara totu i laona na veramui.

Amos 8:4 Referans Kwoze

Amos 5:11

Amu bingi sekoligira na tinoni ara tau tamani sa omea, mamu ba komigotoa niqira uiti. Me vaga ia, me utu kamu totuvigira na valevatu rereidou amu logogira, se kamu inuvia na uaeni e talu tana nimui uta na uaeni e dato magobu dou igamu segeni nogo amu tsukâ.

Goko Tabana 30:14

Mara visana tinoni na livoqira ara vavanga vaga na isi ma na gau, gana kara ganigira na tinoni ara tau tamani, migira ara kili sasanga, ma kara gini nangaligi tania na barangengo.

Linge 14:4

Te e tû na Taovia me veisua, “?Me laka ara tau vati sasaga moa igira na tinoni vanga nauseko girani? E lia vaga moa ti ngiti gaqira mutsa na sekoliaqira niqu tinoni inau, mara tau saikesa dona na nonginongi vaniaqu inau.”

Linge 140:12

Taovia, inau au donanogoa laka igoe o isutuguqira igira ara tau tamanina sa omea, mo aqosia na pedegoto vanigira igira ara kilia na sasanga.

Linge 12:5

Ma na Taovia e tû me tsaria, “Eo, mi kalina ia inau sauba kau mai, rongona ara bingi sekoligira igira ara tau tamanina sa omea, mara kukungu tana rota igira ara kilia na sasanga. Minau sauba kau ravisigira ma kara gini totu dou vaga ara amesi sosongolinogoa ke laba vanigira.”

Iakobo 5:6

Igamu amu pedesekoligira rago na tinoni dou mamu labumatesigira. Migira ara tau goto suaimuri vanigamu.

Mateo 23:13

“!Sauba ke seko sosongo rago vanigamu, igamu na tarai na Ketsa ma na Parisii! !Na vanga malapalu igamu! Amu ravekakaia na banina na Verana God i gotu, kara gini tau sage igira na tinoni. Migamu segenimui goto amu sove na sage i laona. Mamu tongokapusi vanigira goto igira ara ngaoa kara sage baa i tana.

Jeremia 5:21

Kamu rorongo dou igamu na tinoni bubulega tau sasaga. Igamu amu tamani matamui, mamu tau moa morosi gadoviginia sa omea. Mamu tamani kulimui, mamu tau moa gini rorongo.

1 Taovia Tsapakae 22:19

Ma Mikaia e goko babâ me tsarivania a Ahab, “!Kalina ia, igoe ko rongomidoua na omea e tsaria na Taovia! Inau au morosia na Taovia e totu tana nina sasana na totukae i baragata, kolugira nina angelo sui ara tutû i ligisana.

Amos 7:16

Bâ, mi kalina ia, igoe ko rongomia na omea e tsaria na Taovia. Igoe o tongo vaniau inau na katevulagiana nina goko na Taovia ma na goko parovata vaniaqira na tinoni ni Israel.

Jeremia 28:15

Minau a Jeremia au ba tsaria na omea iani vania a Hanania, mau pabogotoa, “!Ko rorongo dou igoe a Hanania! Na Taovia e tau molomaigo igoe, migoe o naua migira na tinoni ara tutunina nimu goko pero.

Isaia 28:14

Mi kalina ia, igamu na tinoni lokiloki vanga kaekae amu tagaovi kaputigira na tinoni ieni i Jerusalem, kamu rongomidoua na omea na Taovia e tsaria.

Isaia 1:10

Eo, igamu na tinoni lokiloki ma na toga ni Jerusalem, amu usuligira saikesa nogo na tinoni ni Sodom mi Gomora. Kamu rongomidoua na omea na Taovia e tsaria vanigamu. Kamu pukudougira na omea e sasaniginigamu nida God.

Linge 56:1

Niqu God ko galuveau, rongona ara mai saisai gaqu; igira gaqu galu ara rotasiau sailagi.

Nina Papi A Job 24:4

Ara surukeliligigira igira ara tau tamanina sa omea mara turugira kara tsogo ma kara ba taopoi.

Esekiel 45:10

“Bâ, migamu sui na tinoni tana Israel nimui aqo kamu gini aqo moa na tovo mamava ma na tovo sangava dou vaga girani:

Amos 5:12

Inau au donagininogoa na sekona popono nimui sasi, ma na dangana na tsutsukibo igamu amu naua. Igamu amu rotasigira na tinoni dou, mamu adiqolona na sanga kesa tabana tana pede mamu pede peqogira na tinoni sekona lê.

Mika 2:2

Kalina ti vaga kara ngaoa niqira uta na tinoni tavosi, migira ara ba adilegira moa. Me ti vaga kara ngaoa na valeqira, migira ara ba adilegira goto. Me tagara sa tamadale, se sa niqira omea tatamani, tangomana ke toturavi dou.

Linge 10:7

I laona na mangana aia e danga moa na gokoseko, na pero, ma na gorara tinoni; mi vavana na lapina e totu na goko vavanga ma na goko saisai.

Esekiel 22:12

Me visana nimu tinoni ara adi vovoliqira moa gana kara naua na labumate. Me visana ara adi papabona na qolo tana kaoni ara nauvanigira igira gaqira verakolu, mara turugira gana moa kara tusuqolo vanigira. Igira popono ara padaleau saikesa nogo. Inau nogo na Taovia God au tsaria na omea iani.

Mika 3:3

mamu ganigira. Amu paloligia na kokoraqira, mamu kutsigira na suliqira, mamu pari kutikutia na lakaqira vaga moa ti na omea gana na mani kukiana.

Sekaria 5:6

Minau au veisuâ, “?Nagua vaga ia?” Maia e gokovisu me tsaria, “Aia e kesa na kei loki, na papadana niqira sasi na tinoni tana kao popono.”